#Premyera_Inson_qadri_uchun

“VATANGA QAYTISH”: 20 yillik armon, bir umrlik orzu va adolat tantanasi

🎭Samarqand viloyati musiqali drama teatrida Adliya vazirligi buyurtmasi asosida sahnalashtirilgan “Vatanga qaytish” spektaklining premyerasi bo‘lib o‘tdi.

Mazkur sahna asari O‘zbekiston Respublikasi Prezidentining 2024-yil 22-noyabrdagi PQ–399-son qarori ijrosi doirasida, “Inson qadri uchun” ezgu g‘oyasi ostida sahnalashtirildi.

Spektakl markazida 20 yil davomida fuqarolik olish orzusi bilan yashagan ayol taqdiri turadi. Fuqaroligi yo‘qligi sababli u oliy ta’lim olish, munosib ish topish, o‘z nomiga uy rasmiylashtirish, hatto ota-onasini ko‘rish imkoniyatidan mahrum bo‘ladi. Otasini so‘nggi manziliga kuzatishga ham bora olmagan ayolning qalbida birgina orzu yashaydi: o‘z yurtining to‘laqonli fuqarosi bo‘lish.

🚛Prezidentimiz tashabbusi bilan inson qadrini ulug‘lash, fuqarolarning huquq va manfaatlarini ta’minlash borasida amalga oshirilayotgan islohotlar qahramon taqdirida ham o‘z aksini topadi. Adliya organlari tomonidan ko‘rsatilgan huquqiy yordam uning yillar davomidagi orzusi ro‘yobga chiqishiga xizmat qiladi.

📖“Vatanga yo‘l” shunchaki spektakl emas. Bu pasport ortida inson taqdiri, yillar davomidagi intizorlik, orzu va umidlar mujassam ekanini eslatuvchi hayotiy hikoya.

🌐 website 📱 facebook 📱 instagram 📱 linkedIn 📱 youtube 📱 twitter