Adliya vaziri tushuntirish berdi

"28-martdagi matbuot anjumanida Daryo.uz nashri jurnalistining jinoiy jazolarni qo‘llashda qonunchilik va sud amaliyoti buyicha savoliga bergan javobim ayrim internet nashrlari va ijtimoiy tarmoqlarda noto‘g‘ri talqin qilinibdi. Aslida jurnalist savolida aniq shaxslarga nisbatan qo‘llanilgan jazoni misol keltirgan bo‘lsada, bu masalaga men emas sud baho berishini aytib, mendan qonunchilikda juda ko‘p miqdorda rastrata va talon-taroj hamda boshqa mansabdorlik jinoyatlariga nisbatan 500 ming so‘m pora olish jinoyatiga og‘irroq jazo belgilanganligiga munosabat so‘ragan. Men javobimda aniq sud hukmiga emas, balki jinoyat qonunchiligidagi jazoni belgilashga asos bo‘lgan mezonlarga to‘xtalganman".

Ayrim internet nashrlari va ijtimoiy tarmoq foydalanuvchilari jurnalist savolidan qonunchilikdagi belgilangan jazoga munosabat bildirish qismini tushirib qoldirib, “Vazir nega 500 ming so‘m pora olgan shifokor 5 yilga, davlat pulini talon-taroj qilgan hokim esa 1 yilga qamalganiga izoh berdi” degan mavzu bilan kontekstdan yulingan ma'lumot tarqatmoqda.

@adliyangiliklari

#Adliyadan_javob

Farzandimni davlat maktabgacha ta’lim muassasasiga navbatga qo‘yganman. Navbatini onlayn tekshirib turishim mumkinmi?

— Albatta, buning uchun siz searcha.mpe.uz yoki my.gov.uz portallari foydalangan holda navbatni tekshirishingiz mumkin.

Bunda sizdan quyidagi ma’lumotlar talab qilinadi:
▪️Navbatga qo‘yilganlik ariza raqami yoki;
▪️Bolaning tug‘ilganlik guvohnoma raqamlari.

Bunda, arizada ko‘rsatilgan navbat yoki qonun buzilishi holatlari kuzatilsa Maktabgacha va maktab ta’limi vazirligining (71) 202-09-09 yoki Adliya vazirligining “1148” ishonch telefonlariga murojaat qilishingiz mumkin.

@adliyangiliklari

​#Adliyadan_javob

Yuridik shaxslarning nomlari va ramzlarida davlatning rasmiy nomidan foydalanish tartibi qanday?

— Vazirlar Mahkamasining 2014-yil 11-oktabrdagi 286-son qaroriga asosan “O‘zbekiston Respublikasi” va “O‘zbekiston” rasmiy nomlaridan, shuningdek ulardan hosila so‘zlardan quyidagilar o‘z nomlari va ramzlarida foydalanish huquqiga ega:
▪️O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlariga muvofiq tashkil etiladigan yoki faoliyatini tashkil etish amalga oshiriladigan yuridik shaxslar, agar ularning nomlari tegishli hujjatlarda to‘g‘ridan-to‘g‘ri nazarda tutilgan bo‘lsa;
▪️O‘zbekiston Respublikasi Vazirlar Mahkamasi qaroriga ko‘ra tashkil etiladigan davlat unitar korxonalari hamda davlat organlari va respublika ahamiyatiga molik tashkilotlar tomonidan tashkil etiladigan davlat muassasalari;
ustav fondida (ustav kapitalida) davlat ulushi 50 foizdan ortiq bo‘lgan xo‘jalik jamiyatlari;
▪️yuridik shaxslar respublika ahamiyatiga ega bo‘lgan birlashmalari;
▪️respublika nodavlat notijorat tashkilotlari, shuningdek nomlarida bosh tashkilotning to‘liq nomi ko‘rsatiladigan ularning alohida bo‘linmalari;
▪️davlat va xo‘jalik boshqaruvi organlari, mahalliy davlat hokimiyati organlarining O‘zbekiston Respublikasi Adliya vazirligiga taqdim etilgan murojaatlari asosida xorijiy investitsiyalar ishtirokidagi korxonalar.

Yuridik shaxslarning nomiga davlatning rasmiy nomini, shuningdek undan hosila so‘zlarni qo‘shish tartibi to‘g‘risidagi yo‘riqnomaning (ro‘yxat raqami 2633, sanasi 10.12.2014) 17-bandiga asosan tashkil etilayotgan xorijiy investitsiyalar ishtirokidagi korxonalar firma nomiga davlatning rasmiy nomini, shuningdek undan hosila so‘zlarni qo‘shish yuzasidan davlat boshqaruvi organlari sifatida faqat vazirliklar, davlat qo‘mitalari, agentliklar, qo‘mitalar, markazlar, inspeksiyalar, shuningdek ular huzurida va O‘zbekiston Respublikasi Vazirlar Mahkamasi huzurida tashkil etiladigan davlat boshqaruvi tuzilmalari, mahalliy davlat hokimiyati organlari sifatida esa Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari murojaat qilishlari mumkin.

@adliyangiliklari

#Adliya_munosabati

Rasmiy munosabat

Adliya vazirligi tizimida ishlayotgan xodimlarning, xususan, rahbarlarning davlat xizmatchisi obro‘siga putur yetkazishi mumkin bo‘lgan har qanday xatti-harakat sodir etishdan tiyilishi, ularni jamiyat o‘rnatilgan axloq normalariga rioya qilishi yuzasidan muntazam choralar ko‘rib boradi. Shu bilan birga, ko‘p ming sonli xodimlarning har birini ishdan tashqari vaqtda odob-ahloq qoidalariga rioya etilishini nazorat qilish imkoniyati cheklangan.

Ijtimoiy tarmoqlarda tarqalgan xabarda qayd etilgan vazirlik hududiy boshqarmasi rahbarining na qonunlarga, na axloq va qadriyatlarga mos kelmaydigan harakatlari bizni chuqur larzaga soldi. Ushbu jinoiy harakat haqidagi bizga ma'lum bo‘lgan vaqtidayoq u lavozimidan ozod etilgan. Unga nisbatan tegishli sud hukmi chiqarilib, jinoiy javobgarlikka tortilgan.

Qonunchilikka ko‘ra, sudlar o‘z faoliyatini davlat organlari va tashkilotlari mansabdor shaxslaridan mustaqil ravishda olib boradi, o‘z hukm-qarorlarini mustaqil ravishda chiqaradi. Shu sababli Adliya vazirligi sobiq xodimga nisbatan sud hukmini sharhlash vakolatiga ega emas.

Takidlash joizki, yaqinda Oliy Majlis Qonunchilik palatasi tomonidan ayollar hamda voyaga yetmaganlarni zo‘ravonlikdan himoya qilishga qaratilgan o‘zgartirishlar to‘plami, keng jamoatchilik vakillari bilan bamaslahat, maromiga yetkazilgan holda qabul qilindi.

Ushbu o‘zgartirishlarga asosan, jinsiy jinoyatlarni sodir etgan shaxslarga nisbatan javobgarlik yanada kuchaytirilmoqda, mazkur shaxslar uchun jazo tayinlashni yengillashtiruvchi holatlar, shu jumladan, jazoni o‘tashdan muddatidan ilgari shartli ozod qilishni qo‘llash taqiqlanmoqda.

Mazkur qonun hozirda Senatda ko‘rib chiqish uchun tayyorlanmoqda.

Adliya vazirligi jamiyatda xotin-qizlar, xususan, voyaga yetmagan va imkoniyati cheklanganlarni huquqiy himoyasini kuchaytirishga qaratilgan qonunchilikni takomillashtirish yuzasidan barcha faollar bilan hamkorlik qilishga tayyor ekanligini ma'lum qiladi.

Adliya vazirligi
Jamoatchilik bilan aloqalar bo‘limi

@adliyangiliklari