4️⃣4️⃣4️⃣ • TDYUda bakalavriat kunduzgi ta’lim talabalari uchun yakuniy nazorat imtihonlari 23-yanvardan boshlanadi

Hurmatli Toshkent davlat yuridik universiteti talabalari!

❄️ Barchamiz ko‘rib, guvohi bo‘lib turganimizdek, mamlakatimiz hududida anomal sovuq havo hamon saqlanib qolmoqda.

📉 Ayni paytga qadar ko‘pchilik talabalar tomonidan bunday ob-havo sharoitida imtihonlarni tashkil etish ularning davomatiga salbiy ta’sir koʻrsatishi va talabalarga jiddiy qiyinchiliklar tug‘dirishi ma’lum qilinib, yakuniy nazorat imtihonlarini 2023-yilning 23-yanvaridan boshlash bo‘yicha ko‘plab murojaatlar kelib tushdi.

📊 Universitet rahbariyati tomonidan ushbu murojaatlar va kuzatilayotgan holatni inobatga olgan holda bakalavriat ta’lim yo‘nalishi talabalari o‘rtasida yakuniy nazorat imtihonlarini 2023-yilning 23-yanvaridan boshlash to‘g‘risida so‘rovnoma o‘tkazildi.

👩‍💻👨‍💻 O‘tkazilgan so‘rovnomada yakuniy nazorat imtihonlarini 2023-yilning 23-yanvaridan boshlash to‘grisidagi taklif ko‘pchilik talabalar tomonidan ma’qullandi.

👉 Ko‘pchilik talabalarning murojaati va so‘rovnoma natijalarini inobatga olgan holda sizga quyidagilarni ma’lum qilamiz:

✅ 2022/2023-o‘quv yili kuzgi semestri bo‘yicha yakuniy nazorat imtihonlari bakalavriat kunduzgi ta’lim talabalari uchun 23-yanvardan, magistratura talabalari uchun 18-yanvardan boshlanadi;

✅ sirtqi talim shaklida o‘qiydigan talabalar va 1-kurs kunduzgi talimda tabaqalashtirilgan to‘lov-kontrakt shaklida tahsil olayotgan talabalar uchun dars mashg‘ulotlari 18-yanvardan boshlanadi;

✅ 18-yanvardan 23-yanvarga qadar jadval asosida professor-oʻqituvchilar tomonidan talabalarga yakuniy nazorat imtihonlariga tayyorlanish boʻyicha onlayn konsultatsiyalar o‘tkaziladi.

👨‍🏫 Qo‘shimcha ma’lumot uchun fakultet dekanatlari va tyutorlarga murojaat qilishingiz mumkin.

👍👍 @tsulofficial