قبل فترة جنت أتناقش مع صديق ووصل بينا الكلام الى المبادرات الشبابية للقراءة وعن رأيي بمبادرات عدة كمبادرة انا عراقي انا اقرأ واصبوحة 180 وغيرها، وهو بالمقابل منضم الى وحدة من هاي المبادرات.
أنا: مبادرات جيدة ماكو مشكلة بيها من حيث المبدأ.
هو: "من حيث المبدأ" اعتقد استاذ مهند افهم انه عندك شوية تحفظ!؟
~~~~~~~~~~~~~~~~~~~~~~~~~~~~~~~~

نعم عندي تحفظ نوعاً ما على بعض الامور على بعض المبادرات وليس كلها. تدري انه العالم اليوم مفتوح اكثر من السابق وصار بإمكان اي شخص يصل اي كتاب معين او فلسفة معينة. ونحن كمجتمع انفتح على العالم بعد 2004 وصار بامكانه يشوف ويقرأ كلشي وكل ما هب ودب، وهذا الشيء سلبي لاعمار معينة من اولادنا. مو كل الكتب مناسبة لكل الاعمار وكل الحالات، ولهذا كلت في مناسبات وكتابات كثيرة بأنه مو مهم شكد داتقرأ المهم نوعية وجودة المادة التي تقرأها. نحن اليوم مجتمعنا يعاني مآسي وهالشيء ينعكس على الشباب خاصة الشباب والبنات الي باعمار صغيرة وخاصة ايضاً ذوك الي يعانون من وضع عائلي ونفسي وجو عام مشحون.
فلما يقرر ويلجأ البعض منهم للقراءة كحل او تعويض معين، يقترحلهم البعض كتب فلسفية صعبة وتأثر بل وتتفاعل مع واقعهم فتترك فيهم اثر نفسي عميق او اقتراح روايات سودواية عدمية كلها مآسي وحزن على انها روايات عالمية ينبغي ان تقرأ. وهذا الشيء غلط مو كل الكتب مناسبة لكل الاعمار والثقافات، فالشخص الي يقرأ روايات وفلسفات عدمية وجودية بوذية اسلامية وهو في سن لا يتجاوز العشرين مو مثل شخص يقرأ وهو متجاوز سن وعقل معين. حتى انا شخصياً اكو كتب متقدمة ما اكدر اقراها وافهمها 100%.
~~~~~~~~~~~~~~~~~~~~~~~~~~~~~~~~~

رجع رد صاحبي وكال استاذ مهند تدري جانت معانا بنت وكامت تقرأ روايات عدمية وحزينة بشغف وهي كانت تمر ايضاً بظروف لكن كانت ظروفها اعتيادية ومع انه عمرها 20 سنة، كامت بعد مدة تنعزل وتكتب عن الحزن ومآسي العالم وتردد بعض الاقتباسات انه هالعالم ما له هدف وبعدها بأشهر انصدمنا بخبر انتحارها.
~~~~~~~~~~~~~~~~~~~~~~~~~~~~~~~~~

طبعا هالشيء مو مقياس لكن ايضاً عامل يساهم بالامر. ولهذا لو تقرأون عن بعض الدول كبريطانيا وغيرها تشوفون انه عدهم تقنين للاعلام والتعليم وباقي الامور بالنسبة للاعمار الحرجة. وحتى ينبهون الاباء الى ضرورة عدم ولوج ابنائهم الى الفيس بوك وغيره في اعمار معينة.
لهذا يا اخوان، وكلامي موجه ايضاً لبعض المبادرات، نحن كلنا نساهم ونؤثر على بعضنا بصورة او بإخرى، وتختلف درجة تأثيرنا وتتفاوت بتفاوت مقدار شهرتنا بين اقرانا. لهذا كل منا مسؤول عن من حوله وعن اولاده، لهذا من تقترح كتاب معين اخذ بنظر الاعتبار العمر واذا كنت تعرف حالة الشخص ووضعه يكون اولى ان تقترح عليه الي يناسبه بوضعه الحالي.

ولا تقلل من اهمية هذا الشيء لان نحن بالنهاية نشوف العالم بالافكار والمعتقدات والظروف والاحاسيس - الي تتولد من هاي الافكار- الي نمتلكها. وكما انه هناك كتب تصنع ارهاباً وافكار متطرفة اكو كتب بالمقابل تصنع جيل متفائل.

#مهند_الريكاني

احبابي خلي اسولفلكم شغلة

انا كشخص وبعيداً عن كل لقب علمي او اجتماعي او مهني احمله، شخص ما ممكن تفهمني بسهولة بالواقع. وهذا برأيي مو ميزة وانما عيب، لأني اميل الى ان يفهمني الجميع وبالتالي يكون تعاملنا سلس ولكني للاسف شخص غامض عميق بارد وصعب الفهم.
وبالرغم من هذا اتلقى دائما رسائل من بعض الاشخاص تصفني اوصاف متطرفة ومبالغة. شخص يكولي انت عظيم انت احسن مفكر انت انسان نرجسي انت انسان متكبر لان ما ترد انت كذا كذا كذا.
فيا اخوان لا تخلون هاي الشاشة تخدع عقولكم الي احترمها بيه. الي ميفهمني بشكل كامل بالواقع فكيف راح يفهمني بشكل كامل هنا!
بالتأكيد اكو امور تخلينا نعرف بعض الطبائع والصفات ولكن هذا ما يخليك تقدر تحكم عليه وتصفني باوصاف قد تكون بيه او لا.
لهذا لا تنخدعون بالشاشة هاي سواء معي او مع اي شخص اخر. وشوفوني بالنهاية بصورتي البشرية اخطأ واصيب وافهم واسيء ظن وكلشي فانا مو عظيم وايضا مو نرجسي انا فقط انا ضمن حدود بشريتي فلا ترفعوني للسماء وبعدين اذا شفتو شيء محلو مني اسقط ولا تحطون من قدري كلش وانا مو بهذا السوء، فقط انظروا الي على اني انسان عادي يمارس كافة شؤونه البشرية. هذا لسان حالي وحال البعض.

وكلكم عيوني . .

#مهند_الريكاني

قبل أن تبحث عن دينك أو إديولوجيتك أو ذاتك إبحث عن إنسانيتك لأنه بدونها ستحول دينك إلى تعصب و ظلم و هو الذي أتى بالرحمة و إديولوجيتك إلى نقمة و هي التي تتحدث عن إحترام الآخر و ذاتك إلى شيطان.

مهما لعب الأصدقاء دورا مهما في حياتنا ، مهما تلقينا منهم السند والدعم..
فلا أحد يبقى معك في النهاية ، غير شريك / ة حياتك..
أولئك ساعدوك في الدرب..
لكن الشريك / ة يمشي / تمشي معك الدرب..
الأصدقاء يسافرون ، يتغيرون ، تأخذهم الطرق الأخرى كما تأخذك أنت..
تبقى المودة والذكريات..
حتى أخوتك ، الذين خرجوا من نفس بطن أمك ، قد تأخذهم الطرق بعيدا..
أما شريكك أو شريكتك فهو معك في الطريق نفسه..
تمسك به ..أو بها...
في هذا العالم المزدحم بالهجرات إلى القارات الأخرى، ، ستجد نفسك في مرحلة ما بلا أحد تقريبا، سوى شريك/ة حياتك...

#العمري

بما انه نحن نعيش ببقعة بعيدة عن الاتكيت وتقدير الاخر وفن التعامل معاه. فاكو امور لازم نحجي بيها حتى عالاقل نثيرها للرأي العام ونوعي بقدر المستطاع.
مرات اشوف البعض يثير اسئلة عالمقابل دون حرج او تقدير موقف. وهذا الشيء يؤدي اما الى مشاكل بينهم او الى ان يشعر المقابل بانتقاص او ريبة او شعور بنوع من الاهانة.
مثلاً واحد يسال شخص كدام جماعته انه يابا ليش ما بدلت ملابسك هالسنة وهو يدري بحاله فقير؟
مثلا واحد يسأل شخص، درجة القرابة بينهم عادية، وعمره 35 او 40 سنة انه يابا ليش ممتزوج لحد هسه؟
او بنت تسأل اخرى صارلها كذا سنة متزوجة انه يابا ليش ميصير عندك ولاد؟
او شخص يسأل انت ليش تعمل كذا وكذا، وغالباً ما تكون مع تأويل من عنده.
.
.
.
وكثير حالات ممكن انتم تكتبوها بالتعليقات.
~~~~~~~~~~~~~~~~~

طبعا كثير من هيج اسئلة انتهت بزعل او مشكلة او تنافر بين طرفين. ولهذا انا دوم اقول انه الانسان لازم يعامل الناس بعدة اوجه وهذا ميعني انه انت تخدعهم ولكن يعني انه انت تعامل كل شخص ضكن نطاق عقليته وثقاقته وشخصيته.
اكو امور لازم نقدر موقفها ونحسبها ونعرف كيف نطرح الاسئلة ونوعية الاسئلة الي تطرح وتوقيتها. واذا كنت على مقربة كلش كبيرة من شخص بحيث تعرف انه هو يفهمك ويعرف تفكيرك فلا بأس لان مراح يتحسس منك وانما راح يفهمها من باب حرصك عليه. ولكن لما تعامل شخص عادي صلتكم مو هلكد ميصير تسأل اسئلة او تتحدث حديث معين او تتشاقى بصورة مفرطة وانت متعرف كيف يفكر ومن شنو يضوج ومن شنو يتوجس.
اتمنى يكون عدنا هذا الحس الي يحاول يتأقلم مع الكل بحيث تقدر وتعامل بسلاسة او نمتلك نوع من الاتكيت الي يمتلكوا دول العالم.
~~~~~~~~~~~~~~~~~

المهم قبل فترة واحد يوتيوبر حاول يصير Funny ويسوي كاميرا خفية، فجا على سائق تكسي حاول يسوي بي المقلب وهذا السايق جان عنده تاير بنجر دايسويها ومسموط سمط. النوب حجاية منا ومتاك وعلى غفلة دايحجي ويضحك اليوتيوبر .. طاااااا واكله راشدي ابو الونة وصارت عركة وشكد حاولوا يكولون للسايق يابا هذا مقلب وهو يكتل بي. فبالاخير السايق كاله روح ابن ....... انت تسوي مقلب واني ابني مخطر بالمستشفى داريد اصله بس!

#مهند_الريكاني

مشاهدة الإباحية نفق مظلم ان دخلته لن تخرج منه بسهولة . . هذا مقال مهم عن كيفية التعافي من هذا الادمان القاتل . .

مقال مهم جدًا

http://midan.aljazeera.net/intellect/sociology/2018/6/14/%D8%A7%D9%84%D8%B7%D8%B1%D9%8A%D9%82-%D8%A5%D9%84%D9%89-%D8%A7%D9%84%D8%AD%D8%B1%D9%8A%D8%A9-%D9%83%D9%8A%D9%81-%D8%AA%D8%AA%D9%88%D9%82%D9%81-%D8%B9%D9%86-%D9%85%D8%B4%D8%A7%D9%87%D8%AF%D8%A9-%D8%A7%D9%84%D8%A5%D8%A8%D8%A7%D8%AD%D9%8A%D8%A9

قالت لي ذات يوم إن أرواحنا ليست سوى غُبار آسر يلزب الاماكن القديمة واقبية المنازل المنسية والاشخاص والدرك الاسفل من الذاكرة لتتحد معها وتكون جزءاً منها.
في الحقيقة ان كل مكان نزورهُ او نرحل اليهِ ، كل صديق نصافحهُ ، كل حبيب نعانقهُ فإن جزءاً من ارواحنا تتعلّقُ بهِ وتلتصق بجدران ذاكرتهِ كغُبارٍ ما ان حاولت ذكرى احدهم الدخول حتى تتطاير مسببة المزيد من الشوق لايام مضت.
ستستمر ارواحنا بالتشبث حتى يأتي اليوم الذي نودع فيه هذا العالم وناخذ معنا اجزائنا المتناثرة.
للذكرى طقوسها.

#مهند_الريكاني

ألمجد لأولئك الذين ينزفون ولا زالوا يتبرعون للأخرين بوجهٍ باسم.
لاولئك الذين تقتلهم اوجاعهم ولا زال لديهم القدرة على الوقوف أمام من يحبون ليزرعوا فيهم الثقة.
للذين ذبلت مشاعرهم ولا زالوا يمدوننا طاقة كي لا تغدوا من فرط الحزن واجمة.
المجد للذين يصنعون للأخرين واقعاً افضل من واقعهم.

#مهند_الريكاني

مهما كان ذاك الطريق طويلاً ، أستمر !
لأجل ان تنجح!
ومهما كانت تلك الامنية المضيئة بعيدة ، طاردها!
لأجل ان تكون معها!
لأجل ان ترمق عيناك ضوءاً جميلاً بعد ظلامٍ دامس.
وأن ايمانك بأهدافك يجعلك متورطاً الى حد بعيد بأن تثبت ما تؤمن به.
فلا حياة مع الدعةِ والخواء.

#مهند_الريكاني

بصراحة ما قاري هواي بي ولكن كشيء عام انت اقرأ وكلما تقرأ راح تطور عندك الملكة النقدية وراح تعرف وتميز المعلومة الصحيحة من الخطأ.

#مهند_الريكاني

شكرًا لك

#مهند_الريكاني

اقول الله يجعلك سعادتك في ما تتمنى ..

#مهند_الريكاني

حقيقة من الممكن انه تكملي هندسة وايضا تشتغلي مشروعك الخاص ماكو مشكلة هم عنك شهادة وهم عندك مشروع خاص شنو المشكلة. خلي خياراتك بالحياة متعددة.

#مهند_الريكاني

اسوء شيء ممكن تشوفه لما اثنين ينفصلون لأي سبب كان ويبدي واحد يجرح بالثاني ويتكلم كلام يجرح بحجة انه يستاهل هالكلام، وهذا ان دل على شيء يدل على قلة وعيهم وسطحية عقلهم وركاكة شخصيتهم وايضا انه الحب كان بي خلل. لازم الواحد مهما كانت العشرة بينهم يقدر هالعشرة الحلوة والايام الي قضوها. وصدقني الشخص الي يحب من صدق مراح يكدر يأذي شخص جان يحبه او يقلل من شأنه او حتى يفكر بسوء تجاهه. ولهذا يكولون الحب تضحية بمعنى انه مرات ممكن تدوس على نفسك في سبيل شخص تحبه.

#مهند_الريكاني

"ابتكار المعرفة يعتمد على نقد وتصحيح الاخطاء. لذا هناك دور ايجابي وراء ستار السلبية تلعبه هذه الاخطاء يجعلنا نتطور بصورة سريعة."
هذا كان خلاصة ردي على سؤال طرحه صديق عن رأيي في الانظمة الرجعية. في الحقيقة هذا المفهوم ينطوي على فلسفة عميقة جدًا عن رؤيتنا للأخطاء التي نرتكبها وعن جدوى تمسكنا بالموروث فقط وعدم تحديثه وفق رؤية عصرية تستبعد الاخطاء وتقلصها.
ومثل هكذا مفهوم يشكل فارقًا برأيي - إضافة الى عوامل أخرى- عن مدى تقدم مجتمعات ترى الاخطاء في كل جوانب الحياة محاولة تصحيحها والارتقاء على سلم التطور وبين مجتمعات ترى ان افكارها ونظامها تمتلك حصانة وقدسية وبالتالي فهي تخشى التغيير وتحاربه سواء بطريقة مباشرة او غير مباشرة.

#مهند_الريكاني

بعضهم يشتكي اني كثير الاسف والاعتذار
لهذا اقول أن الاعتذار لا يعني دائما اني على خطأ وغيري على صواب ولكن يعني اني اثمن واقيم العلاقة بيننا اكثر من الأنا.

#مهند_الريكاني

رغم اننا نجوب هذا العالم المترامي والشاسع ونعيش على الارض التي تطوف بنا بهذا الكون الذي يعج بمليارات المجرات، الا أننا كبشر نعيش داخل جماجمنا الصماء والمظلمة؛ نقبعُ داخل هذا المخلوق الرخو الذي يدعى الدماغ. وما الحياة التي نشاهدها ونعيش حلوها ومرها الا إنعكاس للعالم الافتراضي الذي يقبع داخل تلك الجماجم. نحن الذين تصنعنا افكارنا التي تعتبر نظام تشغيلنا الخاص.

#مهند_الريكاني

الأفكار التي تتعرض للخيانه تنتقم لنفسها ...

مالك بن نبي