#Adliya_hudud

Санитария-эпидемиология хизматининг туман бўлими врачининг ойлик маошини ноқонуний ушлаб қолган мансабдор жавобгарликка тортилди

Санитария-эпидемиология хизматининг Мирзачўл туман бўлими врачининг туман адлия бўлимига йўллаган шикоят аризаси ўрганиб чиқилди.

Санитария-эпидемиология хизматининг Мирзачўл туман бўлими врачи ҳамда муассаса раҳбари, кадрлар билан ишлаш бўйича инспектор ўртасида ўзаро меҳнат низолари вужудга келган. Иш берувчи томонидан иш ҳақи тўлиқ берилмасдан, ноқонуний ушлаб қолинганлиги, мурожаатчи қолиб кетган иш ҳақини ундириб беришда амалий ёрдам сўраганлиги, шунингдек, иш берувчи ва ходим билан ўрганиш кунига қадар меҳнат шартномаси тузилмаганлиги аниқланди.

Ўзбекистон Республикаси Меҳнат кодексининг 82-моддасида кўрсатилган ''Ишга қабул қилишни расмийлаштириш тартиби'' ни бузганлиги учун Санитария-эпидемиология хизматининг Мирзачўл туман бўлими масъул ходимлари ҳатти-ҳаракатларига ҳуқуқий баҳо беришлик учун уларга нисбатан туман меҳнат ҳуқуқ инспекторига маъмурий таклиф киритилиб, фуқаронинг ушлаб қолинган иш ҳақи тўлиқ ундириб берилди.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

#Адлия_хабари

Адлия органлари ва муассасаларида коррупцияга дуч келсангиз, бизга хабар беринг

⚠️ Адлия органлари тизимида коррупцияга қарши муросасиз уруш эълон қилинган.

📲 Бунда Адлия вазирлиги тизимидаги, жумладан, адлия бошқармалари ва бўлимлари, нотариал идоралар, давлат хизматлари марказлари, ФҲДЁ органлари ва юридик таълим муассасаларидаги коррупция ҳолатлари ҳақида маълумотларни телеграмдаги @antikorbot ботига, “1008” ишонч телефонига ёки вазирлик расмий веб-сайтидаги махсус платформага юбориш мумкин.

❗️Юборилган хабарлар белгиланган тартибда кўриб чиқилади ҳамда мурожаат қилувчининг шахси сир сақланиши кафолатланади.

Каналга уланиш👇👇👇
https://t.me/huquqiyaxborot

#Эълон

Эртага, 20 январь куни соат 10:00 да АОКА анжуманлар залида матбуот анжумани бўлиб ўтади.

Мавзу : “Президент ҳужжатларини назорат қилиш бўйича янги тизим жорий этиш масалалари”.

Тадбирда Адлия вазирлиги раҳбарияти ва масъул ходимлари иштирок этиб, журналистларнинг саволларига жавоб беради.

Матбуот анжуманига саволларни @aokapressa га жўнатишингиз мумкин.

ОАВ ходимлари ва блогерларни матбуот анжуманига таклиф қиламиз.

Анжуман UzReport TV ва O‘zbekiston 24 телеканаллари ҳамда Youtube тармоғи орқали онлайн ёритилади.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

#Adliya_hudud

Ногиронлик нафақаси тайинланди

Самарқанд туман адлия бўлимига Самарқанд туман “Гулобод” МФЙ да истиқомат қилувчи фуқаро 2018 йил 4 декабрда туғилган фарзандига ногиронлик белгиланишида амалий ёрдам беришни сўраб мурожаат қилди.

Мазкур мурожаат туман тиббиёт бирлашмасиниг мутахассислари билан ҳамкорликда ўрганиб чиқилиб, туман тиббиёт бирлашмаси тиббий маслаҳат комиссияси томонидан 2020 йил 4 декабрда вояга етмаган фарзанди тиббий кўрикдан ўтказилиб, у “ Болалар бош мия фалажлиги иккиланган гемиплегия формаси. Психомотор ривожланишида орқада қолиши” ташхиси билан диспансер назоратига олинди ва Ўзбекистон Республикаси соғлиқни сақлаш вазирининг 2009 йил 25 сентабрдаги 291-сонли буйруғига асосан 2 йил муддатга болаликдан ногиронлик нафақаси тайинланди.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

​#Adliya_xabari

⚡️АОКА анжуманлар залида Адлия вазирлиги вакиллари иштирокида Ўзбекистон Республикаси Президентининг ҳужжатлари ва топшириқлари самарали ижросини таъминлаш масалаларига бағишланган матбуот анжумани бўлиб ўтди.

Анжуманда таъкидлангандек, 2010 – 2016 ййилларда йилига ўртача 121 та, 2017 – 2020 ййилларда йилига ўртача 456 та Ўзбекистон Республикаси Президент ҳужжатлари қабул қилинган. Охирги 4 йилликда ҳужжатлар сони ўртача 3,7 бараварига ошган.

Ҳозирда Ўзбекистон Республикаси Президентининг назоратга олинган 38,7 мингта топшириқлари мавжуд. Шунга мутаносиб тизим шакллантирилиб, давлат органларининг (62 тадан) сони 36 тага (55%) оширилган. Ҳозирда уларнинг сони 98 тани ташкил этади.

Ўзбекистон Республикаси Президенти топшириқларининг ижросини ташкил этишга кўмаклашиш учун ҳар бир туман (шаҳар)ларда 4 та сектор фаолияти йўлга қўйилди.

Ўзбекистон Республикаси Президенти топшириқларини бажариш учун зарур шароит ва институционал салоҳият яратилди. Адлия вазирлиги томонидан ижро масаласида бутунлай янги тизим ишлаб чиқилади. Жумладан, тўрт босқичдан иборат “Самарали ижро тизими” (Policy implementation) жорий қилиш таклиф қилинмоқда.

Биринчи босқичда, ижрони лойиҳа даврида режалаштирилади.
Бунда, ҳужжат лойиҳалари “Лойиҳада – амалда” тамойили асосида реал имкониятлар ва бажарилмаслик хавфи чуқур таҳлил қилинади, хусусан:
▫️вазифаларнинг кўлами, муддати ва мураккаблилиги ташкилотларнинг имкониятларига мослиги;
зарур молиявий ресурслар миқдори ва кафотлатланган манбалар мавжудлиги;
▫️иқтисодий-ижтимоий инфратузилманинг тайёрлиги.
Халқаро тажрибада, масалан АҚШда, Буюк Британияда ва бошқа бир қатор ривожланган давлатларда ҳар бир топшириқнинг мақсади, хавф-хатарлари, баҳолаш мезони, кутилаётган натижаси белгиланади. Ҳудди шундай талаб халқаро стандарт ташкилоти томонидан қабул қилинган “ISO 9001” халқаро стандартида назарда тутилган.

Иккинчи босқичда, Адлия вазирлиги ва унинг ҳудудий бўлинмалари томонидан топшириқлар ижроси ташкил этилади ва бу жараёнга кўмаклашилади.

Хусусан, топшириқларнинг мазмун-моҳияти “пакет” тамойили асосида етказилади, ислоҳотларга қаратилган топшириқлар бўйича инфографика, слайд, таҳлилий материаллар ва видеодарслар тайёрлаб берилади.

Ижрога кўмаклашишга адлия идораларининг барча ресурслари сафарбар этилади.

Бундан ташқари, ҳокимлар ва раҳбар лавозимига тайинланганлар ижро масалалари бўйича ҳафталик янги дастур асосида ўқитилади (Давлат бошқаруви академияси).

Ҳар бир қабул қилинган ҳужжатларнинг моҳияти давлат органларига, шунингдек, “маҳаллабай” тамойили асосида аҳолига етказилади.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

​#Adliya_xabari

⚡️АОКА анжуманлар залида Адлия вазирлиги вакиллари иштирокида Ўзбекистон Республикаси Президентининг ҳужжатлари ва топшириқлари самарали ижросини таъминлаш масалаларига бағишланган матбуот анжумани бўлиб ўтди.

Анжуманда Адлия вазирлигининг ўрта ва қуйи бўғинлари нима билан шуғулланиши тўғрисида маълумот берилди. Жумладан, туман миқёсида ижроси таъминланиши лозим бўлган топшириқлар тегишлича адлия бўлимлари томонидан етказилади ҳамда уларнинг ижросига услубий ҳуқуқий маслаҳатлар беради.

Шунингдек, ҳудудий адлия органлари вилоят миқёсидаги топшириқлар бўйича тушунтириш беради, давлат органларига ижро билан боғлиқ масалаларнинг амалиётда қўлланилишига кўмаклашади. Бу дегани, адлия бўлимлари асосий ижрочи бўлади деган эмас, балки адлия бўлимлари ҳуқуқий йўналтирувчи вазифасини бажаради.

Бундан ташқари, вилоят адлия бошқармаси вилоят ҳамда туман (шаҳар) миқёсидаги соҳавий ўрганишларда иштирок этади.

Топшириқларнинг баҳолаш тизими жорий этилади. Биринчи бор, давлат раҳбари топшириқларининг ижроси самарадорлиги ҳамда аниқ амалий натижаларга эришилиши комплекс баҳолаб борилади, хусусан:
▫️топшириқлар ижроси бўйича киритилган ахборотлар парламент, халқ депутатлари Кенгашлари, Вазирлар Маҳкамаси Раёсати йиғилишларида муҳокама қилинади;
▫️топшириқларнинг бажарилганлиги юзасидан жамоатчилик мониторинги ва жамоатчилик эшитувлари институтлари киритилади.

Ушбу жараёнлар “Ижтимоий фикр” республика жамоатчилик фикрини ўрганиш маркази, “Юксалиш” умуммиллий ҳаракати ва “Тараққиёт стратегияси” марказининг имкониятларидан фойдаланилади.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

❓Ижро бўйича ишлаб чиқилаётган янги тизим давлат идораларидаги йиғилишлар сони қисқарадими?

Худоёр Мелиев, Адлия вазири ўринбосари:
— «Адлия вазирлиги бюрократияга қарши ишларни олиб боряпти. Хусусан, давлат бошқаруви соҳасида қоғозбозлик ва мажлисбозликларга қарши таклифлар ишлаб чиққанмиз. Яқинда бюрократия бўйича қарор лойиҳаси муҳокамага қўйилиб, юқори турувчи органларга киритилди.

Мажлисбозликлар — давлат хизматчиларининг асосий ишидан чалғитиб, вақтини йўқотишига олиб келади. Президент топшириғи асосида Адлия вазирлиги мажлисларни кескин қисқартириш, вақтини назоратга олиш, йиғилишларга ҳудудлардан иштирокчиларни жалб этиш учун қатъий талаблар қўйиладиган ҳужжат лойиҳаси ишлаб чиқди».

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

#Adliya_xabari

⚡️АОКА анжуманлар залида Адлия вазирлиги вакиллари иштирокида Ўзбекистон Республикаси Президентининг ҳужжатлари ва топшириқлари самарали ижросини таъминлаш масалаларига бағишланган матбуот анжумани бўлиб ўтди.

Анжуманда таъкидлангандек, биринчи навбатда, адлия вазири ўринбосарларига барча республика идоралари ва вилоятлар номма-ном бириктирилади.

Раҳбарлар билан бирга, ўрта ва қуйи бўғин ходимларини ҳар бир янги қарор бўйича бир ҳафта ичида ўқитиш йўлга қўйилади.

Шунингдек, телевидение ва радиоларда ижро масалалари бўйича ҳар 15 кунда соҳа ва ҳудудлар кесимида “Президент қарорлари – ҳаётда ва назоратда” рукни остидаги рубрикалар йўлга қўйилади. Танқидий муҳокамалар билан бирга, қарорлар ижроси бўйича ижобий тажрибалар ҳам кенг ёритилади.

Ҳар бир туман кесимида ҳамкорликни йўлга қўйиш бўйича ойлик иш режалари тасдиқланади. Ҳар бир қабул қилинган янги қарор энг аввало ҳудудий адлия идорасига келиб тушиши, бу борада қайси раҳбар нима иш қилиши кераклиги, ишни қандай ташкил этиш зарурлиги батафсил кўрсатилади ва ҳокимларга ижро учун киритилади.

Шунингдек, ҳар ойда жойларга чиқиб, қарорлар ижроси юзасидан манзилли ва соҳавий ўрганишлар ўтказилади.

Асосий эътибор қарорлар ижросини ташкил этишдаги тизимли муаммоларни аниқлаб, уларнинг ечимлари бўйича аниқ таклифларни ишлаб чиқилади ва ҳал қилишга кўмаклашилади.

Ушбу мақсадда ҳудудларда аҳолини қийнаб келаётган энг долзарб муаммолардан бошлаш зарур.

Шу ўринда энг намунали давлат идораси ва унинг ҳудудий бўлинмаси, ёки ҳар бир вилоятда биттадан туман ва шаҳар танланиб, намунали идора (ҳудуд)ни йўлга қўйиш бўйича ишлар амалга оширилади, уларнинг ижобий тажрибаси бошқа органларга татбиқ этилади. Шу мақсадда Энергетика вазирлиги, Ахборот технологиялари ва коммуникацияларини ривожлантириш вазирлиги ва Қашқадарё вилоятида ўрганишлар ўтказилади.

Қарорлар ижросини назорат қилишнинг энг самарали воситаси бўлган жамоатчилик иштироки ва назоратини кенг йўлга қўйиш керак бўлади.

Бу борада фуқаролик жамияти институтлари, ОАВ ва бевосита фуқаролар иштирокида жамоатчилик мониторинги ва эшитувларидан фойдаланилади.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

ijro.gov.uz тизими Адлия вазирлиги ихтиёрига ўтказилади

Худоёр Мелиев, адлия вазири ўринбосари:
— Президент қарор, фармонларида назарда тутилган топшириқлар ижроси назоратини Ҳисоб палатаси ijro.gov.uz тизими орқали юритган.

Ҳозирда ижро интизоми бўйича тайёрланган янги лойиҳага кўра Президент фармон-қарор топшириқлари бўйича масъул вазирлик ва идоралари ҳар бир раҳбарларининг фармон-қарорни билиш даражаси баҳолаб борилади ва улар бу борада ўқитилади. Ҳар бир ижрочи бунга масъул ҳисобланади. Топшириқларнинг бажарилиши назорати эса Адлия вазирлиги ва унинг тизими, ҳудудий бошқарма, бўлимлари томонидан амалга оширилади.

✅ ijro.gov.uz тизими Адлия вазирлиги ихтиёрига ўтказилади.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

#Adliya_xabari

Адлия вазирлиги томонидан аҳолининг ҳуқуқий онг ва ҳуқуқий маданиятини юксалтириш бўйича сўров ўтказилди

👉Батафсил

@adliyangiliklari

#Adliya_xabari

Президент ҳужжатларини назорат қилиш бўйича янги тизим жорий этилади

👉Батафсил

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

#Adliya_xabari

Хусусий амалиёт билан шуғулланувчи 10 нафар нотариуснинг лицензиялари тўхтатилди

👉Батафсил

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

2020 йилнинг энг яхши адлия бўлимлари ва энг яхши адлия ходимлари аниқланади

Ўзбекистон Республикаси Адлия вазирлиги томонидан ҳар йили анъанавий тарзда адлия органлари ходимлари ўртасида “Йилнинг энг яхши адлия бўлими” ва “Йилнинг энг яхши адлия ходими” танловлари ўтказилиб борилади.

Жорий йилда мазкур танловнинг республика босқичи 21—22 январь кунлари Қашқадарё вилоятида ўтказиш режалаштирилган эди.

Бугун, 21 январь куни танлов иштирокчилари кутиб олинди ва уларга вилоятнинг диққатга сазовор жойлари ҳамда Қарши шаҳар Давлат хизматлари маркази фаолияти билан яқиндан таништирилди.

“Йилнинг энг яхши адлия бўлими” номинацияси бўйича танлов бугун 21 январь куни соат 15:00 да, ”Йилнинг энг яхши адлия ходими” номинацияси бўйича танлов эса эртага 22 январь куни соат 10:00 да бошланади.

Танловда ҳар бир вилоят адлия бошқармалари ҳамда туман адлия бўлимидан бир нафардан ходим иштирок этади.

Танловни кузатиб бориш учун ҳавола: https://youtu.be/7n13946dN6w

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

​#Адлия_хабари

“Йилнинг энг яхши адлия бўлими” танлови ғолиблари аниқланди

Аввал хабар берганимиздек, бугун Адлия вазирлиги томонидан бир неча йилдан буён анъанавий тарзда адлия органлари ходимлари ўртасида ўтказилиб келинаётган танловнинг “Йилнинг энг яхши адлия бўлими" номинацияси ғолиблари аниқланди.

2020 йил якунларига кўра хизмат вазифалари ва мажбуриятларини намунали бажарган туман (шаҳар) адлия бўлимлари ходимлари танлов низомида белгиланган шартлар асосида сараланди.

Танлов тўрт босқичда ўтказилди.

Биринчи босқичда ходим томонидан бажарилган ишлар танлов комиссияси томонидан танловга қадар баҳоланди.

Иккинчи босқичда ходимнинг ташаббускорлиги ва фаоллиги баҳоланди.

Бунда, ходим ўзи томонидан амалга оширилган энг наъмунали ишларидан бири ташаббускорлик, янгиликлар ёки соҳада мавжуд муаммонинг аниқ ечимига қаратилган асослантирилган таклифни презентация қилди. Иштирокчи ўз чиқишида мавзунинг мазмун моҳиятини сўзлаб берган ҳолда тўлиқ ёритиб берилди.

Мазкур шарт максимал 10 баллгача баҳоланди.

Учинчи босқичда адлия ходимининг ҳуқуқий билимлари синалиб, ҳуқуқий соҳага оид 10 та тест саволи асосида аниқланди, ҳар бир тўғри жавоб 1 баллдан баҳоланиб борилди. Тест саволлари учун қатъий 10 дақиқа вақт берилди.

Ушбу шартда ходим максимал 10 баллгача баҳоланди.

Тўртинчи босқичда ходим амалиётда учраб турадиган муаммоли холат (казуснинг) ечими бўйича асослантирилган жавоб тақдим этди.

Танлов натижасига кўра:

3-ўрин — Жиззах вилоятининг Ш.Рашидов туман адлия бўлими;
2-ўрин — Хоразм вилоятининг Янгиариқ туман адлия бўлими;
1-ўрин — Андижон вилоятининг Андижон шаҳар адлия бўлими.

Танлов ғолибларига диплом ва қуйидаги пул мукофотлари топширилди:

1-ўрин соҳибига — 15 000 000 сўм;
2-ўрин соҳибига — 10 000 000 сўм;
3-ўрин соҳибига — 7 500 000 сўм.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

“Йилнинг энг яхши адлия бўлими” танлови ғолиблари

3-ўрин — Жиззах вилоятининг Ш.Рашидов туман адлия бўлими;
2-ўрин — Хоразм вилоятининг Янгиариқ туман адлия бўлими;
1-ўрин — Андижон вилоятининг Андижон шаҳар адлия бўлими.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw

#Муносабат #Расмий

Сўнги кунларда ижтимоий тармоқлар ва ОАВларда тадбиркорлик субъектларининг фирма номларида машҳур шахсларнинг номларидан фойдаланилаётганлиги ҳақидаги хабарлар тарқалиб, турли муҳокамаларга сабаб бўлмоқда.

Давлат хизматлари агентлиги юридик шахсларни давлат рўйхатидан ўтказувчи ваколатли орган сифатида мазкур масалага ойдинлик киритади.

Биринчидан, “Тадбиркорлик фаолияти эркинлигининг кафолатлари тўғрисида”ги Қонунининг 33-моддасига асосан, юридик шахс бўлган тадбиркорлик фаолияти субъекти фирма номига бўлган ҳуқуққа эга, бу номни унинг ўзи мустақил равишда белгилайди ва ўз таъсис ҳужжатларида кўрсатади.

Иккинчидан, 2017 йил 1 апрелдан бошлаб тадбиркорлик субъектлари Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими орқали (ўзи келган ҳолда ёки онлайн усулда) давлат рўйхатидан ўтказилади.

Учинчидан, Ўзбекистон Республикаси “Фирма номлари тўғрисида”ги Қонунининг 4-моддасига асосан Фирма номида:
✅ давлатнинг расмий номи, халқаро, ҳукуматлараро ёки нодавлат нотижорат ташкилотининг қисқартирилган ёки тўлиқ номи;
✅тарихий ёки Ўзбекистон Республикасида машҳур бўлган шахснинг тўлиқ ёки қисқартирилган исми, белгиланган тартибда бериладиган рухсатсиз;
✅фирма номининг эгаси, унинг фаолият тури ёки у келиб чиққан мамлакат хусусидаги сохта ёки истеъмолчини чалғитиши мумкин бўлган белгилар;
✅жамият манфаатларига, инсонпарварлик ва ахлоқ принципларига зид бўлган белгилар кўрсатилмаслиги керак.

Тўртинчидан, Давлат хизматлари агентлиги томонидан Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимида “Фирма номлари тўғрисида”ги Қонунга асосан фирма номларида ишлатилиши мумкин бўлмаган сўзлардан фойдаланиш бўйича чекловлар қўйилди. Ушбу рўйхат мутахассислар томонидан мунтазам равишда янгиланиб борилади.

Сўнгги кунларда муҳокамага сабаб бўлган тадбиркорлик субъектларининг фирма номлари, тадбиркорлар билан олиб борилган тушунтиришлардан сўнг, белгиланган тартибда ўзгартирилди.

❗️Ўз навбатида, тадбиркорлардан фирмаларига ном танлашда, уни ўзгартиришда юқоридаги қонун талабларига қатъий риоя этишларини сўраб қоламиз.

Давлат хизматлари агентлиги

🔗Алоқада қолинг:
Telegram · Instagram · Facebook · Youtube · DXA_lotinda

#Муносабат

Адлия вазирлиги жамоатчиликни чалғитмасликка чақиради

Ҳозирги кунда ижтимоий тармоқларда Сурхондарё вилоятида суд биносига киришни талаб қилаётган “журналист” ва қўриқлаш хизмати ходими ўртасидаги тортишув суҳбат видеоси кенг тарқалиб, муҳокамага сабаб бўлмоқда.

Ушбу видеода журналист судга киришга ҳақли эканлигини, чунки у Адлия вазирлигидан аккредитациядан ўтганлигини асос қилиб келтирмоқда.
Хўш қонунчиликда журналистни аккредитация қилиш тартиби қандай?
Ўзбекистон Республикаси “Журналистлик фаолиятини ҳимоя қилиш тўғрисида”ги Қонуннинг 11-моддасида журластни аккредитация қилиш тартиби белгилаб қўйилган. Ушбу модда кўра журналист давлат органи, жамоат бирлашмаси ва ташкилот ҳузурида аккредитация қилиниши мумкин.

Аккредитация қилинган журналист ҳар қандай давлат органи ва ташкилоти биносига кириши мумкинми?

Аккредитация қилинган журналист қуйидаги ҳуқуқларга эга:

🔹аккредитация қилувчи органда бўлиб ўтадиган очиқ ҳайъат мажлислари ва бошқа оммавий тадбирлар тўғрисида олдиндан ахборот олиш;

🔹аккредитация қилувчи органнинг биноларига (хоналарига) ва бошқа объектларига аккредитация қилувчи орган томонидан белгиланган тартибда кириш;

🔹аккредитация қилувчи органнинг очиқ ҳайъат мажлисларида ва бошқа оммавий тадбирларда ҳозир бўлиш;

🔹аккредитация қилувчи органнинг масъул шахсларидан зарур ҳужжатлар ва материалларни сўраш ҳамда олиш, оммавий тадбирларнинг ёзувлари билан танишиш ҳамда улардан кўчирма нусхалар олиш;

🔹олинган ёзувлардан оммавий ахборот воситалари материалларини тайёрлашда фойдаланиш ҳуқуқига эга.

Бу нормадан тушуниш мумкунки, журналист давлат органлари ва ташкилотлари биноларига кириш учун мазкур давлат органи ёки ташкилоти томонидан, албатта, аккредитация қилинган бўлиши лозим.

Қонунчиликда суд биноларига кириш тартиби белгиланганми?

АЛБАТТА. Ўзбекистон Республикаси Олий суди ва Ички ишлар вазирлигининг 2018 йил 23 февралдаги 11-87, 20-сон қарорида белгиланишича суд мажлиси ўтказиладиган вақтда судга ташриф буюрувчи шахслар суд мажлиси ўтказиладиган вақт ва суд мажлисига чақирилган шахсларнинг рўйхати кўрсатилган рухсатнома асосида суд биносига киритилади. Рўйхат судья томонидан тасдиқланади ва қўриқлаш хизмати ходимларига суд мажлиси бошланишидан олдин тақдим этилади.

Шунингдек, суд биносига мобил телефон, фото ва видео қайд этиш воситаларини суд мажлисида раислик қилувчининг рухсатисиз олиб кириш тақиқланади.

Шунга кўра, Адлия вазирлиги суд мажлиси биноларига киришда юқоридаги қонун нормаларига амал қилишга ва жамоатчиликни чалғитмасликка чақиради.

Адлия вазирлиги
Жамоатчилик билан алоқалар бўлими

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw