..
..
ﺷﻤﺦ ﺟﺮﺣﯽ ﻭﻋﻠﯿﻪ ﺍﻧﻬﺎﺽ ﻭﯾﻌﻮﯼ
ﺍﺑﺴﺒﺐ ﺍﻣﺸﯽ ﮔﻤﺖ ﯾﺎﻧﺎﺱ ﻭﯼ ﻋﻮﯼ
ﺍﻣﻨﺠﺮ ﺍﻻﻭﯼ ﮐﻠﻬﻪ ﺍﺗﺼﯿﺢ ﻭﯾﻌﻮﯼ
ﺍﻟﻮﯾﻊ ﻭﯾﻌﯽ ﻭﺑﻠﯿﺖ ﺍﻟﻨﺎﺱ ﺑﯿﻪ .. ﻣﯿﻼﺩ ﺍﻟﻄﺮﻓﯽ
..
رجيج ومالي حيل الويع لوهاي
ومابياش اكض العكل لوهاي
حرت وين اطي ويهي الهاي لوهاي
اهن كترينهن ضيم واذيه.....
م
..
وينك ماترد يدواي يلداي
يلد يالمانفع وياك يلداي
وصلت المرحلة يخيطون يلداي
موهدمي اليلد يعرض عليه

حسين السيد نور. .
..
وحياتك لو صدگ مرتاح ماچان
همت والليل كله اعليك ماچان
گمت ابچي ابجفاك منين ماچان
صبخه ونز دمع فرگاك بيه.
صادق السكيني ..
..
هنا يل چان طرفك لامحنه
يظل جفي اعله طيفك لامحنه
لا ظلت شفاگه لامحنه
الهلا شرخص الهلا وشحت عليه
،
حسين صالح
..
انه شبيدي على الدلال لاعان
عليك ولايعات الچبد لاعان
انحلت لا عن كبر لا عوز لا عن
مرض لاچن اسوات اجفاك بيه ،،!
م
.. الدگو چف موده وعلی شالو
افتگو مایوم مره الجرح شالو
الامس حطو علیش الیوم شالو
اظن چانو اطروش الموت لیه. ترکی الامیری
..
.. ﺍﻓﻪ ﻟﯿﻞ ﺍﻟﻤﺴﺎﻣﺮ ﻟﯿﺶ ﻣﺎﻃﺎﻝ
ﺍﻭﯾﺎﮎ ﻭﻟﯿﺶ ﻭﺟﻬﮏ ﻋﻠﯽ ﻣﺎﻃﺎﻝ
ﺍﻟﻬﺠﺮ ﺻﺎﯾﺮ ﺍﺑﺮﻭﺣﯽ ﺍﺗﮕﻮﻝ ﻣﻄﺎﻝ
ﺍﻣﻦ ﺍﺩﺧﻨﻪ ﺍﯾﻨﺶ ﺩﺑﯿﺐ ﺍﻟﺸﻮﮒ ﺑﯿﻪ

موعود الرشیدی
.. شــبه لـوچ المـعسـره اعـليـك لـاجــيت
روحـي ودمـعتـي بالـ؏ــين لـاچــيت
ذكــرتك وبـ؏ــزه الجـيران لـاجيــت
الــطمـت والفــاجـدات اصــفنن بـيه..
م
..

..
..
ضايع بروحي حجي
واشتاگلك وافحط
يكبر ضياعك مثل
دمعة وشربها الشط

فاهمني من مظهري
چي يمك اتحنط
واخفي الحزن والعتب
واكبالك اضحك چذب

مظفور واتمشط
مو صعبة تلكه محب فوك الجرح ينحط

ومو صعبة ترسم وجه
فوگه الحزن شخبط
ارسمني من داخلي
اتحداك ماتغلط
ارسمني من داخلي واندل تجاعيدي
ضايع بروحي حجي وعينك مواليدي
من كلشي بيه تعب
ومن كلشي بيه حطب
بدلة ودادك قهر فارت مواعيدي
عشكك جزاني ومضى

وبالعكس كلشي انكضى

بس اني بمحبتك
فنجاني هز ايدي


عقيل العرد

اذا مايجوي روحك شنو طعم الليل .. كونك بيك همه اتعاند ويالميل ؟
غفيه لحد ما يبزغ رفيف اخويط الفجر بس لاتكول السهر كام ايعيل
من اتهد ذكرياتك شامت الدخان ؟ حاجوزك دمعتك ! لاتصيح ادخيل


لــ #حيدر_منصور_المالكي 🎶

كان أحساسي حينَّ سمعتُ صوتكَ لمُدة ساعتين قد جعلتني ارى الحياة بشكلٍ آخر تماماً .. من خلال ساعتين فقط شعرتُ بالدفء والبرد ، الضُعف والقوة .. شعرتُ بأشياءٍ لم تكُن يوماً ، كيف لو أحتضنُك ؟

🎶🎶❤️

..
.. اعرفك جف ضوة
مابي اصابع ليل…… وتخدر بيّه
نجمه
وانجفي اعله سماي
اشتمك كصيبه…….. ابنية اهل الطين
وتتمشالي نسمه
ابنية الحفاي ...

لـ علي الصفار

•
وساعه اصيرن خوش حايط
ماتمض بيه السوالف
ومن تسولفلي بنضرتگ
اهد كلشي وروحي توگع
وينتچي الحايط ع اسمگ
•
•
•
لـ/عقيل العرد

إنتَ بحضني بس أعتبرك بعيد
آريدن هيچ كون آنه أنخبط بيك

•لـ عبد الحسين الحلفي

جاي اودعك

اي وحگك

يل بعت رطبات عشرينك عليه
وعتگتهن

يل توضيت بصفنتي
وسولفتلي سنينك
وما فرزنتهن

كون تغفر

انا عفتك للضوه الما يستر احد

انا بديت
المواعيد الگلتها وبابي لنسد

عمار العبادي

چان بين چفوفي حلمك

والصبح دربه طويل وشفته يمك

عاينت غربت چفوفي

تشابگن حسره عله شمك

ليش ما فزيت من زتك نهاري
وشفت همك

عايش بصوغة سفر طوله رساله وما حچتك

بحسي ذبل كل صداك

اي يخايب عيش روحك

شوف طوفانك سفر

وابقه دور كل نسيم يبشر شراعه عله شمك

الدنيا صحره شما نويت اغفه عله مايك

بيهه ما يرهملي دربك
حتى صدفه

دوارة الليل وگمر يطفى علفگدك ماهو صدفه

شبت الگيعان بيه
وين اتانيك وتجيني

الحيره صحبة تايهين

شمالني عله دوارت الما لاحه طيني

تغربت بعيون ناسي

علي محمد المالكي

انيس العيساوي

- عن الحضن قالوا :
هو اكثر المناطق الضيقة اتساعاً .. 🌸


🎶❤️

......
عفت بية رجيف العلم مامر بي
.
.
#مجتبى_الكعبي
.......
ابچيني الدمع يرتاح من نبچيه
.
.
#عمر_العزاوي
.....
ماكلتلي افراك وجهك ماتسده اوجوه ناس
.
.
#مرتجى_سعدون
.....
المكبرة استقرار للماعنده بيت !!
.
.
#وسام_سباهي

مشينه وجلبت نضرة
حجت كلشي احنا ماكلناه


لــ ذوالفقار الزلزلي

يا نهر روجاتك مخاديد
ناموا عليها الإيد بالإيد
حتى اليريد يصيد ، شيصيد؟
ضحكات وشفاف ومواعيد ؟

عامر عاصي

لا ترجع بعد ..
بلكي من انام انساك
بلكي يغطي وجهك چرچف الشراي
شفته الماخذك واتمعنت بي زين
لاصاحب طويلة ولا وجه جناي ..


#حسين_العميدي

طاحت اباخر ردگ ...
وتبرت الخلان ...
منــــــــهه ..
هاي روحي ...
الماتمل منهم ...
وبعد بتعس عسنهه

السيد

كلت انجفه الماي
وذبل عود الياس
و الوادم نست و بغيرنه اتسلت
و اول ما شفت طولك نسيت الصوت
و روحي بلا سبب بجفوفك افتلت
يا گمرة حياتي البعد ما هلت
يا انت .. و كفاني اتوهدنت وياك
تحسبني .. وحسبتي وياك ما فلت
كلمن عرف وشره .. وشال منها الشال
وتعده العمر و الوادم اندلت
هسه الراح راح و بين اديك الروح
بس ذمه برگبتك يوم لو سلت

السيد

يذاك آنتَ ، يل آكَبالي ،
يخابط ماي ، يا مدلول .
دوِّخني بطبع زيبك ،
وآحركَني بوجع معسول ،
وخذ جرّة نفس محروك ....
كحله لجفنك الناعس .
حتى آصفن على آعيونك وجه مذهول .
ولك ، يل مو على الخاطر ،...
وآحب آمرورتك بيّه .....
وأحب شتكَول .
لذيذه آمرورتك بيّه ،
عليها آيمطّك الواهس .
وبعد بيها طعم يجوي ،
وبعد ما كَول .
أخافن تبخل آعليَّ بوجع وآنساك .
الوجع وحده اليذكّرني بطواريّك ...
وظل مشغول .
أظل باليوجعنّي آمكيّف ومشغول .
بعد بيها طعم يجوي ...
وبعد بيها ،
وبعد ما كَول .
أخافن تضحك بوجهي وتطفّيني .
ونا منذور آظل بسوالفك مشعول .
أخاف آتغمّض عيونك الضحكه الحارّه ...
ورموشك آتهدني .
وآطيح وأبرد بسجّه ....
لعشك بارد تودّيني .
وآطلع من شرارك بالندى مغسول .
ولك يل مو على الخاطر ،
اِحركَني بوجع معسول ،
خلّيني أظل مشعول .
أحب جوياتك البيّه ،
وآحب كل زلّه تلجمني ،
وآحب شتكَول .


عبد الكريم القصاب

سيايير العرس مرت
وروحي من الجسم فرت
مشت وياج غايتها تسألج وين؟
جاوحنه؟
نسيتينه !
ولا جنه!

عبد الإله المنشد

شهالنسيم الماخذ هدومك ونسته ؟!
شهالحمام المشتهي چفوفك غرفته ؟!

• شهالعطش بيه أعله شمك ؟!
• شيل مني المايشبهك

ريّدني ، أنسالك هويتي
لوّحني ، أتركلك دنيتي

جيسني
أبديني أعله عرفك

شفايتلها وطينتي ، تتسمى بـ أسمك

شفايتلها ، سنيني لو تكَضي أعله وجهك
وأدري عدمن يستحق ينعاش عمري

• فوت يمي ، ورشلي منك

عطرك يسويلي واهس
أعزم الدنيا أعله صدري ،.

زيد الهاجري