#Adliya_xabari

Adliya vazirligi ishchi guruhi Buxoro viloyatida

Ayni kunlarda adliya vaziri oʻrinbosari X.Meliyev boshchiligidagi ishchi guruh Adliya vazirligining eng quyi tizimlari faoliyatini oʻrganish maqsadida Buxoro viloyatida.

Tashrif davomida vazirlik ishchi guruhi tomonidan Buxoro viloyatidagi adliya boʻlimlari, yuridik xizmat ko'rsatish markazlari, hududiy arxiv bo'limlari, davlat xizmatlari markazlari hamda FHDY organlari faoliyati o'rganilmoqda, yangi binolarni qurish jarayonlari ko'zdan kechirilmoqda.

Maqsad fuqarolarga koʻrsatilayotgan xizmat sifatini aniqlash va mavjud kamchiliklarni bartaraf etishdan tashqari, tizim mas’ullari faoliyati yanada jadallashtirish, byurokratik cheklovlarni qisqartirish, xodimlarning fuqarolar bilan muloqot qilish qobiliyatlari va stressni boshqarish kabi koʻnikmalarni oshirish hamda yuqori professionallik bilan ularga xizmat koʻrsatish bo‘yicha ko‘rsatmalar berishdan iborat.

@adliyangiliklari

#Adliya_xabari

Intellektual mulkka oid Oliy sud Plenumi qarori qabul qilindi

2023-yil 23-iyun kuni O‘zbekiston Respublikasi Oliy sudi Plenumining navbatdagi majlisi bo‘lib o‘tdi.

Majlisda Oliy sud Plenumining bir qator masalalar yuzasidan, shuningdek, “Intellektual mulkka oid ishlarni ko‘rib chiqishning ayrim masalalari to‘g‘risida”gi qarorlari qabul qilindi.

Bugungi texnologik taraqqiyotda intellektual mulk har bir mamlakat iqtisodiyotining rivojlanishida muhim ahamiyat kasb etmoqda, davlatning global iqtisodiyotdagi raqobatbardoshligini belgilab bermoqda. Dunyo bo‘yicha eng qimmatbaho mulk – bu intellektual mulkdir. Mamlakatimizda ham intellektual mulk sohasini rivojlantirish, muallif va huquq egalarining qonuniy manfaatlarini yetarli darajada himoya qilishga katta e’tibor berilmoqda. Intellektual mulkni rag‘batlantirishga doir normalar Asosiy qonunimizdan ham o‘rin olgan. Intellektual mulk obyektlari muhofazasini ta’minlash bilan birga ularni samarali himoya qilish mexanizmlarini yo‘lga qo‘yish va amalga oshirish hamda bu yo‘nalishdagi amaliyotni takomillashtirish davr talabidir.

Shu maqsadda, sudlar tomonidan bu boradagi da’vo arizalari, ariza va shikoyatlarni ko‘rib chiqishda turlicha yondashuvlarning oldini olish va sud amaliyotini birxillashtirish zarurati mavjudligi sababli Oliy sud Plenumi tomonidan qonunni qo‘llash bo‘yicha tushuntirish berishni davrning o‘zi taqozo etdi. Ishlab chiqilgan Oliy sud Plenumining “Intellektual mulkka oid ishlarni ko‘rib chiqishning ayrim masalalari to‘g‘risida”gi qarorida bu boradagi ishlarni ko‘rishda yagona sud amaliyotini shakllantirishga oid tushuntirishlar aks ettirildi.

@adliyangiliklari

#Adliya_xabari

Bugun Adliya vazirligining “Biz birgamiz!” loyihasi doirasida respublika bo'ylab 1000 nafarga yaqin nogironligi bo'lgan shaxslar “Yangi nafas”, “Vatan qalqoni” hamda “Olympic day” ommaviy yugurish musobaqalarida ishtirok etdi.

Ishtirokchilar badal to‘lab ishtirok etayotgan bo‘lsa, nogironligi bo'lgan shaxslar uchun bepul qilib berildi.

Marafonda uch turdagi nominatsiya bo‘yicha g’oliblar taqdirlandi.

Toshkent shahridagi marafon yakunida osh tarqatildi va har bir ishtirokchiga sovg’alar ulashildi.

Ta’kidlash kerakki, nodavlat notijorat tashkilotlarining faoliyatini rivojlantirish sohasida davlat siyosatini yuritish, ularning davlat organlari va tashkilotlari bilan o‘zaro hamkorligini tashkil qilishga ko‘maklashish vazirlikning asosiy vazifalaridan hisoblanadi.
Shunga ko‘ra, vazirlik 2018-yildan boshlab “Biz birgamiz!” ijtimoiy loyihasini amalga oshirib kelmoqda.

Eslatib o’tamiz, Toshkent shahridagi g’oliblarni taqdirlash bugun 20:00 da Milliy bog’da bo’lib o’tadi.

@adliyangiliklari