#Islohotlarga_daxldorman

🖥 Adliya vazirligi tomonidan Toshkent davlat yuridik universiteti bilan birgalikda mamlakatimizda olib borilayotgan islohotlar mazmun-mohiyatini aholi, ayniqsa, yoshlar orasida keng targʻib qilish, fuqarolarimizning bilimlarini oshirishga qaratilgan “Islohotlarga daxldorman” loyihasiga start berilgan. Loyiha doirasida joylarda turli formatdagi tadbirlar tashkil qilinmoqda.

✔️ Xususan, loyiha targʻibot guruhi aʼzolari Navoiy viloyati yuridik texnikumida oʻtkazilgan “Zakovat” intellektual oʻyinida bellashdi.

✔️ “Tengdosh — tengdoshga” tamoyili asosida Namangan davlat universitetida tashkil etilgan navbatdagi uchrashuv kuchli munozaralarga boy oʻtdi.

✔️ Andijon viloyatida “Islohotlarga daxldorman” shiori ostida keng qamrovli targʻibot aksiyasi faollari Marhamat tumanidagi 2-son kasb-hunar maktabida boʻldilar.

✔️ Termiz shahar 11-sonli maktabda “Islohotlarga daxldorman” loyihasi doirasida viktorina oʻtkazilib, gʻoliblar targʻibot guruhi tomonidan esdalik sovgʻalari bilan taqdirlandi.

✔️ Yoshlarning huquqiy savodxonligini oshirish maqsadida “Islohotlarga daxldorman” loyihasi targʻibotchilari Qarshi shahridagi Nuriston akademik litseyida interfaol usulda uchrashuv tashkil oʻtkazdilar.

✔️ Kattaqoʻrgʻon garnizonida joylashgan 02855-sonli harbiy qismida “tengdosh — tengdoshga” tamoyili asosida targʻibot guruhlari tomonidan turli interfaol oʻyinlar va viktorinalar tashkil etilib, huquqiy targʻibot ishlari amalga oshirildi.

✔️ Qibray tumani “Yoshlik” mahallasida joylashgan kasb-hunar maktabida tashkil etilgan uchrashuvda yurtimizda yoshlar uchun yaratilayotgan sharoit va imtiyozlar, yoshlarning erishayotgan yutuqlari va kelgusidagi rejalar haqida toʻxtalib oʻtildi.

✔️ Urganch shahar “Ishga marhamat” monomarkazi hamda Hazorasp tumani ixtisoslashtirilgan maktablarida “Islohotlarga daxldorman” loyihasi doirasida yoshlar bilan uchrashuvlar boʻlib oʻtdi.

✔️ “Islohotlarda daxldorman” shoiri ostida Sirdaryo viloyat yuridik texnikumi va Guliston davlat pedagogika institutida targʻibot tadbirlari boʻlib oʻtdi.

✔️ Toshkent shahar adliya boshqarmasi va Toshkent davlat yuridik universiteti hamkorligida “Islohotlarda daxldorman” shiori ostida “tengdosh — tengdoshga” tamoyili asosida Geologiya fanlari universitetida huquqiy targʻibot tadbiri oʻtkazildi.

✔️ Jizzax viloyatida “Islohotlarga daxldorman” loyihasi doirasida tashkil etilgan targʻibot tadbirlarida 200 ga yaqin yoshlar ishtirok etdi.

✔️ “Islohotlarga daxldorman” shiori ostida keng qamrovli targʻibot aksiyasi Fargʻona viloyatida ham tashkil etilmoqda.

@adliyangiliklari