ياريت آصير سوار بيده
وكَلاده ليلو فـــوك جيده
بيّه ونين يكَـــــول آريده
مشــتاك والســجه بعيده

صوچي عالماعوفك انطيتك وعـــد
هيه كسرة حاجب وما اضل بعــــد
يحترگ گلبي ويوزني اعله الرحيـل
وبس يجي المغرب والامصخم بَرَد

..
رضا العبادي

لهفه لهفه
لاتوزعهن دخيلك ضملي لهفه
شوغه البيبان
دگه بچف حبيب
وكلشي يطفه
النشفت رياگه ويلوع من اليباس
مو مريض
هذا فاگد طعم شفه

اليگعد بليله ويلولي عله النجوم
هذا ضايع منه صوت
ومن يسمعه بسرعه يغفه
اليحظن الچمره ورچيفه يهزله گاع

هذا مو مبراد… لا
هذا رايد حظن ولفه
يالمشيت بكل حواسي
ضمني حيل وخلي أدفه
-

ضم التحبهم ضمّة الـ آه
و لو نشدوا اهلك گلهم إشّاه

خايف و گلبي البرد وازاه
الضيّع حضن چا وين يلگاه .. !
.
#حسام_الكعبي

عطاشة ‏وغير عينك ذيج
ماظن عين تروينا

عريان السيد خلف

چنت اشوفچ يقظة بـ احلام السعادة
ودنيا مليانه أمل
وچنت اشوفج فرح عرسي
وشمع ليلي
ودهر ايامه عسل ..

ابرز وصف للخذلان ..
و اعظم ما غنى فؤاد سالم

مكحلين
وضيعونة إبين حسرات المكاحل والمراود
غانمين
العلمونة نعيش صورة
، وطيف ببحور القصايد
بيهم الغبشه ،
اليهب فلاح ،بيها يناغي گاعه
وبيهم الفرحه ،
اللي طرزها الوكت باجمل اطباعه

غازي ثجيل

يافشلة الماتنگال...
اجوا من صوبك معرسين
گالولي بغيابك تضحك عيونه
ولا مهتم !
ولا يذكر !
ولك لو بالچذب ناشدهم شلونه؟..

ميثاق الهلالي

مامش شوگ جاسك ؟
گلبي ماشفته ؟
آنه الادري بي كُلش حنين انتَ

‏لو مطَيب خاطري
بكلمه !
بسؤال !
شراح تخسَر ؟!
وگتلك بأخر رسالة تبادر وتنقذ حياتي
وچنت تگدر 💔!

ردني ل اول سالفه
بذاك الدرب من نمشي سكته
ردني ل اول مستحه يطيح ب احبك
ردني ل اول نضره جانت عايزه
تسافر الكلبك
لمني يمك
وانه كل ثانيه بكلبك راح احبك

مرتضى الغزي

الحداثة البيچ ما تقراها الـ احديثات الـ بگدچ
الوحي يباريچ بس وينه النبي الـ من خاطره يعبدچ
الـ دخلو دينچ يعرفون شامات الضوه بخدچ
خذوچ ومن جديد انريد للدنيا هوا انردچ
"وهج" ماكو سما بگدچ...
.
وسام سباهي