✅O‘zbekistonda geografik ko‘rsatkichlar tizimini rivojlantirish bo‘yicha yangi bosqich: “oriGIn Uzbekistan” muassasa shakldagi nodavlat notijorat tashkiloti tashkil etiladi

🔸Mazkur muassasa milliy ishlab chiqaruvchilarni qo‘llab-quvvatlash, mahsulotlar qiymatini oshirish va eksport imkoniyatlarini kengaytirishga xizmat qiladi.

❗️“oriGIn Uzbekistan”ning asosiy vazifalari quyidagilardan iborat bo‘ladi:
– milliy geografik ko‘rsatkichlar tizimini rivojlantirish bo‘yicha tizimli yordam ko‘rsatish;
– mahalliy ishlab chiqaruvchilarni geografik ko‘rsatkichlarni ro‘yxatdan o‘tkazish, boshqarish va targ‘ibot o‘tkazish;
– xalqaro tashkilotlar, jumladan “oriGIn Global” tashkiloti bilan hamkorlikni kuchaytirish;
– O‘zbekistonning geografik ko‘rsatkichlariga ega mahsulotlarini jahon bozorida keng targ‘ib qilish.

🔹Mazkur tashabbus O‘zbekistonni geografik ko‘rsatkich sohasida xalqaro standartlarga moslashtirish va milliy mahsulotlarni xalqaro miqiyosida tan olinishi uchun muhim qadamdir.

Telegram | Instagram | Facebook | YouTube | Bot

#Huquqiy_aksiya

❗️Farg'onada "Bolalar va yoshlarning huquqlarini himoya qilish" aksiyasi doirasida turli tadbirlar bo'lib o'tdi

✅Huquqiy aksiya doirasida Uchko'prik tumanidagi 28-sonli umumiy oʻrta taʼlim maktabida tuman adliya bo'limi va boshqa hamkor tashkilotlar bilan birgalikda o'quvchilar va ularning ota-onalari ishtirokida davra suhbati o'tkazildi.

✅ Davra suhbati jarayonida profilaktik uchrashuvlar ham tashkillanib, yoshlarga yaratilayotgan imkoniyatlar, ularning huquq va majburiyatlari, tazyiq va zo‘ravonlik holatlarining oldini olish hamda bartaraf etish choralari, yoshlarning huquq va qonuniy manfaatlarini himoya qilish mexanizmlari yuzasidan huquqiy tushuntirishlar berildi.

Batafsil videolavhada 👆

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Ogoh_bo'ling!

‼️Adliya vazirligiga shu kabi mazmunda tadbirkorlar va fuqarolar elektron pochtasiga xabarlar yuborilayotganligi haqidagi murojaatlar kelib tushmoqda.

❌Bunday ko'rinish va mazmundagi xatlar Adliya vazirligiga umuman tegishli emas va feyk xabarlar hisoblanadi.

❌Mazkur xatdagi havolalar va QR-kod sizning ma’lumotlaringizni o’g’irlaydigan soxta saytlarga ham yo‘naltirishi mumkin.

❗️Tadbirkorlardan va fuqarolardan firibgarlarga aldanib qolmaslikni va feyk xabarlarga ishonmaslikni so'raymiz.

Adliya vazirligi Axborot xizmati

Telegram | Instagram | Facebook | YouTube | Bot

#Adliya_aralashgach

❗️Farg'onada xodimlarning 178 mln so'm ish haqlari undirib berildi

O'zbekiston tumani adliya bo'limiga tumandagi 57 ta Davlat maktabgacha taʼlim tashkilotlari tarbiyachilari nomidan murojaat kelib tushdi. Masala o'rganilganda oydinlashdiki, tarbiyachi xodimlar joriy yilning iyul–sentabr oylaridagi ish haqlarining faqat 50% ish beruvchi tomonidan toʻlib berilgan xolos.

O'zbekiston tumani Adliya boʻlimi murojaat asosida to'lanmay qolgan ish haqlarini undirish bo'yicha tuman maktabgacha va maktab taʼlimi boʻlimiga taqdimnoma kiritdi. Masʼul tashkilotning javob xatida esa, talab qilinayotgan mablag' vazirlik tomonidan ajratilgachgina to'lab berilishi ma'lum qilingan.

Shundan so'ng adliya bo'limi tomonidan zarur hujjatlar toʻplanib, xodimlarning huquqlarini himoya qilish maqsadida ish sudga taqdim etildi. Fuqarolik ishlari boʻyicha Oʻzbekiston tumanlararo sudi joriy yilning noyabr oyidagi hal qiluv qarori bilan Adliya boʻlimi arizasi toʻliq qanoatlantirdi.

Natijada O'zbekiston tumani Maktabgacha va maktab ta'limi bo'limi tomonidan 100 nafar tarbiyachilarga to'lanmay qolgan 178 mln so'm ish haqlari to'lab berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

❕Kontrafakt mahsulot ishlab chiqargan huquqbuzar 41 mln. so‘m jarimaga tortildi!

✅Kontrafakt mahsulotlar jamiyatga faqatgina moddiy zarar yetkazib qolmaydi. Chunki, odatda kontrafakt mahsulotlar inson hayoti va salomatligi bilan bog‘liq sohalar bo‘lmish oziq-ovqat, farmatsevtika, parfyumeriya va boshqa shu kabi yo‘nalishlarda ko‘proq uchraydi.

✅Hech qanday texnik talablarga rioya qilinmagan holda ko‘zdan panada tayyorlangan mahsulot esa inson hayoti uchun xavf tug‘dirishi aniq. Biroq, bu kabi jiddiy oqibatlar fikr-u hayoli boylik orttirish bo‘lgan kimsalarni sira tashvishga solmaydi.

✅Xususan, Vazirlik tomonidan “Choco Plus” MChJning “GOLD” tovar belgisiga bo‘lgan huquqlari “M.X.” XK tomonidan buzilayotganligi to‘g‘risidagi murojaat ko‘rib chiqildi.

✅O‘tkazilgan tekshiruv natijasida “M.X.” XK tomonidan “GOLD” tovar belgisiga fonetik jihatdan o‘xshash bo‘lgan “DOLCE GOLD” belgili kontrafakt mahsulot ishlab chiqarilganligi aniqlandi.

✅Holat bo‘yicha vazirlik tomonidan “M.X.” XKga nisbatan bazaviy hisoblash miqdorining 100 baravarida, ya’ni 41 mln. so‘m jarima qo‘llanildi hamda “GOLD” tovar belgisiga nisbatan huquqlarni buzuvchi barcha harakatlarni to‘xtatish majburiyati yuklandi.

⚠️Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot

#Ogoh_bo'ling!

❌ Bu ham FEYK.

❗️OGOH BO'LING!
Havolalar va QR-kod sizning ma’lumotlaringizni o’g’irlaydigan soxta saytlarga yo‘naltirishi mumkin.

❗️Firibgarlarga aldanib qolmaslikni va feyk xabarlarga ishonmaslikni so'raymiz.

Adliya vazirligi Axborot xizmati

Telegram | Instagram | Facebook | YouTube | Bot

✅Adliya vazirligi tomonidan tizim xodimlari uchun Islom sivilizatsiya markazida amaliy mashg‘ulotlar o‘tkazildi

🔸Adliya vazirligi huzuridagi Yuridik kadrlarni qayta tayyorlash va malakasini oshirish institutida uch kunlik o‘quv kursida ishtirok etayotgan Nodavlat notijorat tashkilotlar boshqarmasining hududiy organlari xodimlari uchun navbatdagi amaliy mashg‘ulotlar Islom sivilizatsiya markazida tashkil etildi.

🔹Tinglovchilar Markazning boy tarixiy merosi, qadimiy qo‘lyozmalar, ulug‘ allomalarning ilmiy maktablari va islom tamadduniga oid qimmatli ekspozitsiyalar bilan yaqindan tanishdilar. Mutaxassislar tomonidan nodavlat notijorat tashkilotlari faoliyatida ma’naviy-ma’rifiy jarayonlarning ahamiyati, jamoatchilik bilan ishlashda zamonaviy yondashuvlar hamda huquqiy madaniyatni targ‘ib qilishning samarali usullari yuzasidan amaliy mashg‘ulotlar olib borildi.

🔸Mazkur tashrif nafaqat xodimlarning kasbiy ko‘nikmalarini oshirishga, balki ular o‘rtasida jamoaviy ruh, o‘zaro hamkorlik va bir-birini qo‘llab-quvvatlash muhitini mustahkamlashga xizmat qiladi. Birgalikda o‘tkazilgan o‘quv jarayonlari tinglovchilarda yanada faol, tashabbuskor va ahil jamoa sifatida ishlash ko‘nikmalarini kuchaytiradi.

Telegram | Instagram | Facebook | YouTube | Bot

#Bilasizmi

❗️Biznesni boshlashda davlat xizmatlari kompleks tarzda ko'rsatiladi

2026-yil 1-yanvardan tadbirkorlarni davlat ro'yhatidan o'tkazishda "Biznesni 15 daqiqada boshlash" tamoyili doirasida xizmatlar ko'rsatiladi.

(Manba PF-214, 14.11.2025)

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot