دوريتك
وانته بيه مثل جفن العين واگرب
چنت احسنك واشوفك
مالگيتك
طشرت بعيوني صبحك
مالگيتك
دوريتك وانته بيه تعيش سالوفة مسودن
والمسودن لا أبد ماينسه سالفته ويحن
دوريتك
دوريتك
دوريتك
بواهس المحترگ گلبه
وسكتته كلش وسيعة چنها عينك
وانته يلعينك وكاحة روج من تگبل سفن
مالگيتك
وطارش من الله يگلي
ما يجون
شلون گلي مايجون
وانته تدري الصفنه بعيوني نهيبة
اي نهيبة
وهدر دم
ودلال مچفيه
ومضيف بلا رحم
وغيض سمرة
مفرعة بلايا گصيبة
شرد اگلك
شرد اگلك
ياطويرش شرد اگلك
القهر مايعتني الناكر حليبه
القهر مايعتني البطران و العنده حبيبة
وانه بعيني الليل يغفى صياح ناس
مچودرة بعشوش عگلي
وحيل نيتهم غريبة
وبعين كل الناس
يغفى الليل صبحية عرس
وافراحهم طشت هلاهل
والضحك سعره بفلس
وصفى مشابگهم رهز وبلايا حس
ناموا او فاض الدبس
والضحك صاعد ل الله عدهم
وانه متنطر شمس
اي شمس
لو حتى ظلمة وباهته وكلش قديمة
وبيها من حزن الأمس
مالگيتك
مالگيتك
لك مديت الشوارع هلا لجدمك
بلچي اشوفك
بلچي تضحكلي الدرابين الحزينة
المنها ما ظنك تجيني
حتى لو تضحك عليه
قابل بشوفك
يلبشوفك
كل عرج بيه من الفرح ينفض ترابه
وتنمحي اهمومي او ونيني
وتشمر الدنيا مفاتيح الفرج
وتگلي فك بابك
واشوفنك تجيني
ويمتلي بطولك حنيني
ردلي خل تزهر محطاتي
النسيت العمر بيها
واحلى ايامي واسنيني
ردلي
ردلي لاتشمتني ناس بيه بلا ضمير
ردلي لوغربة بوطن
هم راضي اصير
ردلي
ردلي
وانته ماتدري يخايب من تردلي
يرّد كل شوف العموا بجفاك
ويطش الفرح بشفايف الخرسان حس
ردلي يانسمة هوى طولك اليحيي الماتوا من ازمان
والضايع ذچرهم لوگلت بس مره بس
ولا ولا تدري عناگيد العنب يستحن
لو يختاض نهدك
والحچي ماينحچي وخليها سكته
مشابگ السكته همس
يا بعد كرخ ورصافة
يا حضن دجلة الخير
ماردت وياك كلشي
بس سگف يسترنه ومتيرة حصير
مالگيتك
مالگيتك
ودورت روحي انشدتها
هاا يجون ؟
گالت انسه وعاندتها
لا يجون
لا يجون
وبيدي خميت الوجوه وماحظيتك
مالگيتك
بس حزن
كلش احنين جاي منك
صحته واگعدنه وسوالفنه بدت
والقهر متربع بنص الحچي
وگمرة ايامي طفت
والظلمة تنشدني
شوفه ماجايب صبح
وتگربت منه
وسألته
يا حزن
ياااااااحزن
ماشفته وحچالك
عني عن الايام
عن ذيچ الليالي الضيعتهن انتظر ؟
گلي وداني الك
گتله انته !!
گال انه كلي الك
دنگيت
لنه شابگني الحزن
يبچي عليه
وگابليته
وللصبح ضلينه
نتباچى سوية
وفزز بروحي منية
والتوابيت اعتنت
والروح شاطت ل لله بيه وعطبت
بس ما متت
لا مامتت
باقي انتطر


#حسين_شاكر_الريس 💕🎻🎶



قصيده☝☝ بيها مليار حظ اقروها بهداوه❤🎶🎶

. .

وانا هواي غير الشوك ...
الك عندي يبعد الماي
الك وهواي الك وياي
غير الراح غير الجاي
الك عندي نعاوي الماي
الك عندي بواجي الناي
الك عندي شملح بالطين
بس منين كلي منين اجيب سنين
وخضرت روحي اعلى روحي
بكل حرف مية ربابة الرتلتني ..
بطبكة جروح النشامه
غنوة وشموع وعلامة
وجلماتي روجات الشط
ساعة تمر مر الكطه اليتناغم بضحك البط
وساعة تفوج اعلى السما
جنحان طاير ما حط
لاجن الشوك النساكم
جابني جناحه  الضواكم
عمر يكبر بالممات
ندم يزحف بالصلاة
كلب يسهرني رفيفه
الدك على ضلوعي عتابه
يلعفتني كعبة مهجورة الصلاة
شلي بعشك ..
لا غيره بيه لا مستحه لا زعلات .

#شاكر_السماوي

افتح للضحك بيبان والگه اشفافي تطرد كل ضحك ملبوس
وحلمت ارتاح بس الطيف يندل كل جفن مخنوگ .
.

لـ #محمد_الارتل

سوف نبكي غداً

حينما نلتقي

تمسحين تراب ثلاثين عاما

من الطرقات

وضعْف عيوني بمن قد رأيت

وقد تسأليني

من الأمس والعشق ماذا بقي؟

أجيبك صمتين

حتى أوارى

وتنعب أوجاع قبري بالمطلق،،،الــكــبــيــر


لــ #مظفر_النواب💕🎻🎶

مدلي جفگ خل اضوگ شويه ليلّ
وطشلي گمره بخدي سجه ودمعي ريلّ
وغفي صوتي الماينام اله عله عرفگ
•
•
•
•
•
•
• ،
لــ جبــار رشيد •

🎶🎶🎶

تصميمي 😎

المن ترد.. .
ظل غاد عايش مبتعد
المن ترد
للجوع للحر للبرد. ديرتنه مو ديرة كبل
ظلت حديقه بلا ورد. و"وادمنه مو وادم كبل.
جوه بضمايرها الحقد.
والناس ماخذها الوهم. بيهم يرتل القارعه.
وبيهم يرتل الحمد... المن ترد..

صالح السعيدي

الغيم يبچي
وينسمع ون الكمر
وين أشر جروحي والدنيا مطر

غني محسن

الليل لـو شاف الصبـح يـنزع نـجمتـة
الليل
بـس بالليل ضابـط....

محسن الخياط

.

يّلي ما جاسك فكر بالليل
ماجاسك سهر
يلّي بين حواجبك ... غفوة نهر

-مظفر النواب

.

.



على دين القصيدة احلام فزّينه
سولفنه الشعر للناس والوان الصدگ والروح والمضمون تتغاوه بطوارينه ..

يجينه الليل والگمره بضمايرنه
يجينه الحيل والغنوه تسامرنه

غنينه الجرح والطين حته يعيش باچرنه
خضّرنه بدرب كل جيل حته يعيش شاعرنه
قرونه بواهس الحجاج ماذبحو خواطرنه
وقرونه بواهس مچذبين ماطفّو نواظرنه
شفنه الويل بس شموسنه تدفي سرايرنه

لـ فراس غالب

اظم چم ليل من روحي وأسيرلك گمر متعوب ..

لـ فراس غالب

سلام الله اعله طيف المايهد عيني
سيد عباس الغالبي

گلوله ادور حلم مضمونه بيه
هواي الاحلام الـتغر اشكاله. ...
ايهاب المالكي

عسـاهه بذمـه الخلوك تسكت من تلاگـيني
ميثاق الهلالي. ...

افز محتام لـ شلونك
تهت والعافيه عيونك ....
فراس غالب

شوفني شگد استحي لو مر جفاك
حتى حدر الماي تعرگ گصتــي
علي عماد

وانه اشبه هذاك اليذب صوته بغار
لاردله الصدى ولايقتنع محد
علي حسن علوان

يمن لو با النفس تنسام جا باعزاز ريتي اشريك. ..

ايما صباح

احسّ كلشي يوجعني
الهوه الشايل برد وفراگ يوجعني
الضوه المكسوف يوجعني
والولايه التجر حسرتها وصلة روح، توجعني.
گاعد وحّدي وسهران،
الوم الروح وظنوني
أكول اشّفت من عمري
وأگول اشّفت بعيوني؟

لــ #حيدر_النوري

ﻭﺁﻧﻪ ﻓﻮﻙ ﺍﻟﻐﻴﻢ .. ﻓﻮگ ﺍﻟﺼﺤﻮ ..ﺟﻨﺢ #ﺍﻣــﺴــﺎﻓﺮ!
ﺷﺎﻳﻞ ﺍﺑﺮﻭﺣﻲ ...ﻭﻓﻪ ﻋﺎﺷﻚ ﺍﻭﺻﻔﻨﺔ ﺷﺎﻋﺮ
ﺍﻭﺷﺎﻳﻞ ﺑﺼﺤﺮﻩ ﺍﻟﻌﻤﺮ ... ﻛﻞ ﺧﻄﻮﻩ ﻭﺭﺩﻩ
ﺍﻭﺷﺎﻳﻞ ﺍﺑﻠﻴﻞ ﺍﻟﻬﺠﺮ ﻭﺻﻞ ﺍﻭ ﻣﻮﺩﻩ
ﻭﺍﻧﺘﻪ ﻧﺎﺳﻲ! ......ﻫﻨﺎﻙ ﺍﻟﻚ ﺣﺐ ﻭﺣﺒﻴﺐ
ﻭﺍﻧﺘﻪ ﺻﺎﺑﺮ ﻋﺎﻟﻤﺤﺒﻪ ﺷﻤﺎ ﺗﻮﺩﻱ ﺷﻤﺎ ﺗﺠﻴﺐ
ﺍﻟﻤﺎ ﻳﻀﻮگ ﺍﻟﻤﺮﻩ ﻣﻴﻀﻮﻛﻪ ﺍﻟﺤﻼﻩ
ﺍﻟﻤﺎ ﺻﺒﺮ ﻋﺎﻟﻌﺸﺮﻩ ﻣﺎﻳﺤﻀﻪ ﺍﺑﻬﻮﺍﻩ
ﺍﻟﻠﻴﺎﻟﻲ ﻋﻠﻤﻨﻲ

#كاظم_الرويعي

..
.. أيـ ... تـنيـتك…
ضحـچـه ..وگــلاده ..أعلـه زيجـي…

ورافگـت شامـه ..أعلــه شفتـك…
هـنـدمت بيـها
طـريجـي…

وگــاودتها ..بليـلي ..نجـمه
وطــشرتها

وهـاي ..چلـماتك… تـراچي .. ويـ
الـزلف .. آنه إلبستها.. وچرغدت… بعيــوني… طيـف

يـا كلـــبدون الـنده ..
ادهده… أعلـه كيف…

#آيه_طارق