#Adliya_xabari

Hurmatli yurtdoshlar!

📣Joriy yilning 4-fevral kuni soat 10:00 da Adliya vazirligi tashabbusi bilan Toshkent shahar Yashnobod tumanida joylashgan Respublika kasbiy ko‘nikmalar markazida aholini ish bilan ta’minlash maqsadida keng ko‘lamli “Mehnat yarmarkasi” tashkil etiladi.

Mazkur yarmarkada turli soha va yo‘nalishlar bo‘yicha faoliyat yurituvchi korxona va tashkilotlar ishtirok etib, bo‘sh ish o‘rinlari, kasbga o‘qitish imkoniyatlari hamda bandlikka oid maslahatlar taqdim etadi. Tadbir davomida ish izlayotgan fuqarolar ish beruvchilar bilan bevosita muloqot qilish, o‘zlariga mos ish topish, shuningdek kasbiy ko‘nikmalarini oshirish bo‘yicha ma’lumotlar olish imkoniyatiga ega bo‘ladilar.

⌛Barcha ish izlayotgan fuqarolarni, ayniqsa yoshlar, xotin-qizlar va kasb o‘rganishga qiziqqan yurtdoshlarimizni mazkur mehnat yarmarkasida faol ishtirok etishga chorlaymiz.

📌Manzil: Toshkent shahar, Yashnobod tumani, Parkent ko‘chasi 331-uy

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

❕Kontrafakt mahsulotlar kirib kelishiga chek qo‘yildi!

✅Vakolatli organlar tomonidan intellektual mulk huquqlarini himoya qilish, shuningdek tadbirkorlar o‘rtasida o‘zgalarning mulkiga nisbatan hurmat hissini oshirishga qaratilgan chora-tadbirlarga qaramasdan, ayrim hollarda tovar belgilaridan ruxsatsiz foydalanish bilan bog‘liq holatlar uchramoqda.

✅Xususan, “GST Oil” MChJ murojaatiga asosan “V.I.” MChJ tomonidan “HYUNDAI CONSTRUCTION EQUIPMENT” kompaniyasiga tegishli bo‘lgan “HYUNDAI” tovar belgisidan foydalangan holda 2 dona maxsus texnika (ekskavator) respublika hududiga olib kirilayotgan vaqtda bojxona postida to‘xtatib qolindi.

✅Shuningdek, mazkur holat yuzasidan adliya organlari ko‘magida “GST Oil” hamda “V.I.” MChJlar o‘rtasida mediativ kelishuv tuzilishiga erishildi.

✅Mediativ kelishuvga muvofiq “V.I.” MChJ huquq egasiga 206 mln so‘m miqdorida tovon puli to‘lash, shuningdek “HYUNDAI” brendidan foydalanmaslik hamda ushbu brendga oid texnikalarni O‘zbekiston Respublikasi hududiga olib kirmaslik majburiyatini oldi. Bundan tashqari, “V. I” MChJga tegishli“YouTube”, “Instagram” va boshqa ijtimoiy tarmoqlardagi sahifalarda joylashtirilgan “HD Hyundai Centre” va “rasmiy diler” so‘zlari o‘zgartirilishi belgilandi.

⚠️Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot

#Adliya_munosabat

❗️RASMIY MUNOSABAT

Ijtimoiy tarmoqda e’lon qilingan “onlayn notarial harakatlarni ko‘paytirish uchun notariuslar majburlanmoqda” mazmunidagi post yuzasidan.

Onlayn notarial harakat nima uchun kerak?

— Navbatda turilmaydi, vaqt tejaladi
(onlayn tasdiqlanganda - 20-25 daqiqa, notarial idoraga kelganda - 1-2 soat).

— Notarial idoraga kelib-ketish uchun ortiqcha xarajat qilinmaydi.

— Dunyoning istalgan nuqtasidan onlayn harakatni rasmiylashtirish imkoniyati mavjud. (Misol uchun, ishonchnoma: xorijda tasdiqlab yuborilsa - 200-300 AQSH dollari, xorijda turib O‘zbekistonda onlayn tasdiqlansa - 200-250 ming so‘m).

— Umuman hujjatlar talab qilinmaydi. Belgilangandan ortiqcha pul undirilmaydi. Korrupsiya yo‘q.

— Notarial harakat videoga muhrlanadi.
(Firibgarlik va majburlash kabi holatlar bo‘lmaydi).

❗️Shuni ma’lum qilamizki, Adliya vazirligi tomonidan onlayn notarial harakatlarning qulayligi hamda afzalliklari haqida fuqarolarga tushuntirish berish bo‘yicha hududiy adliya organlari va notariuslarga ko'rsatmalar berilgan.

Biroq, onlayn notarial harakat bajarmaganlik uchun notariuslarga nisbatan tekshiruv o‘tkazilishi qonunga xilof bo‘lib, Adliya vazirligi bunday holatlarni qoralaydi.
Ma’lumot uchun: Noto‘g‘ri topshiriq bergan hududiy bo‘linma xodimiga nisbatan rasman ogohlantirish berildi va bu kabi holatlar takrorlanmasligi qat’iy nazoratga olindi.

Telegram | Instagram | Facebook | YouTube | Bot