حمودي شوفها 😌

انتهت امسيتنه الشعريه شكرآ للجميع ع المشاركه
❤️😍 اسعدني عبق حروفكم ❤️😍

اشعل اغنيتك .. وكاسك
واحجي للغربه .. عله ناسك

وابجي لا حزنك .. يفضحك
هلبت اشواك الرسايل تقره جرحك
هلبت يطك الصبح بالظلمه ..
والقمصان تضحك

#محمد_عبد_الكريم

الليله صوتك
مو مثل صوتك هذاك
بي برائه وعاطفه ونبرة طفل
الليله روحك جايه تدور أمان
وخايف اعله اسرار گلبك تنسأل

#جبار_رشيد

مشاركه متأخره 🙈

ليش من سالوك عني تكول ما ادري شعليه
واني من سالوني عنك
ما كلت فكيت زيجي تباوعوا شافوك بيه

#عبد_الحسين_الحلفي

شنو فضلك عليه وحاطني وي الريح

خانگ فرحتي

ورملاتك تذري

لا مثل الخلگ وتدگ عليه الباب

وتسر خاطري ولا گلت متبري

معلگني بأمل يادوب يشفع بيك

واتأمل حلاتك

واحتمل مري

#عريان

لملم شما بقه بروحك وإنعزل
شوفلك دنيه اعله كدك ، عيش وحدك
حوك من آخك قصايد
سوي من جرحك نشيد
عيش يمهم
بس بعيد

ل عزيز عسكر

ركض بيك الجدم خالي
وركض بيه الحلم خاوي
وشهكتك وي حجي الغبشه
ومتت موته عرج صفصاف
طارن كل عصافيره
ولا بومه التطر وحشه
ولا حطاب يشجرني
ولا بسمار بجفوف المزاعل
عتب يحفرني
وكلت ياروح هديني
كلت ياكاع وديني
وعفت ناعور ضحكاتك
يلم بيه ويبديني
ومكاتيبك
لهسه بروحي هالتدوي
اغار
وانتظر ردك
واكول النار ما تجوي
يمن صفكت بصفاحي
بضلوعي بتراتيلي
إنوي وآني خل أنوي
وهيم براك خطواتك
واصفط بالحجي واعثر
واكول زغير وآني ازغر
واكول هناك وديني
لعتبة زيجك الاسمر
يأول ماي ينفر من حجي العنبر...
.
.
...هاشم الخزاعي.

دليني عليك وتيه..

تيهني اعله كد ماتوسع عيونك

عمار الموسوي

گلـي هـلا ومرحـبا و التعـب كلـة يـروح ...

#القصاب

أنه العصره الـ بتالي الليل

#امجد_الحلفي

احط دوخة راسي بسكوت اعله چتفه
ويفتهم ليش اسكتت

#التواب

غرف روحي صبغهة الذّل

يبعد ال ( وين ماديرنها ، تتلگاك )

خايب ضل

#علي_تاج_الدين

بوسني
بگد موعتي بحلت ازرارك
وحده وحده
موش كلهن مره وحده
خاف بالبوسه اشتعل واكشف اسرارك
خاف مانطفه بخدر
من تنطبج ناري اعله نارك
يا عطيت الله شحلاتك