مِن تفز بالليل رد نام على چَفك
‏لا اكو واحد چَفة يرهملك مُخدة
‏ولا اكو واحد يقرة حزنَّك
نام يَـ المَتعوب وحدَّك .

الصبح يبدي بضحكتك
خاف تطلع
لا تدوس
عيوني سهرانة بعتبتك♥

- مثل ما عـ القصايد بيت بيت أتعب
- هيج اختار حچيي وياچ حتى انحب
- بـ حلاتچ وين أگو مــن الصبح هيج أوجوه
- أنه مو مُعجب ، أتعجب ،

- علي مهدي 🤍

صَعبة أگدر أمشي وَحدي
الناس شافتنا سوية
و لحظة الـ سألوني عَنّك
جَربت طَعم الـ أذية ،
چِنّة نِستّخطي الـ يحب لمِن يفارگ
يعني هـَسة احنا خطية !
كُلشي ما باقيلي مِنّك
ليش كُلك باقي بية ؟

عندك؟ إنطيني ..
الحلول العندي حتى انساك كلها أستخدمتها .

- زيد الهاجري

اكتبولنا شي من ذوقكم ♥️👇🏻

تعال امسح دموعك و أرسم افراح
على عيونك و خدك و الشفايف
و معليك بحِزن ذيچ المواضيع
راح أختارلك أحلى السوالف ♥

هذا أول ذنب باليوم أعذرونا
من فزيت هالليلة
عرفت اليحلم بوجهك
كفُر من يفتح عيونه ♥ .

ردنا نعوف كُلشي و ما گدرنا نعوف ! 🤷🏻‍♀💔

شلون ليلك ويه ولفك ؟
- روعة ليلي
بوس حار
وغرفة ظلمة نبات بيها
وما اسولف
واحد اعله الثاني فاير
أبدي اشبگ بالخصر واشهگ عطرها
ارجف وترجف عليّة وسوه نهدّي
شلون ليلي ؟
هذا ليلي ويه الجگاير ..

- رضا كاووش

من گتلي باچر اجي
ظليت اعد بالوكت
باچر بعد باچر
مرن سنة وست اشهر .. چا ما خلص باچر ؟ 💔

زماني شال مني الضحك ... وانحط
وبقيت اسحل سحل بالروح ... وانحط
مامرتاح كون انشال ... وأنحط
بگبر واسمع بچي الوادم عليه 💔

هيج وصَرت مو مهم
وعندك فراگي طلع ميَكلف أغنيَة؟

البارحه رحت المكان اشربلي راحة !
وحالي حال الورگة صاير
يمي جتي بنيه حلِوه ..
وبينها وبين الخمر ضليت حاير ؟
وانه گد ما گلبي فاير
صارت (المزه جگاير) ..
خلص ليلي وكلت اروحن
ردت اوگف مگدرت ، گالتلي اعينك ؟
وضحكت ضحكة چبيره
بگد نفاق اهل العمايم
چيف صار سنين ماسامع (الـ وينك) ..
گالت شمالك منو متعب سنينك ؟
حته مِن تبچي الدمع ميجيس خدك
ليش هيچ مگلبچه برموش عينك
اني هم متعوبه مثلك !
هاك متني وخلي ادينك
خل نروح نفر (درابين المدينه) ..
حته اگلك ذني كلهن فدوه يرحن
يم حنينك ..
واني هم انسانه مثلك !
(ماتو اهلي وضگني عوزي وبعت ديني) ،
النفسه دينك !
واشتريت " الحانه والخلخال والكاس "
اليدليني اعله طينك
وارد اگلك لا وطن يسمحلي اعيش ؟
ولا ديانه اتشيل عوزي ؟
وكافي تلچمني بونينك ! .

لـ رسول محسن .

إلتقينـه
وماكو شي بالدنيا يكسر
غير اول شوفة للمتفارگين
إلتقينـه وچان مو شيطان
ثالثنه الحنين
اتقربتلك .. وانكسر گلبي .. ومشيت
بعد كل ذيچ الميانة .. ومستحين ؟!!

- يونس محسن

اتذكر من چنت يمي وانيماك ؟
اعله زندي چنت احطنك وانيمك
وعلي بجفاك ما ونّت ون اماك
ولا حنّت مثل ما شوگ بيّة ..

المصايب من مشيتوا عَلَّي صالت
ومثل صلّت عظم مكسور صلت
بكثر ما عاشگك من گمت صليت
الحمد عفته وصحت جيبوه الية ..

فهيت ودرب المحبين ظلاه
جدني وتيهت باطراف ظله
شبگته وردت اهده وصاح ظل .. لا
تهدني وضوگ المرطبات بية