#Adliya_xabari

Joriy yilning 28-sentabr kuni adliya vaziri o‘rinbosari X.Meliyev ishtirokida 2023-yilning o‘tgan davri mobaynida Navoiy viloyat adliya boshqarmasi tomonidan davlat xizmatlari ko‘rsatilishi ustidan nazorat qilish sohasida amalga oshirilgan ishlar bo‘yicha davlat xizmatlarini ko‘rsatuvchi vakolatli tashkilotlarning rahbar xodimlari ishtirokida seminar tashkil etildi.

Ma’lumot uchun: 2023-yil davomida Navoiy viloyatidagi davlat xizmatlari markazlari tomonidan 225 mingdan ortiq davlat xizmatlari ko’rsatilgan.

Shu o‘rinda, Adliya vazirligi tomonidan davlat xizmatlari ko‘rsatish axborot tizimi orqali monitoring qilinganda vakolatli tashkilotlar tomonidan ushbu davrda fuqarolarga davlat xizmatlarini ko‘rsatish sohasida jami 1 190 ta muddat buzilish holatlariga yo‘l qo‘yilganligi aniqlangan.

Tadbir davomida bu kabi salbiy holatlar, aholiga sifatsiz xizmat ko‘rsatilishiga, sohada korrupsiya holatlari ortishiga, vakolatli tashkilotlar tomonidan arizalarini asossiz rad qilinishi natijasida fuqarolar tomonidan DXMlarga takroran murojaat qilishlariga va buning natijasida markaz xodimlarining vaqti cheklanishiga va markazlarda navbatlarning ortishiga sabab bo‘layotganligi ta’kidlandi.

Shundan song, uy-joy qurilishi, kadastr, elektr ta’minoti yonalishlarida davlat xizmatlari korsatish sohalari alohida tahlil etilib, taklif va amaliy ko‘rsatmalar berildi.

Uchrashuvda davlat xizmatlarini ko‘rsatishda yo‘l qo‘yilgan kamchiliklar sabablari bo‘yicha rahbarlarning izohi eshitilishi bilan birga shu kabi qonun buzilishi holatlarini oldini olish, davlat xizmatlarini ko‘rsatish sohasini takomillashtirish, mavjud muammolarni bartaraf etish borasida aniq chora-tadbirlarni belgilab olindi.

@adliyangiliklari

#Adliya_xabari

Adliya vaziri o‘rinbosari X.Meliyev boshchiligidagi ishchi guruh o‘rganish ishlarini Navoiy viloyatining yana bir olis hududlaridan biri bo'lgan Gʻozgʻon shahar adliya bo‘limlari faoliyati misolida davom ettirdi.

G‘azg‘on shahri Navoiy viloyatining eng yosh hududlaridan biri. Kengliklar bag‘rida qad ko‘targan adliya bo‘limi davlat xizmatlari yangi binosining hamfoydalanishga topshirilganligiga ko‘p bo‘lgani yo‘q. Ishchi guruh tomonidan binoda yaratilgan sharoitlar, davlat xizmatlari ko‘rsatishdagi qulayliklar bilan yaqindan tanishib chiqildi. Bu yerda aholi asosan,elektron imzo va ijtimoiy ma'lumotlar olish bo‘yicha davlat xizmatlaridan foydalaniladi. Joriy yilning shu davriga qadar fuqarolarga 4 000 ta davlat xizmatlari ko‘rsatildi.

Shu bilan birga, ishchi guruh vakillari Gʻozgʻon shahar hokimi, sektor rahbarlari ishtirokida mahalliy aholining huquqiy ongini oshirish, murojaatlariga huquqiy yechim topish va davlat xizmatlaridan foydalanish borasidagi fkirlarini yaqindan o'rgandilar.

Muloqot jarayonida FHDY arxivi hujjatlari saqlanish holati, turkumlanishi, yuridik xizmat ko'rsatish sohasi, adliya bo'limlarida fuqaro murojaatlari bilan ishlash tizimi yuzasidan aniq vazifalar belgilab berildi.

@adliyangiliklari

#Adliya_xabari

Vaziri oʻrinbosari Sh.Rabiyev boshchiligidagi ishchi guruh X.Sulaymonova nomidagi respublika sud ekspertizasi markazining Namangan viloyat bo‘limida bo‘ldi.

Jumladan, tashrif davomida sud ekspertizasini rivojlantirish istiqbollari, sud ekspertizasining tematik tadqiqotlari, sud ekspertizasida transmilliy almashinuv tizimlari – huquq va maxfiylik sohasidagi so‘nggi tajriba va mavjud muammolar yuzasidan fikr-mulohazalar tinglandi.

@adliyangiliklari

#Adliya_xabari

Adliya vaziri o‘rinbosari Alisher Karimov Boyovut tuman adliya bo‘limi faoliyati bilan tanishdi

Adliya vaziri o‘rinbosari Alisher Karimov boshchiligidagi ishchi guruhning Sirdaryo viloyatidagi o‘rganishlari davom etmoqda.

Navbatdagi uchrashuv Boyovut tuman adliya bo‘limi xodimlari ishtirokida tashkil qilindi.

Muloqotda kasb etikasiga rioya qilish, jamoaviy birdamlik ruhini ko‘tarish, aholi murojaatlari bilan ishlashda qonuniylikni ta’minlash, fuqarolarning huquq va erkinliklarini himoya qilish, ularga huquqiy axborotni yetkazish masalalari atroflicha muhokama qilindi.

Shundan so‘ng adliya bo‘limi binosida xodimlar uchun yaratilgan shart-sharoitlar, moddiy-texnik baza, mavjud qulayliklar ko‘zdan kechirildi.

Shuningdek, A.Karimov davlat xizmatlari markazi, yuridik xizmat ko‘rsatish markazi, FHDY organi faoliyati bilan ham yaqindan tanishishdi. Jarayonda xodimlarning sohada kuzatilayotgan muammolar va ularni bartaraf etish yuzasidan taklif va mulohazalari tinglanib, aniqlangan kamchiliklar bo‘yicha zarur tavsiya va ko‘rsatmlar berildi.

@adliyangiliklari