#Adliya_va_yoshlar
#Rahbar_va_yoshlar

⚔️ Ko‘hna Xovos tepaligida yoshlar bilan ochiq muloqot o‘tkazildi

📍Sirdaryo viloyati adliya boshqarmasi tomonidan "Rahbar va yoshlar" uchrashuvi doirasida yoshlar uchun Ko‘hna Xovos tepaligiga ma’naviy-ma’rifiy sayohat tashkil etildi.

📖 Tadbir davomida yoshlar Xovos tumanining boy tarixiy merosi, ko‘hna qadamjolari hamda Ko‘hna Xovos hududida olib borilgan ilmiy izlanishlar va arxeologik tadqiqotlar natijalari bilan yaqindan tanishdilar.

🤝 Muloqot chog‘ida viloyat adliya boshqarmasi boshlig‘i yoshlar bilan suhbatlashib, tarixiy obidalar va muqaddas qadamjolarni asrab-avaylash, ularning tarixini chuqur o‘rganish hamda ajdodlar merosiga hurmat ruhida kamol topishning ahamiyatini alohida ta’kidladi.

✅ Mazkur tadbir yoshlarning tarixiy xotirasini mustahkamlash, milliy qadriyatlarga hurmat va Vatanga sadoqat tuyg‘ularini yuksaltirishga xizmat qildi.

🌐 website 📱 facebook 📱 instagram 📱 linkedIn 📱 youtube 📱 twitter

#Yoshlar_kuni
#Rahbar_va_yoshlar

⚔️ “Payshanba – yoshlar kuni” doirasida “Rahbar va yoshlar” uchrashuvi o‘tkazildi

📍 Qoraqalpog‘iston Respublikasi adliya vaziri E. Tursunov tomonidan Kegeyli tumani Yoshlar markazida “Payshanba – yoshlar kuni” munosabati bilan “Rahbar va yoshlar” uchrashuvi tashkil etilib, unda o‘quvchi-yoshlarning fikr va takliflarini tinglash, ularning muammolariga yechim topish hamda ochiq va samimiy muloqot muhitini yaratish asosiy maqsad etib belgilandi.

💬 Uchrashuvda vazir yoshlar bilan ochiq muloqot olib bordi. U yoshlarning ta’lim jarayoni, sog‘lom turmush tarzi, ijtimoiy sharoitlar va kelajakdagi rejalari bilan bog‘liq fikrlarini tinglab, ularni qo‘llab-quvvatlash bo‘yicha o‘z taklif va tavsiyalarini bildirdi.

🤝 Tadbir davomida yoshlar tomonidan bildirilgan fikr va takliflar atroflicha muhokama qilindi. Ularning muammolariga yechim topish, takliflarini amaliyotga joriy etish yuzasidan mas’ullar tomonidan tegishli choralar ko‘rilishi ta’kidlandi.

🌐 website 📱 facebook 📱 instagram 📱 linkedIn 📱 youtube 📱 twitter

#Yoshlar_kuni
#Rahbar_va_yoshlar
⚔️ Zarbdor tumanida ijodkor yoshlar bilan ochiq muloqot o‘tkazildi

📍"Yoshlar kuni" tadbirlari doirasida Jizzax viloyatining Zarbdor tumanida "Rahbar va yoshlar" uchrashuvi tashkil etildi.

💬 Uchrashuvda viloyat adliya boshqarmasi rahbariyati hamda tuman adliya bo‘limi mas’ullari ijodkor yoshlar bilan ochiq muloqot o‘tkazdi.

📖 Muloqot davomida mamlakatimizda yoshlarni qo‘llab-quvvatlash borasida amalga oshirilayotgan islohotlar, ta’lim, tadbirkorlik va ijtimoiy sohalarda yaratilayotgan imkoniyatlar hamda amaldagi imtiyozlar haqida batafsil ma’lumot berildi.

📚 Shuningdek, o‘quvchi-yoshlarning yozgi ta’til davrida bo‘sh vaqtini mazmunli tashkil etish, ularning huquqiy savodxonligini yuksaltirish va intellektual salohiyatini rivojlantirish masalalariga alohida e’tibor qaratildi.

✅ Tadbir yoshlar bilan ochiq muloqotni kuchaytirish, ularning tashabbuslarini qo‘llab-quvvatlash hamda huquqiy madaniyatini yuksaltirishga xizmat qildi.

🌐 website 📱 facebook 📱 instagram 📱 linkedIn 📱 youtube 📱 twitter

🇺🇿 O‘zbekiston Respublikasi Adliya vazirligi delegatsiyasi TÜRKPATENT prezidenti bilan uchrashuv o‘tkazdi

📍 Shveysariyaning Jeneva shahrida o‘tayotgan Butunjahon intellektual mulk tashkiloti (BIMT) Assambleyalarining 68-seriyasi doirasida O‘zbekiston Respublikasi Adliya vaziri o‘rinbosari – intellektual mulk masalalari bo‘yicha milliy organ rahbari Muzraf Ikramov hamda Turkiya Patent va tovar belgilari idorasi (TÜRKPATENT) prezidenti, professor doktor Muhammed Zeki Durak o‘rtasida ikki tomonlama uchrashuv bo‘lib o‘tdi.

🤝 Uchrashuv davomida:

✅ O‘zbekiston va Turkiya o‘rtasida intellektual mulk sohasidagi strategik hamkorlikni yanada rivojlantirish masalalari muhokama qilindi;

✅ 2027–2030-yillarga mo‘ljallangan O‘zbekiston Respublikasining intellektual mulk sohasini rivojlantirish bo‘yicha Milliy strategiyasini amalga oshirishda TÜRKPATENT tajribasidan foydalanish yuzasidan fikr almashildi;

✅ O‘zbekiston Respublikasi Adliya vazirligi va Turkiya Respublikasining vakolatli organi o‘rtasida Anglashuv memorandumini yaqin muddatda imzolash bo‘yicha kelishuvga erishildi;

✅ TÜRKPATENT tomonidan 2026-yil 30-sentyabr – 4-oktyabr kunlari Turkiyaning Shanliurfa shahrida o‘tkaziladigan ISIF’26 – Xalqaro ixtirolar ko‘rgazmasida O‘zbekiston olimlari va ixtirochilarining faol ishtirok etishi taklif qilindi.

🌐 Uchrashuv yakunida tomonlar O‘zbekiston va Turkiya o‘rtasida intellektual mulk sohasidagi amaliy hamkorlikni yanada mustahkamlash, qo‘shma loyihalarni izchil amalga oshirish hamda tajriba almashishni kengaytirishga tayyor ekanliklarini tasdiqladilar.

⚔️O‘zbekistonning siyosiy-huquqiy sohadagi ustuvor xalqaro reyting va indekslardagi o‘rni yaxshilanishi to‘g‘risidagi milliy ma’ruza muhokamasi o‘tkazildi

🏛 Bugun Oliy Majlis Senatining 17-yalpi majlisi doirasida O‘zbekiston Respublikasining ustuvor xalqaro reyting va indekslardagi o‘rni yaxshilanishi to‘g‘risidagi milliy ma’ruza ko‘rib chiqildi.

📊 Muhokamada adliya vazirining birinchi o‘rinbosari Maxmud Istamov tomonidan Adliya vazirligi tomonidan ishlab chiqilgan O‘zbekiston Respublikasining siyosiy-huquqiy sohadagi ustuvor xalqaro reyting va indekslardagi o‘rni yaxshilanishi to‘g‘risidagi milliy ma’ruza doirasida amalga oshirilgan ishlar, erishilgan ijobiy natijalar hamda sohadagi mavjud muammolar va ularni bartaraf etishga mo‘ljallangan aniq takliflar yuzasidan axborot berildi.

🛡 Korrupsiyaga qarshi kurash, 📰 matbuot erkinligi, 👥 aholi fikrini inobatga olish va ⚖️ hisobdorlik yo‘nalishlaridagi mavjud muammolarni bartaraf etish zarurligi ta’kidlandi.

📌 M. Istamov tomonidan:
▫️ qonunchilikdagi ortiqcha va samarasiz majburiy talablarni qisqartirish;
▫️ normativ-huquqiy hujjatlarni ishlab chiqishda jamoatchilik ishtirokini kengaytirish;
▫️ huquqni qo‘llash amaliyoti bo‘yicha tizimli fikr-mulohaza mexanizmlarini joriy etish;
▫️ hujjatlar ijrosini ularning amaliy ta’siri asosida baholash;
▫️ ma’muriy sud ishlarini yuritishni takomillashtirish bo‘yicha takliflar ilgari surildi.

🤝 Muhokama yakunida, Adliya vazirligi tomonidan bildirilgan takliflar majlis ishtirokchilari tomonidan ijobiy qabul qilindi.

🌐 website 📱 facebook 📱 instagram 📱 linkedIn 📱 youtube 📱 twitter