يمه بس الگمر بالدنيا يحبنه

اعلينه يسهر دوم ما غمض عيونه

يمه خاف الگمر هم ينباع تالي ويشترونه !!

#كاظم_خبط

انا الجرف اليسامح روج شاطيه

#ايهاب_المالكي

وألم خصرك من الجرجف

#علي_الصفار

خـيال البوسـة بشفافـك يلـم خـوفـي

#كاظم_لالة

اطير ويـ الهوة ... من يمر طاريك
احـن مـره لـهلي ... ومرات احـن ليك

#الكاطع

گلبـي ولايـة للضايـع
و عشـگ للمالـه واحـد يعشـگ ارسـومـه ...

#ازهر_كريم

الكَلب لو ينسى
مثل العين من تغفه احطله جفون

#جاسم_الخفاجي

بهيـده يا نسمـه
ويـه خصـلات إلحـريـر
يطيـر گلبـي ويـه إلشعـر
لمـن يطيـر
.
#عـريـان

عساها اتخضر التينه

ونمد بفيها السواليف

خبزه واستكين چاي

وراحة بال تكفينا

وعلى اركبك مثل ما چنا
واحنا زغار

ننسه ارواحنه
ونغفه لهذاك الصوب

ياخذنا السعف لـ الله ويرد بينا

#النواب

يا أمام المسح راسـك حتى اگوم استقبلك
يانهر يغسل ذنوبك حتى شفتي اتقبلك
راح ذاك الوكت راح الچنت اشوفك بي ملك

#القصاب

بجه
وتبدن عيونه
سألته شحل خضارك ذاك؟
وليا طين هاللوليت؟
مو مثلي..
فز بيك الدمع دخّان
و أوّل ساجيه تبدّيت
وأوّل ماصرت شبّيت
من كفرو برب الشوك
لبست عيونك وصليت
ومن هزو كواريكي
شبكت اول حضن حضنك
وكَعدت بفيّك سنيني
تجي اويه امي طواريك
وسكت من تناغيني
وآني ادريك...
وجهك مو صدك وحجايتك تنعاب
عشت عمري هوه
وكضيت عمرك باب
يبو خلك الشحيح
شما تهل سرداب
انه ميت عطش
وادريك صم تراب
أمنت الفراش الذمة العاكَول
من شفت الورد جذّاب
ومناغاك
ترتيله بحلك سكران
لا بيهه خشوع وعلى عليهه اعتاب.....
.
.
#هاشم_الخزاعي

وصبتلي العمر بالكاس
وكالتلي فداك. .اشرب
لحد آخر نشغ بالكاس
وانسه الناس. .
مادام النده اعله الياس

#قاسم_بخیت

شنهي گلبك حتى عالـعافوك حّـن
وشنهي صبرك
گاعد اتاني الـمواعيـد الجِزّن

روح عيش .. المنتظرهم عايشين
وذني الـعيون انسّـن

ناس ملتهيه بفرحـها
وناس ملتهيه بحزنها
وكل الگلوب التهّن

روح بس تنسه جرحهم
احسب جروحـك گـضّن

يا غريب ارضـه بقسـمتك
عيش وحدك لا تـدورلك وطّــن

#علي_عجيل_الخفاجي

بچه
وتبدن عيونه
سألته شحل خضارك ذاك؟
وليا طين هاللوليت؟
مو مثلي..
فز بيك الدمع دخّان
و أوّل ساجيه تبدّيت
وأوّل ماصرت شبّيت
من كفرو برب الشوگ
لبست عيونك وصليت
ومن هزو كواريكي
شبگت اول حضن حضنك
وگعدت بفيّك سنيني
تجي اويه امي طواريك
وسكت من تناغيني
وآني ادريك...
وجهك مو صدك وحچايتك تنعاب
عشت عمري هوه
وگضيت عمرك باب
يبو خلگ الشحيح
شما تهل سرداب
انه ميت عطش
وادريك صم تراب
أمنت الفراش الذمة العاگول
من شفت الورد چذّاب
ومناغاك
ترتيله بحلگ سكران
لا بيهه خشوع وعلى عليهه اعتاب.....
.
.
#هاشم_الخزاعي