📣 6 oylik kurslarga qabul boshlandi!

➡️ Masofaviy ta'lim shaklida tashkil etiladigan Oliy ma'lumotga ega bo‘lgan shaxslarni yuridik mutaxassislikka qayta tayyorlash kurslariga qabul boshlanmoqda.

✅ Kurslarga barcha oliy ma'lumotli shaxslar hujjat topshirishlari mumkin.

⏰ Hujjatlarni qabul qilish 13-apreldan 13-mayga qadar (shu kuni ham) qabul.minjusttraining.uz sayti orqali amalga oshiriladi.

✉️ Talabgorlar hujjat topshirishda Id-karta (pasport), oliy ma'lumot to‘g‘risidagi diplomni elektron shaklda ilova qiladilar.

♻️ Qabul kvotasi: 100 nafar (faqat o'zbek guruhi uchun); to‘lov-kontrakt miqdori: 17 003 252 so‘m.

❗️ Bitiruvchilarga diplom berilib, yuridik xizmat, davlat xizmatlari markazlari va fuqarolik holati dalolatnomalarini yozish organlarida barcha lavozimlarda, advokatura va notariat tizimida oliy yuridik ma'lumot talab etmaydigan barcha lavozimlarda ishlash huquqiga ega bo‘ladi.

☎️ 55 518-57-77 (ichki raqam 9)

📱minjusttraining.uz 📱 Facebook 📱 Instagram 📱Telegram 📱 You Tube 📱 linkedin

#Adliya_xabari

🏆 Adliya vazirligi — ochiqlik va shaffoflikda yetakchilar safida!

O‘zbekiston Respublikasi Prezidentining PF–154-son Farmoniga muvofiq davlat organlari va tashkilotlarida ochiqlik darajasi “Ochiqlik indeksi” asosida baholab kelinmoqda.

📊 2025-yil yakunlari bo‘yicha o‘tkazilgan navbatdagi baholash natijalari Adliya vazirligida faoliyatining ochiqligi, shaffoflik va jamoatchilik oldida hisobdorlik yuqori darajada yo‘lga qo‘yilganini yana bir bor tasdiqladi.

🔝 Yakuniy natijalarga ko‘ra, Adliya vazirligi eng yuqori samaradorlik ko‘rsatkichlarini qayd etgan yetakchi davlat organlari qatoridan munosib o‘rin egalladi.

Mazkur natija — vazirlik tizimida:
ochiq va ishonchli axborot makonini shakllantirish,
jamoatchilik bilan doimiy va tizimli muloqotni yo‘lga qo‘yish,
davlat xizmatlari va faoliyat jarayonlarida shaffoflikni ta’minlash,
raqamli texnologiyalar orqali ochiqlikni oshirish borasida olib borilayotgan izchil islohotlarning amaliy ifodasidir.

📈 Ta’kidlash joizki, mamlakatimizda ochiqlikni ta’minlash borasidagi islohotlar natijasida yuqori natija qayd etayotgan tashkilotlar soni ortib bormoqda. Bu esa davlat boshqaruvida ochiqlik va hisobdorlikning mustahkamlanib borayotganidan dalolat beradi.

🤝 Adliya vazirligi bundan buyon ham ochiqlik, shaffoflik va hisobdorlik tamoyillarini yanada kuchaytirish, fuqarolar bilan ochiq muloqotni kengaytirish yo‘lida izchil faoliyat olib boradi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#qonunchilikdagi_yangiliklar

📌 Buxgalterlar uchun muhim yangilik!

☹️Adliya vazirligi “Moliyaviy hisobotlarni tayyorlash asoslari: hisob siyosati va hisob baholari” (2-sonli MHMS) bo‘yicha idoraviy hujjatni davlat ro‘yxatidan o‘tkazdi (ro‘yxat raqami 3810, 2026-yil 11-aprel).

📝 Mazkur hujjat yuridik shaxslar (bundan jamoat ahamiyatiga ega tashkilotlar va budjet tashkilotlari mustasno) tomonidan moliyaviy hisobotlarni tayyorlash asoslari hamda quyidagi asosiy masalalarni tartibga soladi:
1️⃣ hisob siyosatini tanlash va qo‘llash;
2️⃣ hisob siyosati va hisob baholaridagi o‘zgarishlar;
3️⃣ oldingi davr xatolarini tuzatish.

📖 Hisob siyosati – tashkilot tomonidan moliyaviy hisobotlarni tayyorlash va taqdim etishda qoʻllaniladigan aniq tamoyillar, asoslar, umumqabul qilingan shartlar, qoidalar va amaliy yondashuvlar majmuasi.

📌 Hisob siyosati quyidagicha qo‘llanilishi mumkin:
1️⃣ retrospektiv qoʻllash – yangi hisob siyosatini operatsiyalar, boshqa hodisalar va vaziyatlarga nisbatan ushbu hisob siyosati har doim qoʻllangandek tatbiq etish;
2️⃣ perspektiv qoʻllash – hisob siyosati oʻzgartirilgan sanadan keyin sodir boʻlgan operatsiyalarga nisbatan yangi hisob siyosatini qoʻllash hamda hisob baholaridagi oʻzgarishning taʼsirini ushbu oʻzgarish taʼsir koʻrsatadigan joriy va kelgusi davrlarda tan olish.

⚖️ Hisob siyosatini quyidagi holatlarda oʻzgartirish mumkin.
– tegishli MHMSlarda talab etilsa;
– ushbu o‘zgartirish tashkilotning moliyaviy holati toʻgʻrisida yanada ishonchli maʼlumotlar aks ettirilishiga olib kelsa.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

Sayyor qabul o‘tkazildi⚡️

Toshkent shahar adliya boshqarmasi, Toshkent shahar Prokuraturasi hamda boshqa tashkilotlar bilan hamkorlikda Chilonzor tumanining "Botirma" mahallasida o'tkazilgan sayyor qabul tafsilotlari

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_xabari

🍽 “Toshkent to‘y oshi” geografik ko‘rsatkich sifatida davlat ro‘yxatidan o‘tkazildi

Toshkent shahri va Toshkent viloyatiga xos bo‘lgan, o‘zbek pazandachilik sanʼatining durdonasi hisoblangan “Toshkent to‘y oshi” geografik ko‘rsatkich sifatida davlat ro‘yxatidan o‘tkazildi.

📜 Tarix va texnologiya: Tarixiy va etnografik manbalarga ko‘ra, Toshkent vohasida palov tayyorlash madaniyati asrlar davomida shakllangan. To‘y oshi — bu shunchaki taom emas, balki kimyo, fizika va biologiya qonuniyatlari mujassam bo‘lgan murakkab jarayon bo‘lib, asosan tong saharda yarimsfera shaklidagi qalin devorli cho‘yan qozonlarda pishiriladi.

🛡 Huquqiy himoya va sifat: Mazkur maqom “Toshkent to‘y oshi” nomi va anʼanaviy tayyorlash texnologiyasini huquqiy jihatdan himoya qiladi hamda mahsulot sifatining davlat meʼyorlariga muvofiqligini kafolatlaydi.

✨ “Toshkent to‘y oshi” — ajdodlar merosi, milliy qadriyatlar va xalq ruhining yorqin ifodasi bo‘lib, bugun gastronomik turizmni rivojlantirish hamda milliy brendni xalqaro miqyosda targ‘ib etishda muhim ahamiyat kasb etmoqda.

ℹ️ Maʼlumot uchun: Geografik ko‘rsatkich — mahsulotning muayyan hududga mansubligini va uning o‘ziga xos xususiyatlari aynan shu hudud bilan bog‘liqligini tasdiqlovchi intellektual mulk obyektidir.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot