Ayni daqiqalarda Toshkent davlat yuridik universitetida taniqli huquqshunos olim, professor Baxtiyor Shamsutdinovich Mirboboyevning 80 yillik yubileyi munosabati bilan davlat mukofotini topshirish marosimiga bag‘ishlangan “Ibrat maktabi” tadbiri bo‘lib o‘tmoqda.

#qonunchilikdagi_yangiliklar

💊 Dori vositalarini davlat ro‘yxatidan o‘tkazish hujjatlariga qo‘yiladigan talablar belgilandi

📌 Adliya vazirligida Dori vositalarini davlat ro‘yxatidan o‘tkazish hujjatlariga qo‘yiladigan talablar to‘g‘risidagi yo‘riqnoma (ro‘yxat raqami 3848, 2026-yil 4-iyun) davlat ro‘yxatidan o‘tkazildi.

📋 Mazkur hujjatga asosan Vazirlar Mahkamasining 2025-yil 24-noyabrdagi 738-son qarori bilan tasdiqlangan Dori vositalarini davlat roʻyxatidan oʻtkazish tartibi toʻgʻrisidagi nizomda belgilangan ro‘yxatdan o‘tkazish hujjatlarini Inson uchun qoʻllaniladigan dori vositalariga qoʻyiladigan texnik talablarni uygʻunlashtirish boʻyicha xalqaro kengash (ICH) talablari asosida taqdim etish belgilangan.

🔬 Xususan, dori vositasini ishlab chiqarishda hayvon xomashyosidan olingan moddalar qoʻllanilgan hollarda, ularning tarkibida prionlar mavjudligi yoki mavjud emasligi hujjatlarda aniq koʻrsatilishi lozim.

📄 Shuningdek, dori vositasini tibbiyotda qoʻllash boʻyicha yoʻriqnomaga xalqaro talablarga mos, reklama xususiyatiga ega boʻlmagan qoʻshimcha maʼlumotlarni kiritishga ruxsat etiladi.

🧬 Bundan tashqari, dori vositasining genetik modifikatsiyalangan organizmlar (GMO) saqlashi yoki ulardan olinganligi toʻgʻrisidagi maʼlumotlar ham majburiy tartibda koʻrsatiladi.

📝 Bunda genetik modifikatsiya turi va manbasi, qoʻllanilgan genetik konstruksiya va ekspressiya tizimi, biologik va ekologik xavfsizlik choralari, ishlab chiqarish jarayonida GMOdan olingan moddalar qoʻllanilgan bosqichlar hamda genetik xavfsizlikka oid hujjatlar haqida maʼlumotlar taqdim etiladi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

📚 V.Sinelnikov asarining kontrafakt nusxalarini sotgan tadbirkordan 10 mln so‘m tovon undiriladi.

🔹 Toshkent tumanlararo iqtisodiy sudi tomonidan muallif V.Sinelnikovning “Stressdan emlanish” kitobining kontrafakt nusxalari sotilishi bilan bog‘liq ish ko‘rib chiqildi.

Ma'lumot uchun: hozirda ushbu asarning O'zbekistonda nashr etish va sotish huquqi shartnoma asosida "BUKHARA BOOKS PRINT" MChJga tegishli hisoblanadi.

🔹 Sud qaroriga ko‘ra, yakka tartibdagi tadbirkor A.X.dan nashr huquqini shartnoma asosida olgan "BUKHARA BOOKS PRINT" MChJ foydasiga 10 mln so‘m miqdorida tovon undirilishi belgilandi.

‼️ Eslatib o‘tamiz, qonunchilikka muvofiq muallif yoki boshqa huquq egasi o‘z huquqlari buzilgan taqdirda, yetkazilgan zararni qoplash o‘rniga huquqbuzardan bazaviy hisoblash miqdorining 20 baravaridan 1000 baravarigacha miqdorda tovon undirishni talab qilishga haqli.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_aralashgach

⚖️ Yosh onaning mehnat huquqi adliya aralashuvi bilan tiklandi

🔹Farg‘ona viloyati Buvayda tumanidagi maktabgacha ta’lim tashkilotida faoliyat yuritgan D.G' bola parvarishlash ta’tilidan so‘ng o‘z ish joyiga qaytish masalasida muammoga duch kelib, adliya organlariga murojaat qildi.

🔹Murojaatni o‘rganish davomida fuqaroga farzandi 2 yoshga to‘lgunga qadar ish joyi va lavozimi saqlangan holda bola parvarishlash ta’tili berilgani, biroq uning mehnat huquqlari to‘liq ta’minlanmagani aniqlandi.

🔹Holat yuzasidan Buvayda tuman adliya bo‘limi tomonidan tegishli tashkilotga bajarilishi majburiy bo‘lgan taqdimnoma kiritildi.

✅ Ko‘rilgan choralar natijasida qonun buzilishi holati bartaraf etilib, D.G‘. avvalgi ish joyiga tiklandi.

📌 Adliya organlari tomonidan fuqarolarning mehnat huquqlari va qonuniy manfaatlarini himoya qilish borasidagi amaliy ishlar izchil davom ettirilmoqda.

#Adliya_aralashgach

⚖️ Adliya aralashuvi bilan 13 nafar o‘qituvchining 209,4 million so‘mlik ustama pullari undirib berildi

🔹Qashqadaryo ilg‘or kasbiy mahorat texnikumining bir guruh o‘qituvchilari o‘zlariga qonunchilikda belgilangan ustama pullari to‘lanmayotgani yuzasidan adliya organlariga murojaat qildi.

🔹Murojaat Qashqadaryo viloyati adliya boshqarmasi tomonidan o‘rganilganda, Prezidentning PQ–316-son qaroriga muvofiq 13 nafar o‘qituvchiga to‘lanishi lozim bo‘lgan 100 foizlik ustama pullari joriy yil boshidan buyon to‘lab berilmagani aniqlandi.

🔹Holat yuzasidan mas’ul tashkilotga taqdimnoma kiritilib, qonunbuzilishlarni bartaraf etish choralari ko‘rildi.

✅ Natijada 13 nafar o‘qituvchining jami 209 million 400 ming so‘m miqdoridagi ustama pullari undirib berildi.

📌 Adliya organlari fuqarolar va xodimlarning mehnat huquqlari hamda qonuniy manfaatlarini himoya qilish borasidagi ishlarni izchil davom ettirmoqda.