شيبي والكبر موضوع ثاني
أنا ياما دمع بلل رداني
ضعف شوفي وادور عن مكاني
واخجل لو رجف بيدي استكاني

خايف من عيونك
الكلش احبهن
خاف هم ارجع احبهن
وانسى البصدري كسرته ..

اخفف بالوجوه
المشت فَترة وياي
ما أريد اتعب بحاجة
بعد منا ورايح جنطة مسافر
" اخذ بَس الاحتاجة " ..

أخ من ذيچ البدايات السعيدة
الـ چنت احب بيها
أنــة طبعك
الـ چان بيها الصمت يعلى
و أنــة اسمعك
الـ چنت بيها معلگ امالي
بطرف خيط ويه اصبعك
ما چنت ادري
بكثر ما فرحتني ابچي عليها
أخ من هاي النهايات
انكسر گلبي من أديها ...

لزم شباچ حيدر گلي ما أخون
ألتهينا نطوف
تيهتة ، أندرت ، خان ..
ذيچ الساعة طاحت دمعة الگاع
و جوة سابع سمة من الحرگة دخان
حليبك طاهر ؟
يبين بالفراگ ..
يثبت عيد اذا ضل يگلب الوان
و فضت ؟ لو بعدها طلابتة وياي
وكت ماعندي أضيعة و گلبي خلصان ..

واعدتني تصوغ عـمري بكُل براءة
عوف وعدك
عـمري وينة ؟؟

چا هيچ گالوها ولك ؟
مَا بعَد نتسامَح ؟
وانه الغشيمَ الحسّبت گلبك
مثل امي علي
على السُفره لو اكبَر زعل
بس اغص نتصالح .

واذا ترجع اسد بَـ وجهك
البيبان واذا لحيت اسمعلك
سراگيهن..

عَليك تعَطلت
مَو يعني ناسيك
ولا مَشغول
لكن بية حالة
رُدت آعرف معزتي
بگلبك شَلون ؟
وضليت انتُظر مِنك رسالة ..

ماعندي فراغ
‏من الصور للشوگ
‏واذا صحلي فراغ
‏اگعِد واغنيلك
‏وحتى بدمعي
‏ماقصرت وياك
‏والــلّٰـه هواي باچيلك ..

خوفة بروحي
من بَعد النهايات
شلون أتعلم أگضي أيامي وحدي؟
يمي هواي
بس ما چني موجود
تمر ساعات
وانه أيدي أعله خدي
تعدي ايامي
انه الما أعدي
مُمل، ما أحچي
ما يفهمني مخلوق
مو بس البَشر كاره مكاني
أتيه بيتنا و شارعنا مرات
بكثر ما گاعد أفتر بالأغاني..

ﺑﻌﺪ ﻓﻨﯿﺎﻥ ﺿﻞ ﺍﻭﯾﺎﯼ
ﻧﺴﺪ ﺣﻠﮓ ﺍﻟﺸﻤﺎﺗﻪ ﺑﺴﺘﮑﺎﻧﺔ ﭼﺎﯼ
ﺿﻞ ﻭﯾﺎﯼ
ﻭ ﻃﻮﻝ ﺷﺮﺑﺔ ﺍﻟﻔﻨﻴﺎﻥ
ﮔﺪ ﺧﻠﮓ ﺍﻟﺸﻤﻊ ﻭﯼ ﺻﻔﻨﺔ ﺍﻟﺴﻬﺮﺍﻥ
ﺿﻞ ﺍﻭﻳﺎﻱ
ﺑﻠﻜﻲ ﺍﻳﭽﻞ ﻋﻠﯿﮏ ﺍﻟﯿﻞ
ﺑﻠﮑﯽ ﺍﯾﺤﻮﻑ ﺩﺭﺑﮏ ﺳﯿﻞ
ﻭ ﯾﻨﺴﺎﮎ ﺍﻟﻮﮐﺖ
ﺑﺎﻟﻘﻮﺭﯼ ﺣﺒﺔ ﻫﻴﻞ
'
لـ ﻓﻬﯿﻤﻪ ﺍﻟﮑﻌﺒﯽ

صدك ما لاح ذيچ عيونهم هم ؟
لـ اغص بجناحهم كل ما سما اشتم ،
هالليلة چبيرة وبيها حسيت
البرد يركض من البيبان للدم

باهر الجنديل

العالي ينذم ..
حتى لو شايل حلات
انگله مر ..
انا اموتن ع گصر 🙈
خلهم يذمونچ اهلج انا احبج
حتى لو طولج شبر ..

#علي_جمال_الكعبي

چندوب اگولن عاذرك
خلصت عمري مناطرك
مابيه بس لخاطرك متعني الثگال

چا عبالك الينعاف حُوبة گلبة ماتكتل ؟

احن واتذكر السويتة وياية
ما خلاني ليلة اغفة
وچي اكثر مكان الحاچي بي وياك
گمت اكرهها للغرفة
وما مستوعبها هالحالة !
بسهولة تعوف هيچ انسان
چنت انتَ الوحيد العايش ببالة
وبس انت الوحيد الچنت
تتحكم بحالة
ماحنيت ؟
شلون ايامي تنساهِن !
عيونَك من يمرهن خوف
مو چنت ابچي وياهن ؟
التفاصيل العشتها وياك صعُب
يم غيرَك الگاهن
ومن سألوني على ايامنا الحلوات
گلت الله على سنينَك
وترة لمن رحت مجبور
ماردت اصغر بعينك ..

أحسك عايش بروحي لحد الآن
و احچي بصيغة الموجود مو بـ الچان
و لحد الآن ما ناسيك ..
ع گد المحبة يطول النسيان
شلون انسة يـَ ناسيني ..
المواقف وگفت بگلبي
گبل ما توگف بعيني