#Xalqaro_hamkorlik

🔴 Huquq ustuvorligini ta’minlash: xalqaro loyiha doirasida muhim uchrashuv o‘tkazildi

🔹Adliya vazirligida BMT Taraqqiyot dasturi (UNDP) hamda Finlyandiya Tashqi ishlar vazirligi ko‘magida amalga oshirilayotgan “O‘zbekistonda huquq ustuvorligini mustahkamlash va inson huquqlarini himoya qilish” loyihasi doirasida milliy hamkorlar va benefitsiarlar ishtirokida qo‘shma uchrashuv tashkil etildi.

🔹Tadbirda adliya vazirining o‘rinbosari M.Ikramov, Finlyandiya TIV vakili Katya Hirvonen, Oliy Majlis Inson huquqlari bo‘yicha vakili (Ombudsman) o‘rinbosari B.Narimanov, shuningdek, vazirlik va idoralar mas’ullari, nodavlat notijorat tashkilotlar hamda loyiha benefitsiarlari ishtirok etdi.

🔹Tadbir davomida loyiha doirasida erishilgan natijalar, xususan bepul yuridik yordam ko‘rsatish tizimini rivojlantirish, aholining huquqiy savodxonligini oshirish hamda ijtimoiy himoyaga muhtoj qatlamlarni qo‘llab-quvvatlash borasidagi ishlar muhokama qilindi.

🔹Xususan, so‘nggi yillarda 2 milliondan ortiq fuqarolarga bepul yuridik yordam ko‘rsatilgani, ushbu yo‘nalishda qator normativ-huquqiy hujjatlar qabul qilingani qayd etildi.

🔹Shuningdek, loyiha doirasida seminar, trening va davra suhbatlari, xalqaro konferensiyalar tashkil etilib, fuqarolarning huquqiy madaniyatini yuksaltirishga alohida e’tibor qaratilgani ta’kidlandi.

🔹Uchrashuvda kichik grantlar dasturi doirasida amalga oshirilgan loyihalar natijalari, xususan ayollar hamda nogironligi bo‘lgan shaxslarga birlamchi yuridik yordam ko‘rsatish bo‘yicha erishilgan yutuqlar va mavjud muammolar yuzasidan taqdimotlar o‘tkazildi.

📌 Mazkur loyiha O‘zbekistonda qonun ustuvorligini ta’minlash, inson huquqlarini himoya qilish hamda aholining huquqiy ongi va madaniyatini yuksaltirishda muhim ahamiyat kasb etmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

Adliya vaziri A.Tashkulov Yashnobod tumanida joylashgan “Aviasozlar” bozori faoliyatini tartibga solish ishlari bilan tanishdi.

📋Tadbir davomida bozorda amalga oshirilgan quydagi ishlar ko‘rib chiqildi:

☑️Bozor infratuzilmasi va tadbirkorlik subyektlari faoliyatining qonuniyligi;
☑️Yashirin iqtisodiyotga qarshi kurash yo‘nalishida - naqd pul aylanmasini nazorat qilish va savdo jarayonlarining shaffofligini ta‘minlash choralari ko‘rilganligi;
☑️ Savdo operatsiyalarining to‘liq raqamlashtirilganligi hamda nazorat-kassa texnikalaridan amalda to‘liq foydalanilayotganligi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#qonunchilikdagi_yangiliklar

Adliya vazirligi tomonidan ishlab chiqilgan “Nizosiz ishlarni hal etish tartib-taomillari takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonun loyihasi O‘zbeksiton Respublikasi Oliy Majlisi Qonunchilik palatasi tomonidan birinchi o‘qishda qabul qilindi.

Qonun loyihasida quyidagilar nazarda tutilmoqda:
1. BHMning 1 ming baravarigacha (412 mln so‘mgacha) bo‘lgan ayrim nizosiz ishlarni notariuslar tomonidan ijro xati yozish orqali ko‘rib chiqish tartibi belgilanmoqda.

Notarial tasdiqlangan bitimlar, undiruvni qarzdorning ko‘char mol-mulkka qaratish va ijara, aloqa, kommunal xizmatlar hamda majburiy badallar bo‘yicha qarzdorlikni undirish yuzasidan talablar.
“Notarius” axborot tizimi kommunal tashkilotlarning bazalariga integratsiya qilingan va notariuslar tomonidan kommunal xizmatlar, chiqindilar, majburiy badallar bo‘yicha real qarzdorlikni tekshirgan holda ijro xati yozish imkoniyati mavjud.

2. Notariuslar tomonidan qayd etilgan ijro xatlari ijro organiga elektron tarzda yuboriladi.

3. Notariuslar tomonidan ijro xatlarini yozganlik uchun undiriladigan davlat boji miqdori belgilanmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot