#teambuilding

Adliya vazirligi jamoasi Mudofaa vazirligi tasarrufidagi Chirchiq shahrida joylashgan harbiy poligonda bo'ldi

Tadbir doirasida harbiy texnikaning yaratilish jarayonlari, ularning zamonaviy texnik-taktik imkoniyatlari hamda jangovar-amaliy mashg‘ulotlar namoyish etildi. Har bir jarayonda aniqlik, intizom va puxta rejalashtirish ustuvor ekani yaqqol ko‘zga tashlandi.

Harbiy mashg‘ulotlar davomida shaxsiy tarkibning jipsligi, yuksak kasbiy tayyorgarligi va vatanparvarlik ruhidagi xizmat faoliyati O‘zbekiston Qurolli Kuchlarining mustahkam salohiyatini yaqqol namoyon etdi.

Mazkur tashrif nafaqat sohaga oid bilim va tasavvurlarni kengaytirdi, balki jamoaviylik va yurtga sadoqat tuyg‘ularini yanada mustahkamladi. Yurt tinchligi va xalq osoyishtaligini ta’minlash yo‘lida olib borilayotgan izchil islohotlar O‘zbekistonning harbiy qudrati ishonchli va barqaror ekanini yana bir bor tasdiqladi.

🇺🇿 Vatan himoyasi — oliy burch, unga xizmat qilish esa sharafdir.

Telegram | Instagram | Facebook | YouTube | Bot

🟢Bugun “Ma’naviyat karvoni” doirasida navbatdagi muloqot uchrashuvi Bo'stonliq tumani “Yoshlik” mahallasida bo‘lib o‘tdi. Mazkur tadbir Prezidentimizning Oliy Majlisga va O‘zbekiston xalqiga yo‘llagan Murojaatnomasi hamda “O‘zbekiston – 2030” strategiyasining mazmun-mohiyati va ahamiyatini, shuningdek, 13-yanvar kuni Xavfsizlik kengashining yig‘ilishida belgilab berilgan vazifalarni keng jamoatchilikka yetkazish, ularning ijrosini ta’minlash borasidagi chora-tadbirlarni tushuntirishga qaratildi.

🟢Tadbirda Respublika ishchi guruhi tarkibida Adliya vazirligi vakillari ham faol ishtirok etdi.

🟢Uchrashuv davomida davlat rahbari Murojaatnomasi va “O‘zbekiston – 2030” strategiyasida belgilangan ustuvor yo‘nalishlar, xususan, ijtimoiy-iqtisodiy islohotlar, aholi farovonligini oshirish, ta’lim va sog‘liqni saqlash sohalarini rivojlantirish, bandlikni ta’minlash hamda infratuzilmani takomillashtirish masalalari atroflicha tushuntirib berildi.

🟢Shuningdek, muloqot jarayonida fuqarolar bilan ochiq va samimiy suhbat o‘tkazilib, ularning taklif va tashabbuslari, shuningdek, turli sohalarga oid murojaatlari tinglandi. Bildirilgan masalalar bo‘yicha mas’ullar biriktirilib, ularning ijrosi doimiy nazoratga olinishi qayd etildi.

🟢Mazkur uchrashuv davlat siyosatining mazmun-mohiyatini aholiga yetkazish, muammolarni joyida muhokama qilish hamda jamoatchilik ishonchini mustahkamlashda muhim ahamiyat kasb etdi.