📢 Bugun, 9-fevral kuni AOKAda Adliya vazirligi axborot xizmati rahbari Sevara Urinbayeva ishtirokida brifing o‘tkazilishi rejalashtirilgan.

Mavzu: 2022–2026 yillarga mo‘ljallangan Yangi O‘zbekistonning taraqqiyot strategiyasini «Insonga e'tibor va sifatli ta'lim yili»da amalga oshirishga oid davlat dasturi to‘g‘risidagi Prezident Farmoni loyihasi yuzasidan

⏰ Vaqti: 12:00

@adliyangiliklari

⚡️“Zamonaviy sud ekspertizaning imkoniyatlari” mavzusida audio-podkast tashkil etiladi!

🎙Suhbat spikerlari:

👨‍⚕️Adliya vazirligi mas’ul xodimlari va Xadicha Sulaymonova nomidagi Respublika sud-ekspertizasi markazi mutaxassislari.

⏰Ovozli chat 10-fevral kuni soat 17:00da @huquqiy_gap kanalida boshlanadi.

📹Suhbat facebookda online translyatsiya qilinadi.

📥Savollaringizni izohlarda qoldiring.

Kanalga ulanish👇👇👇
@huquqiy_gap

#Adliya_brifing

Joriy yilgi davlat dasturida davlat boshqaruvi organlari faoliyatini “fuqarolarga xizmat qilishga yo‘naltirish” tamoyili asosida transformatsiya qilish ko‘zda tutilgan

AOKAda o‘tkazilgan brifingda Adliya vazirligi axborot xizmati rahbari Sevara Urinbayeva "2022–2026-yillarga mo‘ljallangan Yangi O‘zbekistonning taraqqiyot strategiyasini «Insonga e'tibor va sifatli ta'lim yili»da amalga oshirishga oid davlat dasturi to‘g‘risida"gi Prezident Farmoni loyihasi yuzasidan ma'lumot berdi.

Sizdan 2023-yilgi Davlat dasturi loyihasi muhokamasida faol ishtirok etib, o‘z takliflaringizni 2023.strategy.uz hamda davlatdasturi.uz yoki regulation.gov.uz portallari hamda ijtimoiy tarmoqlardagi @dscuzbekistan va @YangiTaraqqiyotStrategiyasi Telegram kanallari orqali bildirishlarini so‘rab qolamiz.

👉 Batafsil

@adliyangiliklari

#OAV_diqqat_markazida

Qozog‘istonning mashhur “Infozakon” jurnalida "Mualliflik huquqi va turdosh huquqlarni himoya qilish sohasida O‘zbekistonning xalqaro maydondagi o‘rnini mustahkamlash borasida qanday ishlar amalga oshirildi?" sarlavha ostida navbatdagi maqola chop etildi.

Maqolada, O'zbekistonda mualliflik huquqi va turdosh huquqlarni himoya qilish borasida qonunchilikdagi o'zgarishlar alohida qayd etilgan.

Xususan, qonunchilikda muallif asaridan ruxsatsiz foydalanish natijasida yetkazilgan zarar qoplanishi o‘rniga bazaviy hisoblash miqdorining yigirma baravaridan ming baravarigacha tovon to‘lanishi mamlakatda muallif ijodiga nisbatan hurmat hissini shakllantirish, o'z navbatida ushbu tartib muallifga va boshqa mualliflik huquqi egalariga ularning huquqlari buzilishi natijasida yetkazilgan zararni aniqlashning imkoni bo‘lmaganda tovon olish imkonini berishi ta'kidlangan.

@adliyangiliklari

Adliya vazirligining navbatdagi kengaytirilgan hay’at majlisi haqida e'lon

2023-yil 10-fevral kuni soat 11:00 da Adliya vazirligining navbatdagi kengaytirilgan hay’at majlisi videokonferensaloqa shaklida о‘tkaziladi.

Majlisda 2022-yil davomida adliya organlari va muassasalari tomonidan amalga oshirilgan ishlar va kelgusidagi vazifalarni muhokama qilish belgilangan.

Hay’at majlisida vazirlik markaziy apparatining tarkibiy bо‘linma rahbarlari, adliya organlari va muassasalari rahbarlari, shu jumladan tuman (shahar) adliya bо‘limlari va mas’ul xodimlari ishtirok etadi.

@adliyangiliklari

#Kontrafaktga_toqatsiz

Hurmatli fuqaro! Siz kontrafaktga koʻnyapsizmi? Unda buning oqibati qanday boʻlishini ham bilib qoʻying!

❗️Mazkur video rolikni koʻring va xulosa qiling!

@adliyangiliklari

#Adliya_xabari

Qoraqalpog‘iston Respublikasi adliya vazirining 2023-yil 7-fevral kungi 21-um-sonli buyrug‘iga muvofiq “NIZAM USTINLIGI” advokatlik hay’ati advokati Turdimurat Jumamuratovich Uteniyazovning advokatlik maqomi Qoraqalpog‘iston Respublikasi hududiy boshqarmasi huzuridagi malaka
komissiyasining qaroriga asosan advokatlik faoliyati bilan birga olib borib bo‘lmaydigan doimiy lavozimga tayinlanganligi sababli 6 (olti) oy muddatga to‘xtatildi.

Asos: “Advokatura to‘g‘risida”gi Qonuni, Vazirlar Mahkamasining 2022-yil 5-avgustdagi qarori bilan tasdiqlangan “Advokatlik faoliyatini maxsus elektron tizim orqali litsenziyalash tartibi to‘g‘risida”gi nizomi, “O‘zbekiston Respublikasi Advokatlar palatasi hududiy boshqarmalari huzuridagi malaka komissiyalari to‘g‘risida”gi nizomi.

@adliyangiliklari

​​#Adliya_munosabat

Qonunchilik hujjatlari loyihalarini tartibga solish ta’sirini baholashdan o‘tkazish yuzasidan munosabat

ijtimoiy tarmoqlarda O‘zbekiston Respublikasi Prezidentining 2023-yil 10-fevraldagi PF–21-son Farmoni bo’yicha faollar tomonidan turlicha fikrlar bildirilmoqda.

Adliya vazirligi tomonidan qonunchilik hujjatlarini va ularning loyihalarini belgilangan barcha tartib-taomillarga rioya qilingan holda qabul qilish, hususan ularning tartibga solish ta’sirini basholashdan o‘tkazish bilan bog‘liq funksiyalar muntazam ravishda amalga oshirib kelinmoqda. Xususan, 2022-yil davomida 280 ta loyihalarning tartibga solish ta’siri baholanib, tegishli takliflar kiritilgan.

Xususan, yuqorida nazarda tutilgan Farmon loyihasi ham Adliya vazirligi tomonidan huquqiy ekspertizadan o’tkazilgan, tartibga solish ta’siri baholangan.

Shu bilan birgalikda, Adliya vazirligiga taqdim etilgan loyihada Farmonning 7-bandi 4-xatboshisida nazarda tutilgan talablar mavjud bo’lmaganligi ma’lum qilinadi.

Adliya vazirligi
Jamoatchilik bilan aloqalar bo’limi

@adliyangiliklari

#Bilasizmi

Diplom dublikati asl nusxa bilan bir xil yuridik kuchga ega.

Hukumat qarori (395-son, 21.07.2022-y.) bilan Oliy, oʻrta maxsus va professional taʼlim toʻgʻrisidagi hujjatlarning dublikatini berish boʻyicha davlat xizmatlari koʻrsatishning maʼmuriy reglamentiga ko’ra:

🔰 Taʼlim tashkilotini tamomlagan, maʼlumotini tasdiqlovchi hujjati (diplom, sertifikat) yoʻqolgan yoki yaroqsiz holga kelgan, familiyasi, ismi, otasining ismi oʻzgarganda jismoniy shaxslar hujjatning dublikatini berish uchun davlat xizmatlari markazlari yoki YAIDXP (my.gov.uz) orqali murojaat qilishlari mumkin.

✅ Dublikat asl nusxa bilan bir xil yuridik kuchga ega.

📝 Ariza beruvchi DXMga kelib murojaat etganda xodim ariza beruvchi nomidan soʻrovnomani elektron toʻldiradi.

⏩ Ariza beruvchi soʻrovnomani YAIDXP orqali toʻldirilganda, undan elektron raqamli imzo talab etilmaydi.

💰Davlat xizmati uchun BHM 1 baravari (300 ming soʻm) miqdorida yigʻim undiriladi.

❗️Yigʻimni toʻlamaslik xizmat koʻrsatishni rad etish uchun asos hisoblanadi.

⏳Soʻrovnomada notoʻgʻri maʼlumotlar koʻrsatilsa, ularni bartaraf etish uchun ariza beruvchiga 5 ish kunlik muddat beriladi.

📋 Soʻrovnoma tushgandan boshlab 10 ish kunida hujjat dublikati rasmiylashtiriladi va bu haqida ariza beruvchiga xabar beriladi.

🏢Ariza beruvchi taʼlim toʻgʻrisidagi hujjat dublikatini vakolatli organdan olib ketadi.

⚠️ Ariza beruvchining xohishiga koʻra, taʼlim toʻgʻrisidagi hujjat dublikati vakolatli organ tomonidan pochta xizmati orqali yuborilishi mumkin. Bunda pochta uchun toʻlovlarni ariza beruvchi toʻlaydi.

Kanalga ulanish👇👇👇
https://t.me/davxizmat