#Adliya_xabari

⚔️ Adliya vazirligining kengaytirilgan hay’at majlisi bo‘lib o‘tdi

📊 Majlisda 2026-yil birinchi yarim yilligi yakunlari sarhisob qilinib, kelgusidagi ustuvor vazifalar belgilandi.

⭐️ Ta’kidlanganidek, “Sifatli davlat boshqaruvi” dasturi doirasida 41 ta davlat organi orasida Adliya vazirligi “namunali vazirlik” deb e’tirof etildi.

📈 Hisobot davrida erishilgan asosiy natijalar:

⚖️ 840 ta normativ-huquqiy hujjat davlat hisobiga olindi, bu o‘tgan yilning mos davriga nisbatan 21 foizga ko‘p.

📑 Davlat ro‘yxatidan o‘tkazilgan idoraviy normativ-huquqiy hujjatlar soni 1,5 baravar oshib, 301 taga yetdi.

🔍 1 700 dan ortiq normativ-huquqiy hujjat loyihasi tartibga solish ta’sirini baholashdan o‘tkazilib, 229 ta korrupsiyaviy omil aniqlandi.

📋 Majburiy talablar reyestri doirasida 42 mingta majburiy talab qayta ko‘rib chiqilmoqda.

💻 40 ta davlat xizmati soddalashtirildi. Natijada kompozit davlat xizmatlari soni 128 taga, proaktiv xizmatlar esa 33 taga yetkazildi.

🏢 Davlat xizmatlari markazlari orqali ko‘rsatilayotgan xizmatlar soni 75 taga oshirilib, 592 tani tashkil etdi.

👶 Tug‘ilganlik to‘g‘risidagi guvohnoma endilikda 100 foiz avtomatik, xodim ishtirokisiz onlayn rasmiylashtirilmoqda.

✍️ Onlayn rasmiylashtirilgan notarial harakatlar soni 4 baravar oshib, 463 mingdan ortiqni tashkil etdi.

🤝 Mediatsiya kelishuvlari soni ham 4 baravar oshib, 18 mingdan ortiq rasmiylashtirildi.

🔗 “E-notarius” axborot tizimining boshqa davlat organlari axborot tizimlari bilan integratsiyasi 95 foizga yetkazildi.

⚖️ Davlat hisobidan ko‘rsatilayotgan bepul yuridik yordam hajmi yiliga 80 ming xizmatga yetdi.

👨‍⚖️ Har 100 ming aholiga to‘g‘ri keladigan advokatlar soni 14 nafardan 20 nafarga oshdi.

📄 Yuridik xizmat markazlari tomonidan davlat tashkilotlarining 4,3 millionta hujjat loyihasiga huquqiy xulosalar berildi. Bunda xulosa berish muddati 46 soatdan 2 soatgacha qisqartirildi.

📜 Ro‘yxatdan o‘tkazilgan intellektual mulk obyektlari soni 1,5 baravar oshib, 15 mingdan ortiqni, huquqiy himoyasi ta’minlangan obyektlar soni esa 2 baravar oshib, 3,1 mingtani tashkil etdi.

⏱️ Byurokratik bosqichlarni qisqartirish hisobiga vazirlikning ichki jarayonlaridagi vaqt sarfi 45 foizga optimallashtirildi.

📌 Ijro intizomi 99,59 foizni tashkil etdi.

🔹 Majlisda yo‘l qo‘yilgan kamchiliklar tanqidiy muhokama qilinib, ularni bartaraf etish hamda belgilangan vazifalarni o‘z vaqtida va sifatli amalga oshirish yuzasidan mas’ullarga aniq topshiriqlar berildi.

🌐 website 📱 facebook 📱 instagram 📱 linkedIn 📱 youtube 📱 twitter

💼 Muammolar tinglandi, yechimlar ustida ish boshlandi: Adliya vazirligi huzuridagi To‘lovga qobiliyatsizlik ishlari agentligida navbatdagi shaxsiy qabul o‘tkazildi.

📌 3-avgust kuni Adliya vazirining birinchi o‘rinbosari M. Istamov tomonidan shaxsiy qabul tashkil etildi.

Qabul ikki formatda tashkil etildi:
• Adliya vazirligi binospida bevosita (offlayn);
• Hududlardagi tadbirkorlar va sud boshqaruvchilari ishtirokida videokonferensaloqa orqali.

📩 Qabul davomida 30 dan ortiq tadbirkorlar va sudboshqaruvchilari tomonidan ko‘tarilgan murojaatlaratroflicha ko‘rib chiqildi. Xususan, to‘lovgaqobiliyatsizlik sohasida uchrayotgan amaliy muammolar, qonunchilikni takomillashtirish, davlat organlari axborot tizimlari integratsiyasi, mol-mulkni realizatsiya qilishga doir taqiq bilan yuzaga kelayotgan masalalar, bank va ijro organlari bilan bog‘liq masalalar yuzasidan takliflar bildirildi.

⚖️Har bir murojaat mas’ullar ishtirokida atroflicha ko‘rib chiqildi, tizimli muammolarni bartaraf etish va ularni hal etish bo‘yicha tegishli chora-tadbirlar belgilandi.

✅Agentlik faoliyatida tadbirkorlar bilan ochiq muloqot qilish, ularning muammolarini bevosita o‘rganish hamda amaliy yechimlarni ishlab chiqish ustuvor yo‘nalishlardan biridir.

📱Website📱Telegram
📱Facebook 📱Instagram

#Adliya_xabari

⚔️ Davlat boshqaruvida Big Data va sun’iy intellektdan foydalanish masalalari muhokama qilinmoqda

✅Adliya vaziri o‘rinbosari Nu'mon Muxammadiyev ishtirokida "Dalillarga asoslangan davlat boshqaruvi uchun katta hajmdagi ma’lumotlar tahlili va sun’iy intellekt" mavzusidagi uch kunlik seminar-trening boshlandi.

🤝 Seminarda davlat organlari va mahalliy hokimiyatlardan 35 nafardan ortiq mutaxassis ishtirok etib, ma’lumotlar tahlili, sun’iy intellekt vositalaridan foydalanish hamda dalillarga asoslangan boshqaruv qarorlarini ishlab chiqish bo‘yicha amaliy bilim va ko‘nikmalarini oshirmoqda.

💬 "Bugungi kunda davlat organlarida juda katta hajmdagi ma’lumotlar shakllanmoqda. Ularning haqiqiy qiymati esa ushbu ma’lumotlarni tahlil qilish, to‘g‘ri talqin etish va ular asosida samarali boshqaruv qarorlarini qabul qilishda namoyon bo‘ladi." — Nu'mon Muxammadiyev.

📌 Ta’kidlanganidek, seminar-treningning asosiy maqsadi davlat xizmatchilarida ma’lumotlarga asoslangan fikrlash madaniyatini shakllantirish, zamonaviy raqamli texnologiyalar va sun’iy intellekt imkoniyatlaridan davlat xizmatlari sifatini yanada oshirishda samarali foydalanish ko‘nikmalarini rivojlantirishdan iborat.

❗️Mazkur tadbir Yevropa Ittifoqi tomonidan moliyalashtirilayotgan hamda BMT Taraqqiyot Dasturi va Adliya vazirligi hamkorligida amalga oshirilayotgan “O‘zbekistonda davlat xizmatlari ko‘rsatishni yanada takomillashtirish” loyiha doirasida tashkil etilmoqda.

🌐 website 📱 facebook 📱 instagram 📱 linkedIn 📱 youtube 📱 twitter