“Rahbar va yoshlar” uchrashuvi kitobxonlik va huquqiy savodxonlikka qaratildi

Sirdaryo viloyat adliya boshqarmasi tomonidan “Yoshlar kuni” doirasida “Qizlar mutolaasi” loyihasi asosida “Rahbar va yoshlar” tadbiri tashkil etildi.

Viloyat axborot-kutubxona markazida o‘tkazilgan mazkur uchrashuv yoshlar, ayniqsa qizlarni kitob mutolaasiga keng jalb etish, ularning huquqiy bilim va dunyoqarashini yuksaltirishga qaratilgani bilan ahamiyatli bo‘ldi.

Tadbirda yoshlar bilan ochiq va samimiy muloqot o‘tkazilib, kitobxonlikning inson ma’naviy kamoloti, mustaqil fikrlash va hayotda o‘z o‘rnini topishdagi o‘rni haqida fikr almashildi.

Uchrashuv davomida adliya boshqarmasi boshlig‘ining birinchi o‘rinbosari Kamoljon Xalikov davlatimiz tomonidan yoshlarni qo‘llab-quvvatlash, ularning bilim olishi va iqtidorini ro‘yobga chiqarish uchun keng shart-sharoitlar yaratilayotganini ta’kidladi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari

🔴“Rahbar va yoshlar” uchrashuvi doirasida yosh xotin-qizlar uchun master-klasslar tashkil etildi

🏛 Bugun “Yoshlar kuni” munosabati bilan Surxondaryo viloyati adliya boshqarmasi boshlig‘i tomonidan “Rahbar va yoshlar” uchrashuvi doirasida Surxondaryo viloyat hunarmandchilik markazida yosh xotin-qizlar bilan ochiq muloqot tashkil etildi.

🔹Tadbir davomida yosh xotin-qizlarning taklif va tashabbuslarini qo‘llab-quvvatlash, ularning bandligini ta’minlash hamda milliy qadriyatlarni asrab-avaylash masalalariga alohida e’tibor qaratildi.

🔹Shuningdek, ishtirokchilar uchun milliy hunarmandchilik va zamonaviy dizayn yo‘nalishlari bo‘yicha amaliy master-klasslar tashkil etilib, unda hunarmand ustalar tomonidan kasb sir-asrorlari, yangi dizayn ishlanmalari hamda zamonaviy yondashuvlar yuzasidan mahorat darslari o‘tkazildi.

🔹Yoshlar tomonidan tayyorlangan ijodiy ishlar, milliy uslubdagi qo‘l mehnati mahsulotlari va zamonaviy dizayn namunalari namoyish etilib, ularning yaratilish jarayonlari haqida batafsil ma’lumotlar berildi.

📌Mazkur uchrashuv yosh xotin-qizlarning ijtimoiy faolligini oshirish, ularning iste’dod va tashabbuslarini qo‘llab-quvvatlash hamda milliy hunarmandchilikni rivojlantirishga xizmat qildi.