#Adliya_yoshlari

✅Adliya vazirligi Yoshlar Kengashining tarkibini shakllantirish bo'yicha tashkiliy qo'mitaning yig'ilishi o'tkazildi.

🔹Tizimdagi yoshlarning ovoz berishi yo'li bilan quyidagilar Adliya vazirligi Yoshlar Kengashining mas'ul lavozimlariga saylandi:

Anasxon Xamdamov — Adliya vazirligi Yoshlar kengashining raisi;

Mahbuba Sayfullayeva — Kengash kotibi;

Maftuna Elmurodova — Vazirlik faoliyatida innovatsion yondashuvlarni joriy etish yo'nalishi koordinatori.

Azimjon Mirzaboyev — Tizimdagi yoshlar uchun munosib shart-sharoitlar yaratish hamda tashkiliy-strategik tahlil yo‘nalishi koordinatori;

Oybek Shoyimqulov — Huquqiy yordam ko'rsatish va daxldorlik hissini oshirish yo'nalishi koordinatori;

Aziz Hakimboyev — Huquq ijodkorligi, qonunchilik hujjatlari loyihalarini tayyorlashda yoshlarning ishtirokini oshirish yo'nalishi koordinatori;

Zarina Po'latova — Tizimdagi yoshlarni istiqbolli zaxirasini shakllantirish yo'nalishi koordinatori.

🔸Shuningdek, Yoshlar Kengashining hududiy adliya organlari hamda muassasalaridagi yetakchilari saylanishdi.Yoshlar Kengashi faoliyatining kelgusi faoliyatida omad tilaymiz!

Telegram | Instagram | Facebook | YouTube | Bot

#Adliya_xabari
#Adliya_yoshlari

📚 Adliya vazirligi kutubxonasi "Yoshlar uchun ming kitob" loyihasi doirasida yangi adabiyotlar bilan boyitildi

📖 Prezidentimizning 2023-yil 28-noyabrdagi PQ–380-son qarori bilan amalga oshirilayotgan "Yoshlar uchun ming kitob" loyihasi doirasida davlat buyurtmasi asosida nashr etilgan kitoblar Adliya vazirligi kutubxonasiga topshirildi.

Mazkur qarorga muvofiq, jahon adabiyotining sara namunalari davlat organlari kutubxonalariga beg‘araz yetkazib berilishi belgilangan.

🌍 Loyiha doirasida jahonning mashhur adiblari va mutafakkirlarining asarlari o‘zbek tiliga tarjima qilinib, yoshlarning intellektual salohiyatini yuksaltirish, ilmiy va badiiy tafakkurini rivojlantirish hamda kitobxonlik madaniyatini keng targ‘ib etishga alohida e’tibor qaratilmoqda.

📚 Bugungi kunga qadar loyiha doirasida 47 nomdagi kitob 140 ming nusxada chop etilib, oliy ta’lim muassasalari, davlat organlari kutubxonalari hamda axborot-kutubxona markazlariga beg‘araz tarqatildi. Joriy yil yakuniga qadar esa yana 35 nomdagi kitobni 105 ming nusxada nashr etish rejalashtirilgan.

⚖️ Adliya vazirligi kutubxonasining mazkur adabiyotlar bilan boyitilishi vazirlik xodimlarining kasbiy va intellektual salohiyatini yuksaltirish, mutolaa madaniyatini rivojlantirish hamda tafakkurini yanada mustahkamlashga xizmat qiladi.

🤝 Yangi O‘zbekistonda inson kapitalini rivojlantirish, kitobxon xalqni shakllantirish va ma’rifatni taraqqiyotning bosh mezoniga aylantirish davlat siyosatining ustuvor yo‘nalishlaridan biridir. Adliya vazirligi kutubxonasiga topshirilgan ushbu kitoblar ana shu ezgu maqsadlar yo‘lida amalga oshirilayotgan islohotlarning amaliy ifodasidir.

🌐 website 📱 facebook 📱 instagram 📱 linkedIn 📱 youtube 📱 twitter