#Adliya_xabari

Joriy yilning 20-sentabr kuni Adliya vazirligi, Qashqadaryo viloyat hokimligi va viloyat adliya boshqarmasi bilan birgalikda “Ijro intizomi — samaradorlik omili” mavzusida seminar tashkil etildi.

Tadbirda viloyat davlat organlari va tashkilotlarining 100 dan ortiq xodimlari, shuningdek tuman (shahar) tashkilotlaridan 150 dan ortiq ishtirokchilar ZOOM platformasi orqali ishtirok etdi.

Ta’kidlanganidek, O`zbekiston Respublikasi Prezidentining 2021-yil 10-fevraldagi PF–6166-son Farmoni bilan mamlakatimizda ijro intizomini mustahkamlash va qonunchilik hujjatlari ijrosini tashkil etishning yagona va uzluksiz tizimi yaratilgan.

Adliya vaziri o'rinbosari Sh. Rabiyev va boshqa mas’ullar tomonidan qonunchilik hujjatlari va topshiriqlarni xodimlarga yetkazish va hududlarda ijrosini tashkil qilish, bu borada jamoatchilik nazoratini yo'lga qo'yish bo'yicha muhim vazifalarga alohida to'xtalib o'tildi.

Shuningdek, Oʻzbekiston Respublikasi Prezidentining 2023-yil 24-maydagi PQ–162-son qarorining mazmun-mohiyati, ijro intizomini tashkil etishda “edo.ijro.uz” elektron tizimining oʻrni va ahamiyati haqida tushuntirish berildi.

Tadbir davomida soha vakillari oʻzlarini qiziqtirgan barcha savollariga javob oldilar hamda ijro intizomini yanada oshirish, hujjatlar bilan ishlash jarayonlarini toʻliq raqamlashtirish yuzasidan tegishli takliflar bildirildi.

Seminardan so'ng vazir o'rinbosari Sh.Rabiyev Qashqadaryo viloyat transport boshqarmasiga tashrif buyurib boshqarmada qonunchilik hujjatlari va topshiriqlarning ijro etilishi mexanizmi bilan yaqindan tanishdi.

@adliyangiliklari

#Sayyor_qabul

Adliya vaziri oʻrinbosari Sh.Rabiyev tomonidan Qashqadaryo viloyatiga xizmat safari davomida aholi bilan muloqotni yaqindan yoʻlga qoʻyish maqsadida G’uzor tumani “Tinchlik” mahallasida sayyor qabul oʻtkazildi.

Sayyor qabulda 100 nafardan ortiq fuqarolar ishtirok etdi. Aholining aksariyat murojaatlari joyida hal etilgan boʻlsa, oʻrganish talab etiladigan 10 tadan ortiq murojaat ish yurituvga qabul qilindi. 10 nafar fuqarolarning moddiy yordam olish, aliment undirish, imtiyozli kredit olish hamda boshqa masalalar bo‘yicha murojaatlariga joyda huquqiy tushuntirish (maslahatlar) berildi.

Shuningdek, qabul davomida ishtirokchilarga yurtimizda amalga oshirilayotgan islohotlar, yangi qabul qilingan qonunchilik hujjatlarining mazmun-mohiyati, jinoyatchilikni oldini olish bilan bogʻliq tushuntirishlar berildi.

Bundan tashqari, adliya vaziri o‘rinbosari tomonidan tumandagi huquqbuzarlik, jinoyatchilik va og‘ir toifaga kiritilgan hududlar soni bo‘yicha "Qizil" toifaga kiritilgan MFY yoshlar yetkchilari ishtirokida davra suhbati o‘tkazilib ularni qiziqtirgan savollarga javoblar berildi.

@adliyangiliklari

#Adliya_xabari

Adliya vaziri o‘rinbosari tomonidan tabdirkorlar muammolari joyiga chiqqan holda o‘rganildi

👉Batafsil

@adliyangiliklari

#Adliya_xabari

Surxondaryo viloyatining Denov, Uzun, Sariosiyo tumanlari adliya bo‘limlari faoliyati o‘rganildi

Bugun adliya vaziri o‘rinbosari X.Meliyev boshchiligidagi ishchi guruh tomonidan Surxondaryo viloyatining Sho‘rchi va Oltinsoy tumani adliya bo‘limlari faoliyati o‘rganilganligi haqida xabar bergandik.

Kunning ikkinchi yarimida ishchi guruh viloyatning Denov, Uzun, Sariosiyo tumanlari adliya bo‘limi, davlat xizmatlari markazlari, FHDY organi hamda yuridik xizmat ko‘rsatish markazida bo‘lib, bu yerda jismoniy va yuridik shaxslarning davlat xizmatlaridan yanada qulay, oson foydalanishlari uchun yaratilayotgan imkoniyatlar ko‘lami bilan tanishdi.

O'rganishlar davomida ko‘rsatilayotgan xizmatlar sifatini aniqlash va mavjud kamchiliklarni bartaraf etish bilan bir qatorda, tizim masʼullari faoliyatini jadallashtirish, fuqarolar uchun yaratilgan sharoitlarni yanada yaxshilash, xodimlarning fuqarolar bilan muloqot qilish ko‘nikmalarni oshirish kerakligi ta'kidlandi.

Ishchi guruh tumanlarning Davlat xizmatlari markazida fuqarolarga yaratilgan sharoitlarni ko‘zdan kechirish bilan bir qatorda DXMga tashrif buyurgan fuqarolar bilan ham muloqot tashkil etildi. Muloqot davomida aholining davlat xizmatlarini olishda duch kelayotgan muammolar bo'yicha murojaatlari tinglandi va ayrim masalalar yuzasidan joyida huquqiy tushuntirishlar berilgan bo‘lsa, o‘rganib chiqish muddat talab etadigan murojaatlar ish yurituvga qaratilib, ijrosi alohida nazoratga olindi.

@adliyangiliklari