#Xalqaro_hamkorlik

O‘zbekiston va Birlashgan Arab Amirliklari davlat xizmatlari sohasida hamkorlikni yangi bosqichga olib chiqmoqda

Bugun, 13-oktyabr kuni O‘zbekiston va Birlashgan Arab Amirliklari o‘rtasida davlat xizmatlarini rivojlantirish masalalariga bag‘ishlangan onlayn uchrashuv bo‘lib o‘tdi.

Uchrashuvda O‘zbekiston tomonidan O‘zbekiston Respublikasi Prezidenti Administratsiyasi, Adliya vazirligi hamda Strategik islohotlar agentligi vakillari, BAA tomonidan esa Davlat xizmatlarini rivojlantirish va byurokratiyani qisqartirish direktori Hesham Amiri hamda boshqa mas’ullar ishtirok etdi.

Uchrashuv joriy yilning 7–9 sentyabr kunlari O‘zbekiston delegatsiyasining BAAga amaliy tashrifi doirasida erishilgan kelishuvlar natijasida tashkil etildi.

Uchrashuv davomida Toshkent shahrida BAA namunasida zamonaviy Davlat xizmatlari markazi binosini qurish, uni ta’mirlash va xodimlarni o‘qitish hamda Davlat xizmatlari markazlari faoliyatini baholash tizimini BAA tajribasi asosida takomillashtirish masalalari muhokama qilindi. Tomonlar yaqin vaqt ichida ushbu yo‘nalish bo‘yicha qo‘shimcha takliflar almashishga kelishib oldilar.

Uchrashuv konstruktiv va ochiq ruhda o‘tdi, bu esa ikki davlat o‘rtasida davlat boshqaruvi va xizmatlar sohasidagi hamkorlikni yanada chuqurlashtirishga zamin yaratadi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

Quvonchli xabar bilan o‘rtoqlashmoqchiman: Osaka shahrida tashkil etilgan EXPO butunjahon ko‘rgazmasida O‘zbekiston paviloni o‘z yo‘nalishi bo‘yicha oliy mukofotga — “Mavzuning eng yaxshi ochib berilishi” nominatsiyasida oltin medalga sazovor bo‘ldi.

Biz taqdim etgan “Bilimlar bog‘i: kelajakdagi jamiyat uchun laboratoriya” konsepsiyasida an’analar va innovatsiyalar uyg‘unligi o‘z aksini topgan. G‘oyamiz jahon hamjamiyatida keng ko‘lamli aks-sado berdi.

Barchani ruhlantirgan professionallik va ushbu loyihaga bo‘lgan ishonch uchun butun jamoaga, shuningdek, xalqaro hamkorlarimizga samimiy minnatdorlik bildiraman.

—
Хочу поделиться радостной новостью: павильон Узбекистана на Всемирной выставке ЭКСПО в Осаке удостоен высшей награды в своей категории — золотой медали в номинации «Лучшее раскрытие темы».

Мы представили концепцию «Сад знаний: лаборатория для общества будущего», отражающую гармонию традиций и инноваций, и эта идея получила широкий отклик в мировом сообществе.

Искренне благодарю всю команду и наших международных партнёров за вдохновение, профессионализм и веру в этот проект.

Yuridik xizmat ko'rsatish markazlari hamda tashkilotlarga amaliy yordam berilmoqda.

Adliya vazirligi mas'ul xodimlarining Qoraqalpog'iston Respublikasiga xizmat safari davomida Yuridik xizmat ko'rsatish markazlari hamda ular tomonidan xizmat ko'rsatiladigan tashkilotlar faoliyati bilan tanishilmoqda.

Xususan, Taxiatosh, Xo'jayli va Nukus tuman Markazlari hamda tashkilotlarning mas'ul xodimlari uchun yaratilgan sharoitlar o'rganildi.

Vazirlik mas'ul xodimlari tomonidan Markazlar va tashkilotlar kundalik faoliyatida uchrayotgan muammolar aniqlanib, ularni joyida hal etish choralari ko'rilmoqda hamda zaruriy ko'rsatmalar berilmoqda.

Telegram | Instagram | Facebook | YouTube | Bot