#Adliya_xabar

Adliya vaziri o‘rinbosari Sh.Rabiyev ishtirokida Navoiy viloyat hokimligida ijro intizomini samarali tashkil etish yuzasidan amaliy-seminar tashkil etildi. Tadbirda 40 dan ortiq viloyat darajasidagi davlat organlari va tashkilotlarining 100 nafarga yaqin ijro intizomiga mas’ul rahbarlari hamda xodimlari qatnashdi.

Tadbir davomida «Ijro.gov.uz» platformasi bilan ishlash, ijro intizomini mustahkamlashga alohida eʼtibor qaratilishi, O‘zbekiston Respublikasining qonunlari, Prezidentning farmon, qaror, farmoyish va topshiriqlari ijrosini belgilangan muddatlarda, to‘laqonli va sifatli taʼminlashning muhim ekanligi alohida ta’kidlandi hamda sohaga oid taklif va mulohazalar bildirildi.

@adliyangiliklari

#Adliya_xabari

Bugun adliya vaziri o‘rinbosari X.Meliyev boshchiligidagi ishchi guruh Samarqand viloyatiga yetib keldi.

Ishchi guruh bir necha kun davomida viloyatdagi adliya organlari faoliyatini o‘rganadi.

Masʼullar dastlab Samarqand shahar adliya bo‘limi davlat xizmatlari markazida bo‘ldi. Xususan, bu yerda jismoniy va yuridik shaxslar uchun yaratilgan qulayliklar, shart-sharoitlar, ularning davlat xizmatlaridan yana-da qulay, oson va tez foydalanishlariga zamin yaratuvchi mavjud imkoniyatlarni, muammo va kamchiliklarni o‘rgandi. Xizmat ko‘rsatish jarayoni, uning sifatini ko‘zdan kechirdi. Jumladan, fuqarolar, xodimlar bilan muloqotda bo‘lib, ham xizmat ko‘rsatuvchilarni, ham xizmatdan foydalanuvchilarni fikr-mulohazalariga quloq tutdi.

Shu o‘rinda taʼkidlash kerakki, hozirgi paytda Samarqand shahar davlat xizmatlari markazida xorijga chiqish pasportini rasmiylashtirish, ID-karta berish, milliy namunadagi eski haydovchilik guvohnomalarini yangisiga almashtirish xizmatlaridan viloyatimiz ahli va fuqarolar foydalanib kelishmoqda. Asosiysi, xizmatlar “oson”, “o‘rta” hamda “murakkab” toifalar orqali taqdim qilinmoqda.

Birgina joriy yilning o‘tgan davrida markaz tomonidan 203 mingdan ortiq davlat xizmatlari ko‘rsatilgan. Mazkur xizmatlardan aholi yuqorida qayd etganimizdek, uch qadam tizimi orqali foydalanmoqda.

Shundan:
▫️Xorijga chiqish biometrik pasportini rasmiylashtirish bo‘yicha — 8 574;
▫️ID-karta berish bo‘yicha — 7 783;
▫️Milliy namunadagi eski haydovchilik guvohnomalarini yangisiga almashtirish bo‘yicha — 7 400 dan ziyod xizmatlar ko‘rsatilgan.

Ishchi guruhning o‘rganish ishlari barcha tuman (shahar) larda davom etmoqda.

@adliyangiliklari

#Adliya_xabari

Kunning ikkinchi yarimida, adliya vaziri o‘rinbosari X.Meliyev boshchiligidagi ishchi guruh Samarqand shahridagi FHDY bo‘limlari va viloyat FHDY arxivida bo‘lib, ularning ish faoliyati o‘rgandi.

Ishchi guruh FHDYlarda ishni to‘g‘ri tashkil qilinganligi, hujjatlarni yuritish, fuqarolarga qonunchilik talablari asosida to‘g‘ri va shaffof xizmat ko‘rsatish yo‘lga qo‘yilganligi, xodimlarning bilim malakasi, sohadagi islohotlardan, ayniqsa, qabul qilinayotgan normativ-huquqiy hujjatlardan boxabarligini o‘rgandi. Bu borada aniqlangan xato va kamchiliklar, mavjud muammolarni bartaraf etish bo‘yicha aniq taklif va vazifalar berdi.

Shuningdek, sohani yana-da takomillashtirish, xizmat ko‘rsatish sifatini yangi bosqichga olib chiqish borasida xodimlar va fuqarolarning takliflari, fikrlarini tingladi.

Taʼkidlash kerakki, Samarqand shahrida fuqarolik holati bilan bog‘liq xizmatlarga bo‘lgan talab yuqori. Bugungi kunda 5 ta FHDY bo‘limi ana shu taklif va talablardan kelib chiqib, xalq xizmatida.

Maʼlumot uchun: Ishchi guruh ertaga Samarqand viloyatining Bulung‘ur, Jomboy, Toyloqva Urgut tumanlarida o‘z ishini davom ettiradi.

@adliyangiliklari

#Adliya_xabari

Adliya vaziri Akbar Toshqulov: masofadan amalga oshiriladigan notarial harakatlar doirasini kengaytirish maqsad qilingan

👉Batafsil

@adliyangiliklari