#Adliya_xabari

“Adolat” milliy huquqiy axborot markazi delegatsiyasi Minskda: huquqiy axborot va raqamlashtirish sohasida hamkorlik yanada mustahkamlanmoqda

✅Joriy yilning 8 – 10-oktyabr kunlari Minsk shahrida Belarus Respublikasining Milliy qonunchilik va huquqiy axborot markazi tomonidan tashkil etilgan VII Kuzgi ilmiy sessiya – xalqaro ilmiy-amaliy anjumani bo‘lib o‘tmoqda.

✅Mazkur sessiyada:

▪️Axborot xavfsizligini huquqiy ta’minlash;
▪️Norma ijodkorligi jarayonida sun’iy intellektdan foydalanish;
▪️Fuqarolik huquqiy munosabatlarga oid masalalar;
▪️Shartnomaviy huquq transformatsiyasi kabi bir qator muhim va dolzarb mavzularni qamrab olgan 9 ta yo‘nalish bo‘yicha kichik sessiyalar o‘tkazilishi rejalashtirilgan.

Sessiyaning ochilish marosimida O‘zbekiston Respublikasi Adliya vazirligi qoshidagi “Adolat” milliy huquqiy axborot markazi direktorining birinchi o‘rinbosari A. Karimov tomonidan O‘zbekiston Respublikasida huquq sohasida amalga oshirilayotgan huquqiy islohotlar, xususan, “O‘zbekiston – 2030” strategiyasida belgilangan qonun ustuvorligini ta’minlash, inson huquqlarini himoya qilish, biznes uchun adolatli huquqiy muhit yaratish, sud hokimiyatining mustaqilligini mustahkamlash hamda advokatura institutining salohiyatini oshirish kabi ustuvor vazifalar bo‘yicha, shuningdek, mamlakatimizda huquqiy axborotni aholiga yetkazish, ushbu sohani raqamlashtirish, jumladan, Lex.uz qonunchilik ma’lumotlari milliy bazasi hamda sun’iy intellekt texnologiyalariga asoslangan “LexAI” platformasi haqida axborot berildi.

Foydali fikr almashuvlarga boy tarzda o‘tayotgan ushbu xalqaro ilmiy-amaliy anjuman tadbirlari davom etmoqda.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

❗️Qo'qon shahridagi tadbirkorlarga tovar belgilari yuzasidan seminar o'tkazildi

✅Adliya vazirligi tomonidan tadbirkorlik subyektlariga o‘z brendiga ega bo‘lish hamda uning afzalliklari to‘g‘risida huquqiy tushuntirishlar berildi.

✅Mazkur tadbir davomida tadbirkorlar intellektual mulk sohasiga oid savollarga javob olish hamda vakolatli organlarga joyida murojaat qilish imkoniyatiga ega bo‘ldilar.

✅Shuningdek, 2025-yil 8-avgustdagi Oʻzbekiston Respublikasining OʻRQ–1080-son Qonunning mazmun-mohiyati tadbirkorlik subyektlariga batafsil tushuntirildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari
#San'at_va_ijod_himoyasi_oyligi

📍 Surxondaryoda “San’at va ijod himoyasi” oyligi doirasida ochiq davra suhbati o‘tkazildi

✅Bugun Termiz shahar adliya bo‘limi tomonidan Termiz Davlat universitetida viloyat madaniyat boshqarmasi, viloyatdagi nashriyotlar, talaba yoshlar hamda san’at va ijod sohasida faol shaxslar ishtirokida “San’at va ijod himoyasi” oyligi doirasida ochiq davra suhbati tashkil etildi.

💠 Tadbirda oylik doirasida amalga oshirilayotgan chora-tadbirlar dasturi ijrosi muhokama qilinib, ijodkorlarning huquqiy himoyasini kuchaytirish, mualliflik va turdosh huquqlarni himoya qilish tizimini takomillashtirish masalalari atroflicha yoritildi.

💠 Shuningdek, O‘zbekiston Respublikasining 2025-yil 8-avgustdagi O‘RQ-1080-son Qonuni mazmun-mohiyati, xususan mualliflik va turdosh huquqlarni himoya qilish samaradorligini oshirishga qaratilgan yangiliklar haqida batafsil tushuntirishlar berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot