#Adliya_va_yoshlar
#Yoshlar_kuni

⚔️ "Adliya kubogi" mini futbol musobaqasi g‘oliblari aniqlandi

📍"Yoshlar kuni" doirasida sportning mini futbol turi bo‘yicha Toshkent shahar adliya boshqarmasi boshlig‘i kubogi musobaqasi yakunlandi.

🤝 Musobaqaning taqdirlash marosimida Toshkent shahar adliya boshqarmasi boshlig‘i ishtirok etib, barcha ishtirokchilarni sport bayrami bilan tabrikladi hamda musobaqa g‘oliblarini taqdirladi.

🎖 G‘olib jamoalar tegishli darajadagi diplomlar hamda pul mukofotlari bilan taqdirlandi.

✅ Sport musobaqasi xodimlar o‘rtasida sog‘lom turmush tarzini targ‘ib qilish, jismoniy faollikni oshirish, jamoaviy hamjihatlikni mustahkamlash va sog‘lom raqobat muhitini rivojlantirishga xizmat qildi.

🌐 website 📱 facebook 📱 instagram 📱 linkedIn 📱 youtube 📱 twitter

#Yoshlar_kuni
#RAhbar_va_yoshlar

❗️Qo'qon shahridagi "Amiriy" kutubxonasida Farg'ona viloyat adliya boshqarmasi boshlig'i bilan "Rahbar va yoshlar" uchrashuvi o'tkazildi

Ochiq muloqot shaklida o'tgan ushbu uchrashuvda yoshlarning fikr va tashabbuslari tinglanib, ularga davlat tomonidan yaratilayotgan imkoniyatlar, ta’lim olish, kasb tanlash hamda o‘z ustida muntazam ishlashning ahamiyati haqida tavsiyalar berildi.

Shuningdek, kitobxonlik madaniyatini rivojlantirish, elektron va qog‘oz kitoblarning afzalliklari hamda zamonaviy ta’lim platformalaridan samarali foydalanish masalalari ham muhokama qilindi.

Tadbir yoshlarning huquqiy savodxonligini oshirish, ularning tashabbuslarini qo‘llab-quvvatlash hamda davlat organlari bilan ochiq muloqotni mustahkamlashga xizmat qildi.

#Adliya_aralashgach

❗️Adliya aralashuvi bilan eksklav hudud —So'x tumanida qonuniy ish haqi va konpensatsiya pullari undirib berildi
 
So'x tumanining Xushyor MFYda yashovchi fuqaro A.A.ning murojaati o'rganildi. Fuqaro o'z murojaatida tumandagi 14-sonli umumiy o'rta ta'lim maktabida ma'naviy va ma'rifiy ishlar bo'yicha direktor o'rinbosari lavozimida ishlab kelganligi, 2025-yil 15-dekabr kuni maktab direktori tomonidan uning shtati qisqarganligi va ishsiz qolganligi aytilganini bildirgan.
 
Biroq unga maktab ma'muriyati tomonidan egallab turgan shtat birligi qisqartirilganligi haqida yozma ogohlantirish xati berilmagan. Unga pullik komensatsiya hamda ishdan bushatilganligi to'g'risidagi buyruq nusxasi berilmaydi. Ish haqini ishlagan davri uchun to'liq hisob kitob qilinmagan.
 
Fuqaro shu holatlarni qonuniyligini o'rganish, unga to'lanilishi lozim bo'lgan ish haqlari va Mehnat kodeksida belgilangan pullik komensatsiya haqlarini undirishda amaliy yordam so'raydi.

Tuman adliya bo'limi tomonidan o'rganishlar davomida direktori tomonidan joriy yilning 9-aprel kuni qabul qilingan buyruq rasmiylashtirilganligi oydinlashdi. Ushbu buyruqda xodim bilan tuzilgan mehnat shartnomasi 2026-yil 31-mart sanasidan bekor qilingan. 2025-yilning oktiyabr, noyabr oylari uchun esa ish haqi kompensatsiya bilan almashtirilganligi aniqlandi. Ishlagan ish davri uchun ishdan bo'shatish nafaqasi to'lanishi belgilangan.

Lekin ish beruvchi tomonidan mazkur buyruqning ijrosi ta'minlanmayotganligi, xodimga qonunchilikda belgilangan to'lovlar to'lanmayotganligi aniqlandi.
 
So'x tumani adliya bo'limi taqdimnomasi bilan ushbu fuqaroga Mehnat kodeksining 173-moddasi talablariga asosan ishdan bo'shatish nafaqalari va boshqa ko'zda tutilgan qonuniy haqlari ish beruvchidan undirib berildi.

#Adliya_xabari

⚔️ Davlat xizmatlaridan my.gov.uz portali orqali foydalanishning 5 ta afzalligi

1. ⏳ Vaqt va masofani tejaysiz!
🏠 Uydan yoki ish joyidan chiqmasdan 800 dan ortiq xizmatdan 24/7 rejimida onlayn foydalanish mumkin.

2. 🚀 Navbatlarsiz xizmat olish!
📲 Davlat xizmatlari markazlaridagi navbat va ovora bo‘lishlarsiz, arizalarni to‘g‘ridan-to‘g‘ri elektron tarzda topshirish imkoniyati mavjud.

3. 💰 Kam pul to‘laysiz!
🎯 Barcha to‘lovlarga 10 foiz chegirma beriladi, DXMlarda olinadigan pullik xizmat haqlari umuman mavjud emas.

4. 🛡 Korrupsiyaning oldi olinadi!
🤝 Davlat xizmatchisi bilan bevosita muloqotga kirishilmaydi.

5. 🔎 Shaffoflik!
📊 Arizalarning ko‘rib chiqish jarayonini, bosqichma-bosqich holatini onlayn kuzatib borish imkoniyati mavjud.

❗️MUHIM! my.gov.uz portalida barcha kerakli ma’lumotnomalar, hujjatlar nusxalari va shaxsiy ma’lumotlar elektron shaklda shaxsiy kabinetda jamlanadi va ulardan istalgan vaqtda foydalanish mumkin.


🌐 website 📱 facebook 📱 instagram 📱 linkedIn 📱 youtube 📱 twitter

🌍 O‘zbekiston Respublikasi intellektual mulk sohasidagi 20-xalqaro shartnomaga qo‘shilmoqda

📍 Oliy Majlis Senatining o‘n yettinchi yalpi majlisida “Kelib chiqish joy nomlari va geografik ko‘rsatkichlar to‘g‘risidagi Lissabon bitimining Jeneva aktiga (Jeneva, 2015-yil 20-may) O‘zbekiston Respublikasining qo‘shilishi haqida”gi Qonun senatorlar tomonidan ma’qullandi.

Mazkur xalqaro hujjatga qo‘shilish O‘zbekistonda intellektual mulk sohasida amalga oshirilayotgan islohotlarning navbatdagi muhim bosqichi bo‘lib, geografik ko‘rsatkichlar hamda tovar kelib chiqqan joy nomlarini xalqaro miqyosda ishonchli huquqiy muhofaza qilish imkoniyatlarini kengaytiradi.

✅ Qonun qabul qilinishi natijasida:

✅ mahalliy ishlab chiqaruvchilar o‘z mahsulotlarini xorijiy davlatlarda soddalashtirilgan tartibda xalqaro ro‘yxatdan o‘tkazish imkoniyatiga ega bo‘ladi;

✅ geografik ko‘rsatkichlar va tovar kelib chiqqan joy nomlarini xorijda huquqiy muhofaza qilish xarajatlari o‘rtacha 4 barobargacha qisqaradi;

✅ arizalarni ko‘rib chiqish muddatlari qisqaradi;

✅ hududiy brendlarni rivojlantirish, eksport salohiyatini oshirish va investitsiyaviy jozibadorlikni kuchaytirish uchun yangi imkoniyatlar yaratiladi.

📌 Bugungi kunda O‘zbekistonda 32 ta geografik ko‘rsatkich va 4 ta tovar kelib chiqqan joy nomi davlat ro‘yxatidan o‘tkazilgan. Jumladan, Chust pichog‘i, Samarqand noni, Marg‘ilon adrasi va Xorazm qovuni xalqaro bozorda yuqori salohiyatga ega milliy brendlar hisoblanadi.

🤝 Mazkur xalqaro shartnomaga qo‘shilish O‘zbekistonning Jahon savdo tashkilotiga a’zo bo‘lish jarayonini qo‘llab-quvvatlash, milliy intellektual mulk obyektlarini xalqaro darajada samarali himoya qilish hamda mahalliy ishlab chiqaruvchilarning manfaatlarini yanada ishonchli ta’minlashga xizmat qiladi.

🌐 website 📱 facebook 📱 instagram 📱 linkedIn 📱 youtube 📱 twitter