#Adliya_va_yoshlar
#Bolalar_huquqlari

Bolalar huquqlari — doimiy e’tiborda

📍Adliya vazirligi tomonidan o‘tkazilayotgan “Bolalar va yoshlarning huquqlarini himoya qilish” huquqiy aksiyasi doirasida Qashqadaryo viloyatidagi “Yosh alangachi” bolalar oromgohida bolalar va yoshlar bilan uchrashuv tashkil etildi.

⚖️ Tadbir davomida ishtirokchilarga bolalarga nisbatan zo‘ravonlik va bullingning salbiy oqibatlari, ularning oldini olish mexanizmlari hamda bolalarning qonuniy huquq va manfaatlarini himoya qilish masalalari yuzasidan huquqiy tushuntirishlar berildi.

💬 Ochiq muloqot davomida bolalarni qiziqtirgan savollarga javob berilib, ularning huquqiy bilim va ko‘nikmalarini mustahkamlashga alohida e’tibor qaratildi.

🧠 Shuningdek, huquqiy viktorina tashkil etilib, ishtirokchilar o‘z bilimlarini sinovdan o‘tkazdi. Faollik ko‘rsatgan bolalar rag‘batlantirildi.

✨ Bunday tadbirlar bolalarning huquqiy ongi va madaniyatini yuksaltirish, ularni o‘z huquqlarini biladigan va himoya qila oladigan shaxslar sifatida tarbiyalashga xizmat qilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot