"BRANDMAKING" kurslariga start berildi.

❇️ Adliya vazirligi huzuridagi Intellektual mulk markazi davlat muassasasi va Toshkent shahar adliya boshqarmasi tomonidan Sergeli kichik sanoat zonasida fuqarolar va tadbirkorlik subyektlari ishtirokida "BRANDMAKING" mavzusida o'quv seminar va sayyor qabul o'tkazildi.

❇️O'quv seminar doirasida ishtirokchilarga intellektual mulk obyektlarini yaratish, ro‘yxatdan o‘tkazish, ro'yxatdan o'tkazish talab etiladigan hujjatlar, davlat bojlari va boshqalar xususida huquqiy tushuntirishlar berildi.

❇️O'quv seminardan so'ng sayyor qabul tashkil etilib, sayyor qabul davomida tovar belgisi, xizmat ko‘rsatish belgisi, EHM dasturlarini ro‘yxatdan o‘tkazish bo‘yicha talabnomalar topshirishmoqchi bo'lgan jismoniy va yuridik shaxslarga uslubiy yordamlar ko'rsatilib, ishtirokchilarning brend nomlari Intellektual mulk elektron davlat xizmatlari portalidan tekshirilgan holda ularning ro'yxatdan o'tganligi yoki o'tkazilmaganligi yuzasidan amaliy ko'rsatmalar berildi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

Qoraqalpog’istonda “xavfsiz mahalla” tizimi o‘rganildi

Qoraqalpog’iston Respublikasida “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etish”ga qaratilgan PQ–1 va PQ–2-son qarorlari ijrosi doirasida o‘rganish ishlari olib borilmoqda.

Mazkur jarayon doirasida adliya vaziri o‘rinbosari M.Allakuliyev Nukus shahridagi “Bayterek” mahallasida bo‘lib, amalga oshirilayotgan ishlar bilan yaqindan tanishdi.

O‘rganish davomida:
mahallada xavfsiz muhitni ta’minlash bo‘yicha tizimli ishlar;
ijtimoiy-ma’naviy muhitni sog‘lomlashtirish choralari;
oilaviy nizolarni barvaqt aniqlash va oldini olish mexanizmlari tahlil qilindi.

Shuningdek, bugungi kundagi eng ko’p sodir etilayotgan jinoyatlardan biri hisoblangan firibgarlik va kiberjinoyatlarning oldini olish doirasida fuqarolarning huquqiy savodxonligini oshirish masalalariga alohida e’tibor qaratildi.

Tadbir yakunida mahallalarda barqaror va xavfsiz muhitni ta’minlash, mavjud tizim samaradorligini oshirish yuzasidan tegishli tavsiya va ko‘rsatmalar berildi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari
#Yoshlar

❗️Adliya boshqarmasida tizimda faoliyat yuritayotgan yosh xodimlar bilan ochiq muloqot uchrashuvi o‘tkazildi.

✅ Davlat rahbari tomonidan mamlakatimizda har haftaning payshanba kunini vazirlik, idora va hokimliklarda “Yoshlar kuni”ni o'tkazish va yoshlar bilan manzilli ishlashning yangi mehanizmlari sifatida o'tkazilishi belgilab berildi. Shu munosabat bilan tizimdagi hamda "Alohida toifadagi yoshlar va jinoyatchilikni oldini olish" borasida Andijon viloyat adliya boshqarmasi boshlig'i O.Bozarov tomonidan adliya boshqarmasi va uning hududiy organlariga faoliyat yurituvchi o'ttiz yoshgacha bo'lgan xodimlar ishtirokida uchrashuv tashkil etildi.

✅Muloqot davomida, yosh xodimlarning taklif va tashabbuslari tinglandi, xizmat faoliyatida uchrayotgan muammolar muhokama qilindi hamda ularni bartaraf etish yuzasidan tegishli tavsiyalar berildi. Ta’kidlanganidek, adliya organlarida yoshlarning bilim va salohiyatini ro‘yobga chiqarish, ularni qo‘llab-quvvatlash hamda yetuk kadrlar sifatida shakllantirish ustuvor vazifalardan biri hisoblanadi.

✅Ochiq va samimiy ruhda o‘tgan uchrashuv yosh xodimlarni yanada faol, tashabbuskor va mas’uliyatli bo‘lishga undadi. Adliya tizimidagi har bir yosh xodim – qonun ustuvorligi, adolat va inson qadri yo‘lida xizmat qiladigan ertangi kun bunyodkoridir.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

📌 Yashnobod tumanida huquqni muhofaza qiluvchi organlar faoliyatini huquqiy auditdan o‘tkazish tizimi sinovdan o‘tkazilmoqda.

Adliya vazirining birinchi o‘rinbosari M. Istamov boshchiligida Yashnobod tumanida ichki ishlar organlari hamda mas’ul xodimlar ishtirokida “huquqiy audit” tizimini sinovdan o‘tkazishga bag‘ishlangan yig‘ilish o‘tkazildi.

Yig‘ilish davomida huquqbuzarliklar profilaktikasi va probatsiya tizimlarini yanada takomillashtirish, huquqbuzarliklarning oldini olish hamda ularga qarshi kurashish samaradorligini oshirish masalalari atroflicha muhokama qilindi. Mazkur yo‘nalishlar bo‘yicha mas’ul xodimlarga tegishli topshiriqlar berildi.

🎯 Huquqiy auditdan ko‘zlangan asosiy maqsad — profilaktika va probatsiya tizimlari samaradorligini oshirish, ularning faoliyatini zamonaviy mezonlar asosida xolis tahlil qilish hamda amaliy takliflar ishlab chiqishni ta’minlashdan iborat.

💡 Amalga oshirilayotgan huquqiy audit natijasida tizimning mavjud holati chuqur tahlil qilinib, uni yanada takomillashtirishga qaratilgan aniq va samarali chora-tadbirlar ishlab chiqilishi ko‘zda tutilgan.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot