#qonunchilikdagi_yangiliklar

✅Adliya vazirligi Markaziy bankning “Bank xizmatlari isteʼmolchilari bilan oʻzaro munosabatlarni amalga oshirishda tijorat banklarining faoliyatiga qoʻyiladigan minimal talablar toʻgʻrisidagi nizomga qoʻshimcha va oʻzgartirishlar kiritish haqida”gi qarorini (ro‘yxat raqami 3030-11, 2025-yil 28-oktabr) davlat ro‘yxatidan o‘tkazdi.

Ushbu hujjatda banklar bilan munosabatga kirishishda iste’molchilarning huquq va manfaatlarini himoya qilishga qaratilgan bir qator yangiliklar belgilandi, jumladan:
🔹banklar kredit ajratish vaqtida iste’molchilarga kredit olish bilan bog‘liq ehtimoliy tavakkalchiliklar to‘g‘risida cheklist taqdim etishi kerak;
🔸bank omonati (depoziti) shartnomasi yoki bank hisobvaragʻi shartnomasini tuzish jarayonlarida banklar omonatchilarni omonatlarni kafolatlash tizimi haqidagi axborot bilan tanishtirishi lozim;
🔹banklarda moliyaviy qiyinchilik yoki murakkab hayotiy vaziyatga tushgan fuqarolarning arizalarini ko‘rib chiqish tizimi joriy qilingan bo‘lishi va bu haqda o‘zlarining veb-saytlarida e’lon qilishi kerak.

Bunda, kreditlarni restrukturizatsiya qilish (masalan, kredit to‘lovi muddatlarini uzaytirish, foizlarni qayta ko’rib chiqish, jumladan homiladorlik va tugʻish taʼtilidagi ayollarning kredit toʻlovi muddatlarini oʻn oygacha uzaytirish bo‘yicha arizalarni ko‘rib chiqish nazarda tutilishi kerak.

❗️Bundan tashqari, hujjatda quyidagilar ham belgilanmoqda:
– davlat tomonidan beriladigan ijtimoiy nafaqa va yordam pullari, jumladan ijtimoiy kartalarga kelib tushadigan pullarni kredit qarzdorligi uchun undirish taqiqlandi;
– kreditlarni onlayn rasmiylashtirishda mijoz roziligini ifodalovchi maydonchalarni
(✅) yoki kredit parametrlarini oldindan belgilab qo‘yish taqiqlandi.

❗️Mazkur hujjat rasmiy eʼlon qilingan kundan eʼtiboran uch oydan keyin kuchga kiradi.

Telegram | Instagram | Facebook | YouTube | Bot

#Adliya_xabari

SAMARQANDDA YANA 744 NAFAR FUQARONING UY-JOYIGA BO‘LGAN HUQUQLARI E’TIROF ETILDI.

📆 Xalq deputatlari Samarqand viloyati Kengashining joriy yil 28-oktyabr kungi navbatdagi sessiyasida fuqarolarning yer uchastkasiga bo'lgan ijara huquqini hamda unda qurilgan bino va inshootga bo'lgan mulk huquqini eʼtirof etish masalasi ko'rib chiqildi.

✅Mazkur sessiyada Samarqand viloyati bo‘yicha jami 744 nafar fuqaroning mulkka bo'lgan huquqlarini e'tirof etish bo‘yicha qaror qabul qilindi.

📌 Endilikda mazkur hujjat egalik huquqi uchun asos bo‘lib, kelgusida yashash joyiga doimiy ro‘yxatga qo‘yish, meros va boshqa notarial xatti-harakatlarni amalga oshirish imkoniyatini yaratadi.

✅ Ma’lumot uchun, qonun ijrosi bo‘yicha shu kunga qadar Samarqand viloyatida 2800 nafar fuqaroning yer va mulkka bo‘lgan huquqlari e’tirof etildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#E'tirof

✍️Qashqadaryoda o'zboshimchalik bilan egallab olingan yer uchastkalariga hamda ularda qurilgan binolar va inshootlarga bo'lgan huquqlari e'tirof etilgan fuqarolar soni jami 3 063 taga yetdi.

Xususan:

🔂Chiroqchi tumanida 40 nafar
🔂Dehqonobod tumanida 84 nafar
🔂G'uzor tumanida 81nafar
🔂Kasbi tumanida 173 nafar
🔂Kitob tumanida 60 nafar
🔂Ko'kdala tumanida 26 nafar
🔂Koson tumanida 155 nafar
🔂Mirishkor tumanida 117 nafar
🔂Muborak tumanida 2 nafar
🔂Nishon tumanida 164 nafar
🔂Qamashi tumanida 176 nafar
🔂Qarshi shahrida 16 nafar
🔂Qarshi tumanida 108 nafar
🔂Shahrisabz shahrida 62 nafar
🔂Shahrisabz tumanida 190 nafar
🔂Yakkabog' tumanida 76 nafar fuqarolarning o‘zboshimchalik bilan egallab olingan yer uchastkalari va ularda qurilgan uy-joylariga nisbatan mulk huquqi e’tirof etildi.

Telegram | Instagram | Facebook | YouTube | Bot

#Men_bilgan_adliya

✅Adliya organlariga oxirgi marta qachon murojaat qilgansiz? Adliya organlari va muassasalari faoliyati va ular tomonidan koʻrsatilayotgan xizmatlarni qanday baholaysiz?

✅Ushbu savollarga xalqimiz orasida o‘zining betakror rollari va ijodi bilan chuqur hurmat qozongan aktrisa, "Shuhrat" medali sohibasi Dilnoza Kubayeva javob berdi.

Telegram | Instagram | Facebook | YouTube | Bot

#adliya_aralashgach

Xodimlarning 42 337 390 so‘mlik pulli kompensatsiya to‘lovlari undirib berildi

✔️ Buloqboshi tumani, "Do‘lana" MFYda yashovchi fuqaroning Buloqboshi tuman 11-sonli sanatoriy maktab-internatida ishlaganligini, mehnat shartnomasi ish beruvchining tashabbusi bilan bekor qilingan bo‘lsa-da ish beruvchi tomonidan pulli kompensatsiya to‘lab berilmaganligidan norozi bo‘lib viloyat adliya boshqarmasiga murojaat qiladi.

✔️ Viloyat adliya boshqarmasi tomonidan murojaat oʻrganilganda, xodim T.Jalolova va boshqa xodimlarning shu kunga qadar ish haqi (yoki ogohlantirish muddatiga mutanosib pulli kompensatsiya) to‘lovlari toʻlanmay kelganligi aniqlandi.

✔️ O'rganishlar davomida, javobgar Andijon viloyat maktabgacha va maktab ta’limi boshqarmasi tomonidan fuqarolar T.Jalolova, X.Soxibova, X.Abduraxmonova, A.Mirzayeva, N.Sotvoldiyeva, N.Ablyazova, M.Qosimova, G.Abduraximova va B.Ashurovlarga to‘lanmay qolgan ish haqi (yoki ogohlantirish muddatiga mutanosib pulli kompensatsiya) to‘lovlarini toʻlab berish choralarini koʻrish yuzasidan viloyat adliya boshqarmasi tomonidan Fuqarolik ishlari bo‘yicha Andijon tumanlararo sudiga da'vo arizasi kiritildi.

✔️ Fuqarolarga Andijon viloyat maktabgacha va maktab ta’limi boshqarmasi tomonidan toʻlanmay qolgan 42 337 390 so‘mlik oylik ish haqi to‘lovlari toʻlab berildi.

Telegram | Instagram | Facebook | YouTube | Bot