#Adliya_xabari

“Konstitutsiya – yangi O‘zbekiston taraqqiyotining huquqiy kafolati” mavzusida xalqaro ilmiy-amaliy konferensiya bo‘lib o‘tdi.

Joriy yilning 3-dekabr kuni O‘zbekiston Respublikasi Konstitutsiyasi qabul qilinganligining 33 yilligi munosabati bilan Toshkent davlat yuridik universitetida “Konstitutsiya – yangi O‘zbekiston taraqqiyotining huquqiy kafolati” mavzusida xalqaro ilmiy-amaliy konferensiya o‘tkazildi.

Tadbirda O‘zbekiston Respublikasi Oliy Majlisi Qonunchilik palatasi, Konstitutsiyaviy sud, Adliya vazirligi, Oliy Majlisning Inson huquqlari bo‘yicha vakili (Ombudsman), Davlat siyosati va boshqaruvi akademiyasi, Odil sudlov akademiyasi hamda boshqa oliy ta’lim muassasalarining vakillari, shuningdek, Buyuk Britaniya, Finlandiya, Bolgariya, Vengriya, Hindiston va boshqa davlatlardan yetakchi huquqshunos olimlar ishtirok etdi.

Xalqaro anjumanda adliya vaziri o‘rinbosari M.Allakuliyev barchani Konstitutsiya qabul qilinganligining 33 yilligi bilan muborakbod etib, Konstitutsiya va amalga oshirilayotgan konstitutsiyaviy islohotlarning ahamiyati haqida so‘z yuritdi.

“O‘zbekistonda olib borilayotgan konstitutsiyaviy islohotlar bugun faqat huquqiy jarayon emas – bu global maydondagi siyosiy pozitsiyamiz, yangi konseptual qarashlarimizga javob beradigan siyosiy hujjatdir.”

Tadbir davomida yangi tahrirdagi Konstitutsiyaning mazmun-mohiyati va “O‘zbekiston – 2030” strategiyasining asosiy ustuvor yo‘nalishlari doirasida belgilangan tub islohotlar haqida milliy va xorijiy olimlarning ma’ruzalari tinglandi.

Xususan, so‘nggi yillarda iqtisodiy, ijtimoiy, madaniy-ma’naviy hayotning turli sohalarida amalga oshirilayotgan keng ko‘lamli islohotlar va bu borada erishilayotgan natijalarni mustahkamlashda yangi tahrirdagi Konstitutsiyaning o‘rni alohida qayd etildi.

Tashkil etilgan xalqaro anjuman Konstitutsiyaviy islohotlar, inson huquqlari, demokratik institutlarni mustahkamlash borasida fikr almashish, ilmiy xulosalar chiqarish va amaliy takliflar ishlab chiqish uchun xizmat qiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Toshkent viloyatida Adliya vazirligi va Toshkent davlat yuridik universiteti tashabbusi bilan tashkil qilingan “Targ‘ibot poyezdi" aksiyasi o‘z faoliyatini boshladi

Yuqori Chirchiq tuman adliya bo‘limi tomonidan ushbu loyiha doirasida bugun tumandagi 24-sonli bolalar musiqa maktabida O‘zbekiston Respublikasi Prezidentining 2025 yil 21 noyabrdagi F-60-son farmoyishi ijrosini taʼminlash maqsadida targ‘ibot tadbiri o‘tkazildi.

Tadbir “Konstitutsiya — inson qadri, erkinlik, tenglik va adolat garovi!” hamda “Xalqchil davlat — barqaror taraqqiyot va farovon hayot asosi” shiorlari ostida tashkil etildi.

Mazkur tashabbus doirasida ishtirokchilarga Konstitutsiyada belgilangan asosiy huquq va erkinliklar, qonun ustuvorligining jamiyat hayotidagi o‘rni, aholining huquqiy madaniyatini yuksaltirishga qaratilgan islohotlar mazmuni haqida atroflicha maʼlumotlar berildi.

Telegram | Instagram | Facebook | YouTube | Bot