ولو چلبت بيك هواي
بس هذا قرارك واني نفذتة
يومية اطوي صفحة
وابدي صفحة وياك
لو قاري مُجلد چان خلصتة.

مني و بية چانوا
طينتي و دمي ..
من چانت الخنگة تهون اذا ينجاب طاريهم
من چانت اذا ضاعت ونستي تضوي أساميهم
من چنت ادري كومة وجوه غير وجوههم تسوى .. بس ضليت أداريهم
چنت من عدهم و بيهم
چنت متونس بروحيّ
و حرگت بروحيّ بس حسيت خيط برودة مـَر بيهم
أعز من روحيّ شنطيهم ؟؟
الـ ماصاروا گبالي بأتعس فترة من عـُمري
عليمن مستعز بيهم ؟؟

ذكرياتك ما عفتها
و الـ أريدك ماتت بشفتي بكثر ما رددتها
فكرة النسيان صعبة !
شلون هيچ أستوعبتها ؟
أنــي من گتلك نسيتك
بس گلت ، ما طبقتها ..
تدري صـَحاني غيابك !
و الحياة بعدك شفتها
القوة من أتحدة روحيّ
بأغنية نغنيها چنة
و ما أتأثر نفس ما چنة بوقتها !!

روح براحتك لكن خسرت انسان
يذكرك حتى من تخونة ذاكرتة
يدور خاطرك بس مالة خاطر چان
لهنا والنفس ما يوگف بلياك
انا الـ اعز منك للگبر شلتة
امنيتي اشتاگلك بس ماتجي عالبال
ماجاي احس عندي انسان فارگتة .

عامانِ مَرن وقد اخفيّت أحساسي
على أهلي
على صَحبي
على ناسي
أصير گبالهُم واسكت ومايدرون
شنو هـاي المُصيبة الضامها براسي

تناديني جموع الناس يا ثملاَ،
وما بصروا نزول الخمِر في كاسي،

تاليها وعرفت الزين للموزين
وكلمن گلبه طيب يوگع بقاسي ..

الشغلة مو شغلة وجه و عيون متعودة
الشغلة شباچ أنفتح ع الرية من عطرك ..
رفض بچفوفك تسدة
يا مـُزمن بگلبي♥
عسى الــلّٰـه يديمك
و من لا عساه تهنى كلمن يمك
حنيتلك ، يـ الما شبعت من أسمك

صافحتني بچف خريفك
نزعتني اوراقي كُلها .. 💔

فُقدت السيطرَة
وبالگوة جاي أصبُر
وأول مَرة أحِس بنفسِي
ضگت المُر
صفنت لنَفسي
هذا التَعب يخلص ويّن
شوكِت أتعَب
وأحس هذا التَعب مثمُر

الخذلان انطاني الخبرة
غيرت اشيائي الماحبها
صرت انسان يقدم روحه
ميقدم للناس بكثرة
يكسر صاير
محد يگدر يوم يكسرة
خسران الـ بالعدد يكثر
الشخصيتة قوية يبين
من يسمع كلمة "متغير"

عيد وبي زعَل
چا هذا عيديش
ما مَحسوب عيد
خلاف عيّنك
مَدلل مو چنت
وياي يفَلان
هلك مو مثّلي
خاب مدلليَنك.

( كل عام وانه جرح ما ينشفي بغيرك)
كل عام وانه اختنگ وابچي بتصاويرك

كل عام أريدك تجي..
ويخيبن ضنوني

من الليل اكض الدرب
وانطر لحد الصبح
(عبالي عندك گلب ..ما يگدر بدوني)

وچم عيد مر وخلص
وذيج اعله نفس الدرب ..
تنتظرك عيوني

( كل عام وانت ضحك وانه الحزن لوني )

#فواز_رشم

العيد ..من طولك يجيني
العيد..من يترس سمارك ماي عيني

بلا ضحكتك ..عيدهم مابي محنه
بلا ضحكتك..عيدهم مو مال اهلنه

#فواز_رشم

اي يآ زهرتي بـ حبنه هذا اول عيد
خليني يمچ و ايد تتغطه بـ ايد
گبلچ چنت يوميه اضَيع سآعآت
بس هسه احس اللحظه ويآچ اتفيد
كل عام و انتِ ام الخدود الحلوآت
و الشوگ يمچ حتى لو قَل يزيد
مآريد غير الزفة بـ العيد الجآي
والعآشگچ من گلبه يعرف شيريد


#مهند_العزآوي


كل عام وانتوا بألف خير .. الله يديملكم احبابكم وناسكم بكل عيد يارب ..