GCC JOB INFO

દેશમાં સૌથી વધુ પ્રચલિત સંવત વિક્રમ અને શક સંવત છે. તેના પ્રણેતા માલવા અને સમ્રાટ ચંદ્રગુપ્ત વિક્રમાદિત્ય માનવામાં આવે છે. તેમને સમસ્ત પ્રજાનું ઋણ ચૂકવીને આ સંવત શરૂ કર્યું હતું. એવું માનવામાં આવે છે કે વિક્રમ સંવત ગુપ્ત સમ્રાટ વિક્રમાદિત્યએ ઉજ્જયનીમાં શકોને પરાજિત કરવાની યાદમાં શરૂ કર્યું હતું. આ સંવત 57 ઈસા પૂર્વે શરૂ થયું હતું. તેને માલવ સંવત પણ કહેવામાં આવે છે. તેમાં કાળગણના સૂર્ય અને ચંદ્રના આધારે કરવામાં આવે છે. આ ચૈત્ર મહિનાના શુક્લ એકમથી ચૈત્ર નવરાત્રિની સાથે શરૂ થાય છે. આ દિવસે ચૈત્ર નવરાત્રિ શરૂ થાય છે. ચૈત્ર સુદ એકમે ઉત્તર ભારત સિવાય ગુડી પડવા અને ઉગાદીના રૂપમાં ભારતમાં નવા વર્ષની ઉજવણી થાય છે. સિંધી લોકો તેને ચેટીચાંદના રૂપમાં નવું વર્ષ ઊજવે છે. શક સંવતને શાલિવાહન શક સંવતના રૂપમાં પણ ઊજવવામાં આવે છે. તેને શક સમ્રાટ કનિષ્કએ 78 ઈ.માં શરૂ કર્યું હતું. સ્વતંત્રતા પછી સરકારે તેમાં થોડો ફેરફાર કરીને તેને રાષ્ટ્રીય સંવતના રૂપમાં અપનાવેલું. રાષ્ટ્રીય સંવતનું નવું વર્ષ 22 માર્ચથી શરૂ થાય છે, જ્યારે લિપ યરમાં આ 21 માર્ચ હોય છે.

શક સંવત
આ 78 ઈ.માં શરૂ થયું. ચૈત્ર 1,1879 અર્થાત્ 22 માર્ચ 1957ના રોજ તેને ભારતના રાષ્ટ્રીય કેલેન્ડરના રૂપમાં અપનાવ્યું. તેને કુષાણ રાજા કનિષ્કએ ચલાવ્યું હતું. તેનો પ્રથમ મહિનો ચૈત્ર અને અંતિમ મહિનો ફાગણ હોય છે. તેનો સૌથી પ્રાચીન શિલાલેખ ચાલુક્ય વલ્લભેશ્વરનો છે. તેની તિથિ 465 શક સંવત છે.

હિજરી-
ઇસ્લામિક ધાર્મિક પર્વોને મનાવવા માટે તેનો ઉપયોગ કરવામાં આવે છે. તેમાં કાળગણના ચંદ્ર આધારિત છે. મોહર્રમ મહિનાના પ્રથમ દિવસે નવું વર્ષ ઊજવવામાં આવે છે. 62 ઈ. માં પૈગંબર મોહમ્મદના મક્કાથી મદીના જવાની ઘટનાને હિજરત કરવાના દિવસને સંવતના રૂપમાં શરૂ થયું, તેને હિજરી કહેવામાં આવે છે.

સપ્તર્ષિ સંવત
તેને કાશ્મીરમાં શરૂ કરવામાં આવ્યું હતું. તે ચંદ્ર અને સૌર સંવત છે. તે 3076 ઈસા પૂર્વ ચૈત્ર શુક્લ એકમે તેની શરૂઆત થયેલી. શ્રીલંકાના મહાવંશમાં ઉલ્લેખ છે કે સમ્રાટ અશોકનો રાજ્યાભિષેક સપ્તર્ષિ સંવત 6208માં થયો હતો.

ગ્રેગોરિયન કેલેન્ડર
આ સૌથી પ્રચલિત કેલેન્ડર છે જેને 1558માં તેરમા પોપ ગ્રેગોરીએ જુલિયન કેલેન્ડરમાં સુધારો કરી ચલાવ્યું હતું. તેમાં લિપ યર પણ જોડવામાં આવ્યું જેથી તારીખ અને મોસમની વચ્ચે સમન્વય સ્થાપિત થઈ શકે. ત્યારે ત્રુટિ સુધાર માટે કેલેન્ડરમાં 10 દિવસ વધારીને 4 ઓક્ટોબર 1582 પછી સીધા 15 ઓક્ટોબરનો દિવસ કરી દેવામાં આવ્યો.

દિવ્ય ભાસ્કર ©️

🔰આપણી સંસ્કૃતિ આપણો વારસો 🔰™️

👍1

10.2K views02:48