​#Adliya_munosabat

Давлат рамзи товар белгиси эмас

Ўзбекистон Республикаси қонун билан тасдиқланадиган ўз давлат рамзлари – байроғи, герби, ва мадҳиясига эгадир. Давлат рамзларининг мавжудлиги Ўзбекистоннинг амалда мустақиллигини яққол тасдиқлайди.

Ўзбекистон Республикаси давлат мустақиллигининг рамзлари муқаддас бўлиб, уларни ҳар қандай йўл билан таҳқирлаш қонун билан жавобгарликка тортилади.

Ўзбекистон Республикаси “Давлат герби тўғрисида”ги Қонунининг 5-1-моддасига мувофиқ, Ўзбекистон Республикаси Давлат гербининг тасвири туширилган белгилардан ишлаб чиқарилаётган ёки реализация қилинаётган товарларни (ишларни, хизматларни) ўтказиш учун тижорат мақсадларида фойдаланиш мумкин эмас.

Aniq.uz сайти томонидан Италиялик дизайнер Стефано Риччи Ўзбекистон учун коллекция яратди мақоласида таъкидланишича, яъни Стефано Риччи томонидан яратилган оёқ кийимларида Ўзбекистон герби ва байроғини тасвирланган.

Мазкур ҳолат Ўзбекистон Республикасининг давлат рамзлари – байроқ ва гербга нисбатан ҳурматсизлик ҳисобланади.

Шу билан бирга, Тошкент шаҳар адлия бошқармаси томонидан Тошкент шаҳридаги давлат органлари ва ташкилотлари ҳамда давлат муассасаларида давлат рамзларидан фойдаланишда ҳуқуқни қўллаш амалиёти ўрганилган.

Ўрганиш давомида 363 та ҳолатда Ўзбекистон Республикаси “Давлат герби тўғрисида”ги Қонуни талаблари бузилганлиги аниқланган.

Шунга кўра, Тошкент шаҳрида жойлашган шаҳар ҳамда туман миқёсидаги давлат органлари, ташкилотлари ва муассасаларига қонун ҳужжатларининг бузилиши, уларнинг сабаблари ва бунга олиб келувчи шарт-шароитларни бартараф этиш тўғрисида 103 та тақдимнома ҳамда 70 та қонун ҳужжатлари бузилишига йўл қўймаслик ҳақида огоҳнома, шунингдек Тошкент шаҳар ички ишлар бош бошқармасига 49 та маъмурий жавобгарликка тортиш тўғрисида таклифлар юборилган.
Натижада 55 нафар шахс интизомий жавобгарликка тортилган, 18 та ҳуқуқбузар маъмурий равишда огоҳлантирилган, 9 нафар мансабдор шахсга нисбатан жарима жазоси қўлланилган.

Адлия вазирлиги
Жамоатчилик билан алоқалар бўлими

@adliyangiliklari

Migratsiyaga aloqador bolalarga COVID-19 qanday ta’sir ko’rsatdi?

Bolalar OMBUDSMANi va UNICEF so’rovnoma natijalarini bolalar uchun yuzaga kelishi mumkin xatarlarni kamaytirish maqsadida Hukumatga tavsiyalar ishlab chiqishda foydalanadi.

👉 @UReportUzbBot da fikringizni bildiring va bolalar osoyishtaligiga o'z hissangizni qo'shing!
____________________

Как COVID-19 повлиял на детей, затронутых миграцией?

Детский ОМБУДСМАН и ЮНИСЕФ планируют использовать результаты опроса для разработки предложений Правительству, по снижению возможных рисков и последствий карантинных мер на детей.

👉 Выражайте своё мнение в опросе @UReportUzbBot
Вносите свой вклад для благополучия детей!

#Эълон

2021/2022 ўқув йилида хорижий олий таълим ташкилотлари, шунингдек, Ўзбекистон Республикасида фаолият юритаётган филиаллар ва нодавлат олий таълим ташкилотларидан талабалар ўқишини Тошкент давлат юридик университетига кўчириш бўйича ўтиш бали тест синовлари ўтказиладиган фанлар мажмуаси ва кетма-кетлиги бўйича тўплаш мумкин бўлган максимал баллнинг 56 фоизи этиб белгиланди.

❗️Эслатиб ўтамиз, 2020/2021 ўқув йилида Тошкент давлат юридик университети факультетларининг кириш баллари ўзбек гуруҳларига 170 баллдан ҳамда рус гуруҳлари 150 баллдан юқори бўлган.

👉Батафсил

@adliyangiliklari

​#Adliya_xabari

Тартибга солиш таъсирини баҳолаш бўйича 70 дан ортиқ вазирлик ва идораларнинг мутахассисларини тайёрлаш бўйича МАХСУС ЎҚУВ КУРСЛАРИ ТАШКИЛ ЭТИЛМОҚДА

Мамлакатимизда бозор механизмларига ўтиш, ишбилармонлик ва инвестиция муҳитини яхшилаш, тадбиркорлик субъектларининг маъмурий юкини
ва харажатларини камайтиришга қаратилган бир қатор чора-тадбирлар амалга оширилиб келинмоқда.

Хусусан, қонунчилик ҳужжатларини сифатини ошириш ва соддалаштириш, чуқур ўйланган ҳамда ҳисоб-китоб қилинган қарорлар қабул қилиш имконини берувчи “ақлли тартибга солиш” усулларини жорий этиш бўйича тизимли фаолият олиб борилмоқда.

Шу боис, норматив-ҳуқуқий ҳужжатлар лойиҳаларининг қабул қилиниши натижасида юзага келиши мумкин бўлган эҳтимолий оқибатларни аниқлаш ва баҳолаш, шунингдек, қонунчилик ҳужжатларининг тартибга солиш мақсадларига эришилганлигини, самарадорлигини аниқлашга қаратилган чора-тадбирларни бевосита амалга ошира оладиган мутахассисларни тайёрлаш мақсадида Адлия вазирлиги томонидан Европа тикланиш ва тараққиёт банки билан ҳамкорликда Юристлар малакасини ошириш марказида Тартибга солиш таъсирини баҳолаш бўйича махсус ўқув курслари ташкил қилинмоқда.

Қирқ тўрт соатга мўлжалланган мазкур ўқув курсларида босқичма-босқич жорий йилнинг август-сентябрь ойларида давлат органлари ва ташкилотлари, шу жумладан маҳаллий ижро этувчи ҳокимият органлари ва бошқа ташкилотларда тартибга солиш таъсирини баҳолаш соҳасидаги фаолиятини амалга оширувчи 150 га яқин масъул ходимларини мазкур соҳа бўйича билим доирасини кенгайтириш, ўзлаштирган назарий билимларини амалий машғулотларда мустаҳкамлаш режалаштирилган.

Ўқув курсларини сифатли ва юқори савияда ташкил этиш мақсадида мазкур соҳада бой амалий тажрибага эга бўлган миллий ва халқаро экспертлар жалб этилган.

Ўқув курслари натижалари бўйича сертификат берилади.

Ўқув курслари тўғрисида қўшимча маълумот учун
▫️Юристлар малакасини ошириш марказига (71-200-02-35) ёки
▫️Адлия вазирлигининг Тартибга солиш таъсирини баҳолаш бошқармасига (71-207-04-99) мурожаат қилишингиз мумкин.
_____________

👉Читать на русском языке

@adliyangiliklari

#Адлия_хабари

ОАВга эслатма: шахснинг қадр қиммати қонун ҳимоясида

👉 https://bit.ly/3yhZIta

Каналга уланиш👇👇👇
https://t.me/huquqiyaxborot

#Сообщение_юстиции

Напоминание СМИ: честь и достоинство личности под защитой закона

👉 https://bit.ly/3xgePC2

Подписаться на канал👇👇👇
https://t.me/pravoinf

Адлия вазири Русланбек Давлетов Олий Мажлис Сенатининг ўн еттинчи ялпи мажлисида мажбурий эмлаш бўйича қонунчиликка киритилаётган ўзгартишлар ҳақида ўз фикрини билдирди.

▫️Агар фуқаро вакцинани рад этса, уни ҳеч ким мажбурлаб, тиббиёт муассасасига обормайди ва вакцинани юбормайди. Аммо ҳуқуқий оқибатларига фуқаро ўзига масъулиятини олади. Яъни у вакцинани рад этса, унинг жамоат фаолияти, меҳнат қилиш ҳуқуқлари чекланиши мумкин.

▫️Шу билан бирга, фуқаро томонидан вакцинанани рад этилиши, уни ишдан ҳайдаш учун асос бўлолмайди. Иш берувчи фақат вақтинчалик ишдан четлаштириши мумкин (шундай ҳолатларда ойлик тўланмайди).

▫️Инсон ҳуқуқлари абсолют ҳуқуқ эмас. Инсон ҳуқуқлари жуда кўп ҳолатда чекланади, Европада юқори стандартда ишлайдиган суд инстанциялар ҳам мажбурий эмлашда давлат тарафини олган. Жамоавий ҳуқуқ индивидуал ҳуқуқдан доимо устун туради.

@adliyangiliklari

#Биласизми | #2021_йил_1_августдан

1 августдан нималар ўзгарди?

🔸 Ҳокимликларнинг ерни тўғридан-тўғри ажратиш ваколати бекор қилинади – БАТАФСИЛ

🔸 Айни бир ҳужжат билан ёки бир вақтнинг ўзида ерни олиб қўйиш, захирага олиш, бошқа шахсга ажратиш тақиқланади – БАТАФСИЛ

🔸 Хориждан маҳсулот сотиб олиб, импорт қилмасдан учинчи давлатга тўғридан-тўғри сотишга рухсат берилади – БАТАФСИЛ

🔸 Аҳолининг жисмоний тайёргарлик даражасини баҳолаш тизими жорий этилади – БАТАФСИЛ

🔸 Давлат бошқаруви органларининг хизмат автотранспорт воситалари уларнинг раҳбарларига шахсан бириктирилади – БАТАФСИЛ

🔸 Ҳудудлардаги нодавлат таълим ташкилотларининг бинони ижарага олиш харажатлари бир қисми қоплаб берилади – БАТАФСИЛ

🔸 Мажбурий тўловларни онлайн режимда тўлаш имконияти яратилади – БАТАФСИЛ

🔸 Ҳайдовчилик гувоҳномасини расмийлаштириш учун барча ҳужжатларни ЯИДХП орқали ҳам тақдим этиш имконияти яратилади – БАТАФСИЛ

🔸 Ҳомиладор аёлларни комплекс кузатиш бўйича ягона тизим жорий этилади – БАТАФСИЛ

🔸 Давлат харидлари соҳасида ўтказиладиган тендер натижаларини мажбурий тарзда очиқ эълон қилиш йўлга қўйилади – БАТАФСИЛ

Каналга уланиш👇👇👇
https://t.me/huquqiyaxborot

#Диққат_муҳим

Эълон

📌2021 йилнинг 3 август куни Адлия вазирлигида хусусий нотариал фаолият билан шуғулланиш ҳуқуқини бериш бўйича малака имтиҳони ўтказилади.

📹 Малака имтиҳони жараёнларини Адлия вазирлигининг www.adliya.uz расмий веб-сайти орқали 2021 йилнинг 3 август куни соат 10:00 дан бошлаб бевосита кузатиб боришингиз мумкин.

@adliyangiliklari

#Adliya_tashabbus

Адлия вазирлиги "Энг фаол қонунчилик ташаббускори" танловини ўтказади.

Танлов 2 номинация бўйича ўтказилади:
▪️“Қонунчиликни такомиллаштиришда энг фаол жамоатчилик вакили”;
▪️“Қонунчиликни такомиллаштиришда энг фаол давлат ташкилоти”.

Таклифларингизни номинация номини кўрсатган ҳолда tanlov2021@adliya.uz почта манзилиги юборинг.

❗️Таклифлар 1 июлдан 30 октябрга қадар қабул қилинади.

@adliyangiliklari

Бош давлат санитария врачининг қарори асосида аҳолини мажбурий профилактик эмлаш ҳамда ходим эмлашни рад этган тақдирда иш берувчи уни ишга қўймасликка ҳақли эканлигини кўзда тутувчи қонун кучга кирди.

Адлия вазирлиги матбуот котиби Севара Уринбаева "Zamon" телеканалининг янгиликлар дастури доирасида қонунчиликдаги янгиликларни изоҳлаб берди.

@adliyangiliklari

​#Adliya_xabari

Адлия вазирлиги: июль ойининг энг яхши ходими аниқланди

Адлия вазирлиги Ишлар бошқармаси бошлиғи Зайниддин Кудратович Туляганов 2021 йилнинг июль ойида вазирликда “ойнинг энг яхши ходими”, дея эътироф этилди.

З. Тўлагановнинг маълумоти олий, мутахассислиги бўйича муҳандис-механик, ҳуқуқшунос. Тошкент автомобиль йўллари институти (1998 й.) ҳамда Тошкент давлат юридик институтини (2011 й.) тамомлаган.

У меҳнат фаолиятини 1989 йилда Тошкент шаҳридаги “Фреза” кооперативи йиғувчи-чилангари вазифасидан бошлаган. Шундан сўнг 1993—2008 йиллар давомида турли масъул лавозимларада фаолият юритган. 2008 йилдан Адлия вазирлигида иш фаолиятини бошлаган. 2011 йилдан ҳозирги вақтга қадар Адлия вазирлиги Ишлар бошқармаси бошлиғи лавозимида самарали меҳнат қилиб келмоқда.

З. Тўлаганов ўзи раҳбарлик килиб келаётган бошқарма фаолиятидан келиб чиқиб адлия органлари ва муассасаларини моддий-техник таъминлаш, биноларни капитал қуриш ва таъмирлашни ташкил қилишда, улардан оқилона ва мақсадли фойдаланилишини таъминлаш бўйича назорат қилиш орқали адлия органлари ва муассасаларининг самарали ишлашига ўзининг катта ҳиссасини қўшиб келмоқда.

Вазирлик жамоаси Зайниддин Кудратович Тулягановни ушбу эътироф билан самимий табриклайди. Келгусидаги ишларида муваффақият, ғайрат ва шижоат доимий ҳамроҳ бўлишини тилайди.

@adliyangiliklari

#Adliya_xabari

📹 Янгиликлар 24 | Давлат хизматлари орқали нотариал фаолият лицензияси берилмоқда

@adliyangiliklari