،
لگيـنه الدنيـا مو منّه ولا مـنّها ولا بيها الـ يغنينه
ولا بيها الـ عرفنّه منين من يا طين
ونحط روحـنه بـطينـه
ولا بيـها الـ قرانه منين
من يا ااخ واندل كل بواچينه
ولاضـل طيف يسـوّه رموشـنه تشبگـه
ولا ضــل باب يســوّه چفـوفنـه تدگـه
يروحي الناس كلمن عايش لـروحــه
يروحي الـ ينلچم يتعوّد جروحـه

#علي_عجيل_الخفاجي

بجفاك كلساع افز
جبت آنه طيفك حرز بالجفن علگته

يمعوّد تأخرت عالبيك عودتـه

احساس عندك شتِه
بس اوگف اتذكرت شو گلبي ذوبته

يا بااارد ومحترگ
يا نِفس بس مختنگ
يا جرح بس ينعشگ
يا كلشي .. بس انته

گالوا تمُـرّ بدرب
لملمت عمري بعَجَل عالدرب وزعته

چا يمتى تعثر بعد مو عمري طشرته

ومشتاگ اسولف بعد
بس انت ساكت چنت
هسه آني من ابعدت مشتاگ للسكته

#محمد_السيد

ضمّيت لك كَمره ومواويل
وشِـفتين خمريّــــــة التقبيل
وجفوف كل اِصــبع بمنديل
يل مـــــــا تجي الّا بتواسيل
شـتـكَـــول يمطفّي المراسيل ؟
.
#القصاب

❤
چا هوه النظر بي خير اذا ماشاف راعيه
دصد لية استوت ناري وبعدهي احچايتك نيه

#مثنى_كامل🌿

تعاتبنه بحيث اشفافنه اتلاگن

محمد العقابي 💔

مو چنت ذاك الفطير اليضحك اعله سوالفه وما مَره حَن
ليش بدلتي ملامحنه بحزن
ليش علمتيني ابچي اعله الاغاني الما احبها
وحتى ما انتظر كلمة

صاير ابچي اعله الـ لحن

يـ اللي عفتي الليش ما بين الشفايف
ليش شجعتي اليخاف وصدگ بروحه شجاع وسار عگبچ
لديرة بيها الخوف خايف !،
.
#احمد_ابراهيم

شو
بلّـة اضحك
جمل مناغاتي فدوه
ودغدغ بروحي قصايد

وجدان النقيب

ما مشتاگلك
بس مشتهي ابچيلك


محمد العقابي

باهلت
الفلح والكاع
ماشتلو مثل خصرك

حيدر الحمداني

ولاعندي جفن فديوم فك ريجه بحلم منه
شسوه آدم يطب مرتين للجنه
الضحك عكب الولف غيبه
يسولف للملح جرحي
واگول وليفي من طيبه
ونيم الليل بشموعي
بتصاويره اطفي الشته البظلوعي
وبعد لسه
اصر ضحكاته حروز لبواچيي واگول يعود
عگب العافيه خيط الفجر معگود
هذني البانن بچفي حروف اسمه
المري ماتعرف ترسمه
بفي الشامه اريد اغفه ولو نوحين موش هواي
حزني وصبري ويه الليل حيل هواي
ضباب البچه المرايات من عندي
يبيبان الهوه انسدي

محمد الگرعاوي

❤

فززني طيف الهوه

وجيت أمشي گَدامه

ثاري الزعل بالگَلب

يجرح مثل جامه

لـ #عبد_الكريم_القصاب🌿

يالتنشد مبينه تره
البچو عيوني إعزازها

مبينه الرسالة من الحچي
الصاحبها باچي ودازها


#باهر_الجنديل 🌿

❤

سكرانه الكَلايد نامت بصدرك

#زامل_الخفاجي 🌿

❤
احنة جينة لحضرتك ندعي ونتوب
شو رجعنه ويانه تمشي ذنوبنه

هي شامة ويندل الله يحطها وين !
بالمكان البي يعذب گلوبنه

#زيد_السومري🌿

وآحد يتقدم عـ الثآني
و محد من عدنه يمد ايده
و ما نعرف شنهو يخوفنه
بلكت فآعل خير يجرب
وآحد عـ الثآني يعرفنه

حسين السعيدي

يـامحطه تشـيل گلبي
وتعتنـي بيه لگلبـهم

مسـافرين
وماخذين العافيه امتاع بكترهم

مسـافرين ولسـه احبهم

حسن وصفي

واذا مغثوثه من عدهم
و اذا بينت دمعتها
وما گدرت الي تحچي

احيير ابيش اواسيها
اگابلها و اگوم ابچي !
.
#احمد_ابراهيم