#Adliya_xabari
 
📚Xorijiy til o‘qituvchilari uchun qulaylik: imtihon xarajatlarini qoplash osonlashmoqda! (Loyiha)
 
🎓Xorijiy til bo‘yicha xalqaro sertifikat olgan o‘qituvchilar uchun yana bir qulaylik yaratilmoqda. Endi imtihon xarajatlarini qoplab berish jarayonini soddalashtirish va to‘liq raqamlashtirish rejalashtirilmoqda.

📌Amaldagi tartibda kamida C1 darajadagi xalqaro tan olingan sertifikatni qo‘lga kiritgan o‘qituvchilarga kompensatsiya to‘lovlarini ajratishning aniq va shaffof mexanizmi mavjud emas. Natijada pedagoglar mablag‘larini qaytarib olish uchun yozma murojaat qilishga va ortiqcha byurokratik jarayonlardan o‘tishga majbur bo‘lmoqda.

⚖️Adliya vazirligi tomonidan ishlab chiqilgan Hukumatning yangi qarori loyihasiga koʻra, xalqaro til sertifikatlaridan yuqori ball (kamida C1) olgan pedagoglarga imtihon pullarini qaytarish bilan bog‘liq ortiqcha qogʻozbozlik va sarsongarchiliklarga, shuningdek korrupsion xavflarga chek qoʻyish hamda ushbu jarayonni to‘liq raqamlashtirish ko‘zda tutilmoqda.

💻Endilikda oʻqituvchilar ariza berish uchun idorama-idora yurishga majbur boʻlmaydi. Jarayon toʻliq shaffof va onlayn koʻrinishga keltirilmoqda.
 
📋 Yangi tizim oʻqituvchilarga qanday afzalliklar beradi?
🔹Xizmat ko‘rsatish raqamlashtiriladi: arizalar Yagona interaktiv davlat xizmatlari portali (my.gov.uz) orqali uydan chiqmagan holda yoki istalgan Davlat xizmatlari markaziga tashrif buyurib elektron tarzda yuboriladi.
🔹Davlat xizmati bepul ko‘rsatiladi: ariza beruvchidan hech qanday to‘lov talab etilmaydi.
🔹Kompensatsiya mablag‘lari ariza beruvchining xohishiga ko‘ra naqd yoki naqd pulsiz shaklda to‘lanadi.
🔹Ortiqcha hujjatlar talab etilmaydi: imtihon topshirish xarajati to‘langanini tasdiqlovchi kvitansiya va maxsus sertifikat (pdf formatda) taqdim etiladi.
 
📌Kompensatsiya olishning asosiy shartlari:
✅xalqaro imtihondan kamida C1 yoki undan yuqori natija qayd etilgan bo‘lishi;
✅maxsus sertifikat berilgan sanadan boshlab 180 kalendar kun ichida murojaat qilinishi;
✅sertifikatning haqiqiyligi tegishli organ tomonidan tasdiqlanishi lozim.
 
⌛️Loyiha jamoatchilik muhokamasi uchun joylashtirildi.
👉Muhokama bu yerda: https://regulation.adliya.uz
💬Ushbu loyiha yuzasidan fikr-mulohaza va takliflaringizni kutib qolamiz.

#DavlatXizmatiKuni #23Iyun

📣23-iyun — Davlat xizmati kuni

🖥Mazkur sana davlat xizmatining jamiyat taraqqiyotidagi o‘rni va ahamiyatini e’tirof etish, davlat xizmatchilarining mas’uliyatli mehnatini keng targ‘ib qilish hamda samarali, ochiq va fuqarolarga yo‘naltirilgan davlat boshqaruvi tamoyillarini rivojlantirishga xizmat qiladi.

Davlat xizmati fuqarolarning huquq va manfaatlarini ta’minlash, qonun ustuvorligini mustahkamlash, sifatli davlat xizmatlarini ko‘rsatish hamda mamlakatning barqaror rivojlanishiga ko‘maklashuvchi muhim institut hisoblanadi.

⚖️ Adliya organlari faoliyati ham qonun ustuvorligini ta’minlash, aholining huquqiy savodxonligini oshirish, fuqarolarning huquq va erkinliklarini himoya qilish hamda davlat xizmatlari sifatini yuksaltirishga qaratilgan muhim vazifalarni o‘z ichiga oladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Davlat_xizmatchisi_xalq_orasida

❗️Davlat xizmati — bu yuksak ishonch, katta masʼuliyat va xalq manfaatlariga sadoqat bilan xizmat qilish demakdir

Bu yo‘lni tanlagan har bir davlat xizmatchisi Vatan ravnaqi, qonun ustuvorligi va fuqarolarning huquq hamda manfaatlarini taʼminlashni o‘zining sharafli burchi,deb biladi.

Farg‘ona viloyati adliya boshqarmasi tizimida faoliyat yuritayotgan davlat xizmatchilari ham har kuni ana shu masʼuliyatni chuqur his etgan holda, xalqimizga sifatli huquqiy xizmat ko‘rsatish va adolat tamoyillarini qaror toptirish yo‘lida sidqidildan mehnat qilmoqda.

Quyida ularning kundalik ish faoliyatidan qisqacha lavhalar bilan tanishing.