#yoshlar_kuni

🔴 Farg‘ona shahrida “Rahbar va yoshlar” uchrashuvi o‘tkazildi

🔹Davlatimiz rahbari tashabbusi bilan mamlakatimizda har payshanba kuni vazirlik, idora va hokimliklarda “Yoshlar kuni”ni o‘tkazish hamda yoshlar bilan manzilli ishlashning yangi mexanizmlarini joriy etish bo‘yicha belgilangan vazifalar ijrosi doirasida Farg‘ona shahrida “Rahbar va yoshlar” uchrashuvi tashkil etildi.

🔹Mazkur tadbirdan ko‘zlangan asosiy maqsad — yoshlarning muammo va takliflarini bevosita tinglash, ularni qiynayotgan masalalarga yechim topish, yoshlar bandligini ta’minlash hamda ularning jamiyatdagi ijtimoiy-siyosiy faolligini oshirishdan iborat bo‘ldi.

🔹Ochiq muloqot davomida yoshlar tomonidan ta’lim olish, kasb-hunar egallash, tadbirkorlik faoliyatini yo‘lga qo‘yish, zamonaviy kasblarni o‘rganish hamda bandlik masalalari yuzasidan taklif va murojaatlar bildirildi.

🔹Shuningdek, yoshlarga davlat tomonidan yaratilayotgan imkoniyat va imtiyozlar, amalga oshirilayotgan islohotlarning mazmun-mohiyati hamda qonunchilikdagi yangiliklar haqida batafsil tushuntirishlar berildi.

📌 Uchrashuv davomida bildirilgan har bir taklif va tashabbus yoshlarni qo‘llab-quvvatlash, ularning hayotda munosib o‘rin egallashi hamda mamlakat taraqqiyotidagi ishtirokini yanada kuchaytirishga xizmat qilishi ta’kidlandi.