ماگلتلي امن البدايه. 👈 لاتحبني

ماگلتلي 😐

أنا واحد گلبي (# جام #) وامسح العشره بجريده

ماگلتلي

الوطن من ينعاف بالدم 😟 يمشي بالغربه نشيده

ماگلتلي

الغيمه طفله تخاف من صوت الرعيد وسكته تبجي😢

موگلتلي

انا شاعر والمطر لوطاح صدفه ايبلل براسي قصيده

ماگلتلي

اوفارگتني

ليش صار فراگ وجهك 😦 سكته مابي كل وداع

ليش مو حته السفينه

من تريد تهاجر المرسى وتروح ترفع بوجهه الشراع⛵

اوفارگتني

اوين ادورك وانا أمي
وانت چلمه اوضاعة بهوست جريده

اتيممت بتراب جدمك من عفتني بكل هدوووء

وانت تدري

دمعت الفارگ حبيبه يستحق بيهه الوضوء😰

اويافشلتي

من اجو گالولي ولفك للعرس لملم غراضه

فشلت الطاحت تفگته اوكتل واحد بالعراضه😳

ابزفتك
الناس ترگص وانا فوگ خدودي ترگصلك دمعتي

انت اول شيبه طلعت خربت كشخت گذلتي

الماخذك من ذب بدلتك مالگه بوسات شفتي

هوه يدري اشگد احبك صاحبي اوخان بصحبتي

ل سلام جاسم ❤

تعبنه الوكت من تهب نسمه نطيح
خفاف ويرهم نسير وي الدخان

كتبنه احلامنه بشاطي ومسحها الروج
مساجين ورسمنه البوب عالحيطان

خيطنه الجروح التنفتك كل ساع
بدينه وماشكينه الحاله للبطران

الفرح معضد ذهب مالبسته امي بيوم
انسه وماضله بين افكاري كل عنوان

تره عمره النده ماطاح عالعاكول
وانه مو طبعي احط براسي ياهو الجان

ماتوكف عليك الدنيه نفس الميل
يغمجلك حفر ويشمرك الدفان

اذا مابيك كطره بشحة الصيهود
شكو مسير نشيد بسكتة الخرسان

العشرتك شوف وادم ماتعرف تخون
تره امال السفينه بركبت الربان

اهي تموت الزلم بس الافعال تعيش
حرمل صير من تلوحك النيران

لا تصبح شراع يكود بيك الريح
وترف خل جلمتك عكازه للعميان

الاعمه وداعتك مو ذله من ينكاد
عزيزه الكمه من يكودها الجوعان

البشر مو شرط يثكل حتى غالي يصير
خفيف البلم بس ماملته النهران

صح هزني الوكت بس جتف ماهزيت
قناعه ومو عبث من ينهز الفنجان

امنمر يم بابكم لاتفترضني اشتاك
مو كل نورس ايمر عالنهر عطشان

عليت وكتلك يطيح العلم بالكاع
اذا مو ساريه تشيله العلم ينهان

#محمد-مهاوي

قصيده عالقه بذهني ...

"اقروها بتمعن"

إتريٌكَت باكَة صبر وكَلاص هم
وتوكلت يارب عليــــــــك
غبشه . نَعسانه الشوارع
ومدري يانثيه إبفجر دم تشتهيـــك
إتذكـٌرت تاجر أعرفه
كَلـٌي من إتبيع روحك مرلي بلكت أشتريـك
وتمــٌت الصفقه إشتراني
وحصـٌتي هم رد أخذهــا
فكــٌر إبمشروع بي أدخــل شريك
!! وصــار يمليلي إبشروطه
.. ما أريد و .. ما أريــد
وما أريد إييــدك طويله
كَتله أكَــصرها وأجيـــك
وابترتها من المتن ورجعت ابشره
كَتله عد عينك شلتها !!
كَــالٌي جا شِلٌي بيــك
ومن هــذاك اليوم والتاجر نسه وسد القضيه
وآنه منسي .. إمعلٌك إعله إرفوف صبري
وحتــى صار إتراب بيــــه
راحت إييدي إتفلِشٌت أقوى الدفاعات
وخطوطي الأوليـــــه
ناس مقهوره إجت تبجي عليـــه
وناس بطرانه إجت تحجي عليـــه
؟ إشلون غلطه إتسرعت كَصٌيت إديـــه
... هاي إديـــٌه
... هاي إديـــٌه
صار تفتيش بسنه من السنين
وعوضٌت عن الهويــــــه
هاي إديـــه
ياما لعبت .. ياما قبل الريح هبٌت
ياما بصدور الثلج نيران هبـٌت
هاي إديــٌه وهيه مكَصوصه
شعر للناس كتبت
وصـٌفوا جراٌح زين إبمنطقتنا
حرٌكوا بعض الرماد إبعود شخاط
وبعدها النار بيـــه
عفيه جراٌح الحصار البي حميـــٌه
وحده يكَدر يكَطع الخيط اللٌي
يربطني إبشرايين المنيـــه
... إتفقنا
وصارت الصفقه بعيادة هالطبيب
!! آخذ إييــد و أنطي كِليــه
وباشر الجراح وتمدد شخص مو من أهلنه
وخِذ دم وجيب دم
وإصعد إنزل
والوسيط الجابني إيصبــٌر عليه
خِلَصْ مفعول المخدٌر
فتٌحتْ ملكَيـــت إديــٌه
!! حصدوا الكليه ولا زرعولي إييد
وقٌع الدكتور تقرير إبنسختين وتركنه
ولازم الفراش باب الصيدليه
الكادر إتجمٌع على أهل الغريب
إيهنٌي بيهم
وآنه بالسديه نسوني وياحزن ذيج المسيه
والمضمد راد حكَــــٌه !!
كَتله مد إييدك إبجيبي
لا.. لا مد إييدك إبصدري
يجوز هم تحتاج ريـــٌه
جابلي الفراش سر
وعرفت منـٌه تفاصيل القضيه
المريض الجان يمـٌي
كليـِتي رهمت عليه وإييده مارهمت عليه
وأهلي زعلوا طرٌدوني من العشيره
ومن فشلتي كَمت أصيــح
آنه مامحتاج إديـــن
إنتو شعليكم بدَيـــــــٌه
إتبرٌعت بيهن لأن ماريد
يوم أتوازى
وأتنازل
وأمد للناس إديــــــٌه

#كاظم-اسماعيل-گاطع

#هذا_شاهدك ...*

هذا شاهدك يحسين موجود
بقه مجدك . ومجد اعداك زائل
المن گاصدينك هالملايين؟
والمن فارشه الگاع العوائل؟
نور بحضرتك يطلع بالغروب
شمس وانطت ضهرها للسنابل

ريحانة الزهره وعلي الكرار
داحي الباب حلال المشاكل
ابد والله ما ننسا حسيناه
هذا بكل زمن تحصيل حاصل
هاي الغانمه بكل الحسابات
يلما وصّخ ابهامك تنازل
من طاحت الرايه من ايد عباس
بحضرته اليوم تنشال بهلاهل

راسك من تعلّه فوگ الارماح
ظل راس الزمن لليوم نازل
بالطف استقام الدين يحسين
لولا الطف بقه الميزان مايل

العزّه مسجله بلاءات الطفوف
وعيالك سبايا اعله المحامل
العزّه بقافلة زينب الى الشام
والسجاد عالنوگ بسلاسل
العزّه بدم رضيع انكتل عطشان
وبچفين منك يا بو فاضل
العزّه غاليه وما تحصل اليوم
لأن يردونه بليه مقابل

زنجيل الاثم ملفوف عالگاع
اشتركنه بدمك افراد وقبائل
كل احنه اشتركنه بيوم عاشور
مو بس الشمر يحسين قاتل
صلينه وره مسلم صلاتين
والباقين ضلوا بالمنازل
وادا جتك رسايل منه يحسين
بعد يحسين لتصدگ الرسايل !!

اجه مظلوم للمظلوم ينخاه
ويشوفه السهم ليوين واصل
ليش تغيرت يا بو علي الناس
وعگال البخت عالراس مايل؟
ما واحد يعاين حالة الناس
والضيم بجرفها شلون ياكل؟
ما واحد يعاين حال الارهاب
وابو سياف هذا انسان باطل
خجلنه ومستحانه بهاي الايام
درب العوز عثرت بيه اصايل

هذا البلفرات نشوفه مو ماي
عرگ من گصة التاريخ نازل

وراسك من تعلّه فوگ الارماح
ظل راس الزمن لليوم نازل

كاظم اسماعيل الگاطع

مصوفرة
خدود المدينه والشوارع ذابله ومابيها لون
وضحكت البيبان ذيج مغنتبه بوجه اليجون
من افك شباج روحي يهب نسيم الذكريات
ياحسين من أذكر أسمك يزغر بعيني الفرات
(ياااااحسين)
وخل اسولفلك على الطف من مشيت وانا من الخيمه اباوع
ومن طحت يحسين اجيت ودوريتك ياحبيبي ادوارت ام الطفل ضايع
ومن لكيت اصبع نقص بجفوف اديك اطشرت يمك اصابع

للحبيب سلام جاسم❤

الوجع مدرع يهد مكتول اخيه ادكول
ويفحط الجروح البيها يتوسع

عرف وشما لچمهن عالجروح يمون
وياجرح ليعحبه بنصه يتربع

الشمس من خوفها تختل بضهر الغيم
ومن گد ماشريفه بليل ما تطلع

تعرض باللهات احجاية البطران
جدم ماعدها خاطر من تمل ترجع

حشمت الگصص تنگطلي مجعت ماي
وبخ نار الفؤاد لبالصدر تلسع

الحمره؛الحاره؛الحرگت اشچم كانون
تلهب والبرود لبالبدن يخشع

أنه ذاك الركض عمره بجدم هادود
ونفض حيله نفض والواهس اضعضع

مدري لياوكت وليمته اضل مضموم
أنه العايش فلس بجيوب المجنع


#محمد-مهاوي

گبلك.....
ضن الليل بهويه يطفي النور
وگبلك .. .
كال العود بدفعه يطيح السور
وكبلك. ...
گال الجوع بسيفي تموت الخبزة بكل تنور
گبلك .....
والگبلك والبعــــــدك
كل جناح يهد علينه يضل مكسور
*
غلطانين الذبو نار بدجله
وضنو كل الماي يفــــــــور
وخسرانيــــــــن الشلعووردة
وزرعــــــوا بين الكاع اگبور
بتراب العطشان كبرنه
وطگينه اشطوطـ وفيضنه الگاع البور
*
ومجنونين ..

الشدو جرح الدنيه بخيط
وظنو مربوطة ومتدور

وصلفين اللي عبرناهم شط المحنه
وصرنه جســـــــــــــــــــــــــــــور
لاجن ...
والگبلك والبعدك
كل غراب يهد يلكانه بوجهه انسور

#العظيم_#كاظم-اسماعيل-كاطع

ما ادري الناس الاختلفت ما ادري احنه تغيرينه......
ومدري صار الليل موحش؛ ماادري احنه استاحشينه..
غافليين.....وباگوا أحلام العمر من بين ادينه
تايبيين......من العشك وآخر حلم منه انتهينه
ساكتيين....بلا ذنب ينعال بينه
نازحيين.....وسدوا الحراس بيبان المدينه
ليش من ضعنه الوطن مانشد بينه؟؟
وليش ياثوب الحزن لايگ علينه؟؟
"احنه ياناس "أهل الگلوب الحنينه "
شلنه من حضن الوطن وتغربينه!!
خاف مشغول ونسه همنه الاعلام
الرصيف ايعرف عيشتنه المهينه ...

"احنه زخات المطر تندلنه زين "
فقره وأسعار الخبز جدآ ثمينه


وبمحطات الأمل ما مر- قطار -
بهمنه نحچي وماكو إذن تسمع حچينه...

"الشكوى لله " الليل مايفهم دمعنه
ولا سچاچيين الدهر ترحم جرحنه

"احنه ورده بچف بشر ميت ضميره "
معرينه البيبان جدام الغريب..؛وغطت چفوف السراگي بيوم مرهه ابن العشيره!!
وخل اگلك..:أكبر من الخارطه أحلام اليتيم؛؛ (نباعت بأول خطاب ) ؛وضيع أحلامه الجبيره...😥
وخل اگلك:"بس علي وحده كريم " ؛ ومو كريم الوطن ماكفانه خيره،
وخل نموت!!نكرم الناطور ليش؟؟
ولحرامي اچفوفه مدهه وشرب من ستر الضفيره...

#محمد-مهاوي

عراق وكلك أسود ، حتى الأخبار

الابيض بيك بس وجه المذيعه

نائل مظفر

ضلي يمي
::::::::::::::::::::::
اني اريدج ضلي يمي
.
صوتج يذكرني بأهلي.. صوتج ينسيني همي
.
صوتج بليل من اسمعه .
چن بچت عد راسي امي .
خل اشوفج ماشبعت من إمي شوف .
روحي يمهه ابيتها ضلت تطوف

فارگتهه وماشفتها
.
هي غربه .. وليله صعبه

وجيه المشتاگ خوف
.
ضلي يمي .. يمچ اشعر بالامان .
ايدي بيدج لايضيعنه الزمان .


#العظيم-كاظم-اسماعيل-الكاطع

عن ياويل تبرد نارنه ونضحك ولو بالطيف

عن لا ننكسر ودگول عنه الناس مهضومين

عريان السيد خلف

افتحن بدي بوب التجيب الريح

وماخاف النوايب ورجع اطبگهن

الكبير _سمير صبيح

ليليَـه بعيونـــــــي آيتخـطّه

ومـا ماخذ آمـن النوم غطّه

كل صـفنه تشمرني بمحطه
بـردان كَلبي ومـــــــا تغطّه

عبد الكريم القصاب

بين المفرده والشعر

انه رچيت الفرح مشعل ويم كصبات

الحبيب حسين جبار

لا يا عزيزي،
إن كنت تريد الكتابة
ستكتب
حتى لو عملت 16 ساعة
يوميا في منجم

ستكتب
حتى لو كان لديك 3 أطفال
وتحت الإعانة الحكومية
ستكتب
وقد تفجرت أجزاء من جسدك
ودماغك

ستكتب
ولو كنت أعمى
مشلولا
وفاقدا للذاكرة
ليس للهواء
ليس للضوء
ليس للزمان
أو المكان علاقة بالأمر

_ تشارلز بوكوفسكي

بعد أن حملتهم على سبعين محمل، فلما لم يتبقَ محمل لأحملهم عليه:

عثر خلگي وتبدّت وسعة البال..
وتخيّلْت القوافي المالها اعنان.

حچوا عني ابكثر ما چان فرعون..
يذبح من بني اسرائيل رضعان.

أحط إذني إعله صدر السيف والگاه..
من گد ما حچه ابطرواي فحطان.

إبكثر ما للمناجل عدهم اسنون..
ومثل سچينة الغمّان عميان.

عبّرت السوالف كونهن صوت..
وعذت بالله منهن كونهن جان.

أغيّم والجفون ايمطرن إگبور..
وأمسحهن وأشوف اتراب وأچفان.

لهسّه ابباب جرحي الخنجر ايبات..
ولهسّه اچفوفي عد إفلان وإفلان.

ولهسّه امتوني من احمولهم سود..
ولهسه اجفوني من انطارتي اضخان.

إنچفت بيبانهم يم طاسة الماي..
وفزعتلي السمه المن غير بيبان.

أبد ما حشّمت بس يستحي الباب..
يسكت وآنه الي بخاصرته نيشان.

الغزاله التنهطر من خوفها اتصيح..
السباع ايگومن إمن الگاع خرسان.

نهر ماخذ گفاي إعله المشاحيف..
وشارب من مكر دنياي گيعان.

أحط إيدي ابگفه الما يعرف ايفوج..
وأكره كل نهر ما شال غرگان.

وأعاند من تهد بخيولها الريح..
روج ايوگّف إعله الغيم سفان.

حليم وفرزنت ضحك الشياطين..
وأسكت وآنه أعرفه ابليس شيطان.

درب طاحوا ابصدري طيحة الفوس..
تشاويت، وگلت طيحات رضعان.

الطفل لازم ابزغره ايطيح ويگوم..
ولو طيحاتهم طيحات شبّان.

گمت والحيل يتشلبه إعله الإمتون..
إبمهر يگطر ضوه وبإعناد فرسان.

أجر نفسي ويتيه ابريّتي الليل..
وأفح ويصعد اويه الريح دخّان.

غرت واتنگّبت جدامي الأوجوه..
جزتني وجابت النسوان، نسوان.

و عفيت وبالعفو تنقاس الإرجال..
الرگاب اليعفو عنها السيف تنهان.

عبرت والشراع ايدغدغ الغيم..
أنا الما عبّرتها اشلون ما چان.

ما خلّيت حملي ابعازة امتون..
السمه تنذل لون تحتاج عمدان.


#عباس-العبادي

'شعب كادح '
على صوت المنايه من الصبح غبش..
"دم بكل شوارعنا نذر ينطش"

مذبوح السلام، بهالوطن مذبوح..

وبجساد الضحايا غراب ضل ينهش

"امس ياوطن" ثرنا نريد كون نخلي حد للجوع ..
وحتى الفقره تشبع يوم وماتبقى الايتام تلوع
وطن متوارد ويه حسين ،مو نحرك، ولكن شارعك مگطوع !!

ها يا موطني السابق، دگلي منشوكت مبيوع؟؟

عمايم باعتك، لو قوط؟وياهو موقع المشروع...؟؟

#محمد-مهاوي