Yashnobod tumanidagi bozorlarning yong‘in xavfsizligi talablariga javob berish holati kompleks tarzda o‘rganilmoqda

Tumandagi “Aviasozlar”, “Parkent” va “Yangiobod” bozorlari ma’muriyati hamda favqulodda vaziyatlar organlari xodimlari ishtirokida tezkor yig‘ilish o‘tkazildi.

Yig‘ilish davomida savdo rastalari va omborxonalarda elektr tarmoqlaridan to‘g‘ri foydalanish, yong‘in o‘chirish vositalarining soz holatda bo‘lishi, evakuatsiya yo‘laklarining ochiqligini ta’minlash zarurligi alohida ta’kidlandi.

Har bir bozor kesimida aniq vazifalar, muddatlar va mas’ullar belgilangan holda yong‘in xavfsizligi talablariga oid “yo‘l xaritasi” ishlab chiqish belgilandi.

Shuningdek, bozorlardagi infratuzilmaning holati, yong‘in o‘chirish tizimlari, suv ta’minoti, evakuatsiya yo‘laklari hamda elektr tarmoqlarining xavfsizlik darajasi o‘rganilib, aniqlangan kamchiliklarni bartaraf etish bo‘yicha aniq chora-tadbirlarni amalga oshirish vazifalari yuklatildi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_aralashgach

✅ 76 yoshli onaxonning to‘xtatilgan nafaqasi tiklab berildi

Qashqadaryo viloyati Yakkabog‘ tumani “Madaniyat” MFYda yashovchi 76 yoshli Oqgul momo Xo‘jaevaning 3 oydan buyon nafaqa puli to‘xtatib qo‘yilgani yuzasidan murojaati ijobiy hal etildi.

🔍 Aniqlanishicha, Pensiya jamg‘armasining axborot tizimida fuqaroning ma’lumotlari FHDY axborot tizimidan tasdiqlanmagani sababli nafaqa to‘lovlari to‘xtatilgan. Shuningdek, tuman va viloyat FHDY arxivlarida ham onaxonning tug‘ilganligi haqidagi dalolatnoma yozuvi mavjud emasligi ma’lum bo‘lgan.

✅ Yakkabog‘ tuman FHDY bo‘limi tomonidan tegishli hujjatlar asosida Oqgul momoning tug‘ilganligi haqidagi dalolatnoma yozuvi tiklandi hamda unga tug‘ilganlik haqidagi guvohnoma topshirildi.

📄 Shuningdek, Yakkabog‘ tuman adliya bo‘limi ko‘magida onaxonning to‘xtab qolgan 3 oylik nafaqa pullari ham to‘liq undirib berildi.

⚖️ Fuqarolarning huquq va qonuniy manfaatlarini ta’minlash yo‘lida adliya organlari tomonidan manzilli amaliy yordam ko‘rsatish ишлари davom etmoqda.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#yoshlar_kuni

Yoshlar harbiy qismda – vatanparvarlik ruhidagi uchrashuv

Buxoro viloyati adliya boshqarmasi tashabbusi bilan maktab o‘quvchilari uchun Buxoro harbiy garnizonidagi harbiy qismga tashrif tashkil etildi.

📌 Mazkur tashrif “Rahbar va yoshlar” uchrashuvi hamda Sohibqiron Amir Temur tavalludining 690 yilligi doirasida o‘tkazilib, yoshlarning huquqiy bilimlarini mustahkamlash va ularni vatanparvarlik ruhida tarbiyalashga qaratildi.

🔍 Tashrif davomida o‘quvchilar:
🔹 Qurolli Kuchlar faoliyati bilan yaqindan tanishdi
🔹 Harbiy xizmatning mazmun-mohiyatini o‘rgandi
🔹 Askarlarning kundalik hayoti va xizmat jarayonlarini kuzatdi

💬 Shuningdek, yoshlarga harbiy intizom, Vatanga sadoqat, jasorat va fidoyilik kabi yuksak fazilatlar haqida batafsil tushuntirishlar berildi.

🎯 Mazkur tashrif yoshlar qalbida harbiy kasbga qiziqishni oshirish, ularni ona Vatanga muhabbat va sadoqat ruhida tarbiyalashda muhim ahamiyat kasb etadi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot