#Adliya_xabari
#AKT_sohasi_kuni

Adliya tizimida mehnat qilayotgan AKT xodimlarining raqamli taraqqiyot yo‘lidagi xizmatlari e'tirof etildi.

7-may — Axborot-kommunikatsiya texnologiyalari sohasi xodimlari kuni munosabati bilan Adliya vaziri o‘rinbosari N.Muxammadiyev tomonidan tizimda faoliyat yuritayotgan bir guruh soha vakillarining ota-onalariga adliya vazirining tashakkurnomalari topshirildi.

Tadbir davomida yurtimizda raqamli davlat xizmatlarini rivojlantirish, zamonaviy axborot tizimlarini joriy etish va sohada fidokorona mehnat qilayotgan xodimlarni tarbiyalab voyaga yetkazgan ota-onalarga samimiy minnatdorlik izhor etildi.

E’tirof etilganidek, har bir yuksak natija, har bir malakali mutaxassis va har bir fidoyi xodim ortida uni qo‘llab-quvvatlagan, to‘g‘ri tarbiya bergan, ilm olishga undagan hamda doimo ishonch bildirgan oilaning ulkan mehnati va sabri mujassam.

Mazkur tadbirni o‘tkazishdan maqsad sohada samarali mehnat qilayotgan xodimlarning ota-onalariga hurmat va e’tibor ko‘rsatish, shuningdek, yosh kadrlarni Vatanga sadoqat, mas’uliyat va fidoyilik ruhida rag‘batlantirishdan iborat.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Advokatlik faoliyatiga oid qonun loyihasi muhokama qilindi.
 
O‘zbekiston Respublikasi Vazirlar Mahkamasining tegishli topshirig‘iga muvofiq “Advokatura institutining takomillashtirilishi munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida”gi Qonun loyihasi yuzasidan tegishli vazirlik va idoralarning vakillaridan iborat ishchi guruh yig‘ilishi bo‘lib o‘tdi.

Unda O‘zbekiston Respublikasi Davlat xavfsizlik xizmati, Bosh prokuratura, Ichki ishlar vazirligi, Iqtisodiy va moliya vazirligi, Advokatlar palatasi hamda Adliya vazirligi vakillari ishtirok etdi.

Yig‘ilish davomida Qonun loyihasida amaldagi qonunchilik hujjatlariga kiritilishi nazarda tutilayotgan qo‘shimcha va o‘zgartirishlar yuzasidan tegishli vazirlik va idora vakillarining taklif va e’tirozlari asosida qayta ko‘rib chiqilib, Qonun loyihasini yanada takomillashtirish bo‘yicha kelishib olindi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

Prezident Shavkat Mirziyoyev amaliy tashrif bilan Turkiston shahriga keldi. “Hazrat Sulton” xalqaro aeroportida oliy martabali mehmonni Qozogʻiston Davlat maslahatchisi Yerlan Karin, Turkiston viloyati hokimi Nuralxan Kusherov va boshqa rasmiylar kutib oldi.
—
Президент Шавкат Мирзиёев прибыл с рабочим визитом в город Туркестан. В международном аэропорту «Хазрет Султан» высокого гостя встретили Государственный советник Казахстана Ерлан Карин, аким Туркестанской области Нуралхан Кушеров и другие официальные лица.

#Mirziyoyev #tashrif #Qozogiston

Prezident.uz|Facebook|Instagram|YouTube|X