⚔️O‘zbekistonning siyosiy-huquqiy sohadagi ustuvor xalqaro reyting va indekslardagi o‘rni yaxshilanishi to‘g‘risidagi milliy ma’ruza muhokamasi o‘tkazildi

🏛 Bugun Oliy Majlis Senatining 17-yalpi majlisi doirasida O‘zbekiston Respublikasining ustuvor xalqaro reyting va indekslardagi o‘rni yaxshilanishi to‘g‘risidagi milliy ma’ruza ko‘rib chiqildi.

📊 Muhokamada adliya vazirining birinchi o‘rinbosari Maxmud Istamov tomonidan Adliya vazirligi tomonidan ishlab chiqilgan O‘zbekiston Respublikasining siyosiy-huquqiy sohadagi ustuvor xalqaro reyting va indekslardagi o‘rni yaxshilanishi to‘g‘risidagi milliy ma’ruza doirasida amalga oshirilgan ishlar, erishilgan ijobiy natijalar hamda sohadagi mavjud muammolar va ularni bartaraf etishga mo‘ljallangan aniq takliflar yuzasidan axborot berildi.

🛡 Korrupsiyaga qarshi kurash, 📰 matbuot erkinligi, 👥 aholi fikrini inobatga olish va ⚖️ hisobdorlik yo‘nalishlaridagi mavjud muammolarni bartaraf etish zarurligi ta’kidlandi.

📌 M. Istamov tomonidan:
▫️ qonunchilikdagi ortiqcha va samarasiz majburiy talablarni qisqartirish;
▫️ normativ-huquqiy hujjatlarni ishlab chiqishda jamoatchilik ishtirokini kengaytirish;
▫️ huquqni qo‘llash amaliyoti bo‘yicha tizimli fikr-mulohaza mexanizmlarini joriy etish;
▫️ hujjatlar ijrosini ularning amaliy ta’siri asosida baholash;
▫️ ma’muriy sud ishlarini yuritishni takomillashtirish bo‘yicha takliflar ilgari surildi.

🤝 Muhokama yakunida, Adliya vazirligi tomonidan bildirilgan takliflar majlis ishtirokchilari tomonidan ijobiy qabul qilindi.

🌐 website 📱 facebook 📱 instagram 📱 linkedIn 📱 youtube 📱 twitter

🇺🇿 O‘zbekiston Respublikasi Adliya vazirligi delegatsiyasi Yevrosiyo patent tashkiloti prezidenti bilan uchrashuv o‘tkazdi

📍 Shveysariyaning Jeneva shahrida o‘tayotgan Butunjahon intellektual mulk tashkiloti (BIMT) Assambleyalarining 68-seriyasi doirasida O‘zbekiston Respublikasi Adliya vaziri o‘rinbosari – intellektual mulk masalalari bo‘yicha milliy organ rahbari Muzraf Ikramov hamda Yevrosiyo patent tashkiloti (YePT) prezidenti Grigoriy Ivliyev o‘rtasida ikki tomonlama uchrashuv bo‘lib o‘tdi. Uchrashuv davomida 2026–2027-yillarga mo‘ljallangan Qo‘shma chora-tadbirlar rejasi imzolandi.

🤝 Uchrashuv davomida:

✅ O‘zbekiston va YePT o‘rtasidagi hamkorlikni yanada kengaytirish hamda Memorandum doirasidagi qo‘shma loyihalarni amalga oshirish masalalari muhokama qilindi;

✅ patent ekspertizasining ayrim yo‘nalishlari bo‘yicha autsorsing asosida ekspertiza o‘tkazish, shuningdek, Patent ish yuritishini tezlashtirish dasturi (Patent Prosecution Highway – PPH) doirasida hamkorlik qilishni nazarda tutuvchi alohida Hamkorlik memorandumini ishlab chiqishga kelishib olindi;

✅ O‘zbekiston mutaxassislarining YePT tomonidan tashkil etiladigan o‘quv dasturlari, seminarlar va malaka oshirish tadbirlaridagi ishtirokini kengaytirish masalalari ko‘rib chiqildi;

🌐 Shuningdek, YPT prezidenti O‘zbekiston yosh ixtirochilarini 2026-yil oktyabr oyida Rossiyaning Buyuk Novgorod shahrida bo‘lib o‘tadigan Yosh ixtirochilar tanlovida faol ishtirok etishga taklif etdi.

🤝 Uchrashuv yakunida tomonlar intellektual mulk sohasida amaliy hamkorlikni yanada mustahkamlash, ekspertlar almashinuvini kengaytirish hamda qo‘shma tadbirlarni izchil amalga oshirishga tayyor ekanliklarini tasdiqladilar.

🇺🇿🤝🇨🇳 O‘zbekiston va Xitoy intellektual mulk sohasidagi hamkorlikni yangi bosqichga olib chiqmoqda

📍 Shveysariyaning Jeneva shahrida o‘tayotgan Butunjahon intellektual mulk tashkiloti (BIMT) Assambleyalarining 68-seriyasi doirasida O‘zbekiston Respublikasi Adliya vaziri o‘rinbosari – intellektual mulk masalalari bo‘yicha milliy organ rahbari Muzraf Ikramov hamda Xitoy Xalq Respublikasi Milliy intellektual mulk boshqarmasi (CNIPA) komissari Shen Changyu o‘rtasida ikki tomonlama uchrashuv bo‘lib o‘tdi.

🤝 Uchrashuv davomida:

✅ intellektual mulk obyektlarini huquqiy muhofaza qilish, patentlar, tovar belgilari va sanoat namunalari bo‘yicha hamkorlikni yanada kengaytirish masalalari muhokama qilindi;

✅ mutaxassislar malakasini oshirish, tajriba almashish hamda patent ekspertizasini takomillashtirish yuzasidan fikr almashildi;

✅ “Bir makon – bir yo‘l” tashabbusi doirasida Xitoy tomoni O‘zbekiston davlat patent ekspertlarini tayyorlash va ularning malakasini oshirish bo‘yicha amaliy ko‘makni davom ettirishga tayyorligini bildirdi.

✍️ Uchrashuv yakunida O‘zbekiston Respublikasi Adliya vazirligi hamda CNIPA o‘rtasida intellektual mulk sohasidagi hamkorlik to‘g‘risidagi Anglashuv memorandumi hamda Patent ish yuritishini tezlashtirish dasturi (Patent Prosecution Highway – PPH) bo‘yicha hamkorlik to‘g‘risidagi Anglashuv memorandumi imzolandi.

📌 Imzolangan hujjatlar quyidagi ustuvor yo‘nalishlarni qamrab oladi:

🔹 patentlar, tovar belgilari va sanoat namunalari bo‘yicha hamkorlikni kengaytirish;

🔹 davlat patent ekspertlari va mutaxassislarining malakasini oshirish;

🔹 Patent ish yuritishini tezlashtirish dasturi (PPH)ni joriy etish;

🔹 Texnologiyalar va innovatsiyalarni qo‘llab-quvvatlash markazlari (TISC) faoliyatini rivojlantirish;

🔹 intellektual mulk obyektlarini tijoratlashtirish hamda innovatsion ekotizimni takomillashtirish.

🌐 Uchrashuv yakunida tomonlar imzolangan memorandumlar O‘zbekiston va Xitoy o‘rtasidagi strategik sheriklikni yanada mustahkamlash, innovatsiyalarni qo‘llab-quvvatlash, texnologiyalar transferini jadallashtirish hamda intellektual mulk sohasidagi uzoq muddatli va o‘zaro manfaatli hamkorlikni yangi bosqichga olib chiqishiga ishonch bildirdilar.

🌐 website 📱 facebook 📱 instagram 📱 linkedIn 📱 youtube 📱 twitter