سمـعـونه شعـر 😔 👇
أبـديهـا انـا :..

ظل وياي

أرش حَضني هلا و ياريت
ألمك لو سما تبديت
ظل وياي
وأشيلك لله وأصعد بيك
نتشبله المطر حفاي

،#احمد_العامري

اني احبك حتى لو غيري الخذاك
انت تبقى بداخلي مالك غرض
وكلشي بالدنيا حلو يذكرني بيك
يا خسارة عمري .. يالمالك عوض
وكت گمت اسمك اسمعه من الغريب
گبل چنت اسمك اسمعه ويه النبض
انت خِلي ودمعتي ونجمي البعيد
انت يقرونك عَلَيّ وكت المرض 💔

- علي حداد

انهَ وحلفِاني انكسرَنه من اجيتَ
ومن شفت ما باچيه عيونك
بچِيت .

أخم الليل و اترهدن بموّالك
يومية إنتفارگ وارجع اقرالك ..

#حسام_الكعبي

الخساير تنعرف قيمتها من تروح
رحت أنــي وبعد ياهو الـ تربحه..

نريدك تعبرنه بس الفتره هاي
لا تشيل ذنوب كل المسلمين
تره عيونك تنحسب ع المفطرات
واحنه گوه مراوسيها وصايمين
وشامتك رسمياً تخرب الصيام
وضحكتك تستفز حتى المتقين
خل يخلص عاد شهر الله وتعال
وباقي الاشهر باليعجبك صايرين ♥️

- احمد المرشدي

رمضان كريم حبايب ♥️

نسيتك گوه موش براحة البال
ومر ذكرك بروحي والجرح عال

افگدك لو تزاعلنا
وافگدك لو تراضينه

مرات الخساره تجر خسارات
وفه الغيمات كبر مشكلتهن!
اول گطره طاحت والبقيات
نزلن بلكت يرجعن اختهن

مامتعود اگضي ايامي من دونگ .
خل يطفالي كلـشي ولا ضوه عيـونگ

#زيد_آلهاجري

يريت الناس كلها تعوفني بحالي
وبس انتَ وحلاتك ترهم گبالي
#زيد_آلهاجري

ماسَميها عيني الماتجي بلونك
خَل يطفالي كلشي ولا ضوة عيونك
#زيد_آلهاجري