​Сайидкомил Глазго университетида ўқийди...!

🏛 Тошкент давлат юридик университети битирувчиси Сайидкомил Ибодуллаев Глазго университети (Буюк Британия)нинг “Халқаро ҳуқуқ” дастури бўйича 2020/2021 ўқув йилида магистратура босқичида таҳсил олиш учун ўтказилган танловдан муваффақиятли ўтди.

Шунингдек, у мазкур университет Президентининг дунё бўйича 20 нафар талабага бериладиган стипендиясини ҳам қўлга киритди.

Энг қувонарлиси, ТДЮУ ректорининг буйруғига асосан Сайидкомилнинг мазкур нуфузли таълим муассасасида ўқиш ва турар жой харажатлари университет томонидан молиялаштириладиган бўлди.

У ўқишни тугатиб қайтганидан сўнг Тошкент давлат юридик университетида фаолият юритади.

Маълумот учун, Глазго университети (University of Glasgow) 2020 йилда "QS World University Rankings” рейтингида 67-ўринни эгаллаган. Олийгоҳ Буюк Британияда Оксфорд ва Кембриж каби университетларидан кейинги энг яхши ҳуқуқ факультетига эга олий таълим муассасаси ҳисобланади.
____________________

🏛 Выпускник Ташкентского государственного юридического университета Сайидкомил Ибодуллаев успешно прошел отбор на обучение в магистратуре Университета Глазго (Великобритания) в 2020/2021 учебные годы по программе «Международное право».

К тому же, он стал обладателем стипендии Президента данного университета, которая выдается только 20 студентам по всему миру.

Самое радостное это то, что, согласноприказу ректора ТГЮУ, расходы стипендиата, связанные с учебой и проживанием, будут профинансированы со стороны университета.

После завершения своего обучения за рубежом, Сайидкомил будет вести свою деятельность в Ташкентском государственном юридическом университете.

Для сведения: Университет Глазго (University of Glasgow) занял 67 место по версии "QS World University Rankings” в 2020 году. Считается, что университет имеет самый лучший правовой факультет в Великобритании после таких учебных заведений, как Оксфордовский и Кэмбриджский университеты.

Minjust.uz | Telegram | Twitter | Facebook | Instagram

✅ Каналга уланиш/Подписаться на канал: https://t.me/joinchat/AAAAAFZCEkvVhtOzezh5Hw

НОДАВЛАТ СУД-ЭКСПЕРТИЗА ТАШКИЛОТЛАРИ СУД ЭКСПЕРТИ КАСБИЙ ЛАЁҚАТИНИ ТАСДИҚЛОВЧИ СЕРТИФИКАТ ОЛИШ УЧУН ЯКУНИЙ ИМТИҲОН БЎЛИБ ЎТДИ

Жорий йилнинг 17 сентябрь куни нодавлат суд-экспертиза ташкилотлари суд эксперти сифатида ишлаш учун касбий лаёқатни тасдиқловчи сертификат олиш бўйича қайта тайёрлаш курсларини ўтмасдан якуний имтиҳон бўлиб ўтди.

Имтиҳон босқичлари очиқлик, шаффофлик ва одиллик принципларига асосан ўтказилди.

Имтиҳонда талабгорларнинг давлат ва жамият қурилиши ҳамда ижтимоий-сиёсий соҳадаги ислоҳотлар, жиноят ва фуқаролик ҳуқуқи, процессуал қонунчилик ҳамда экспертиза соҳасидаги саводхонлиги синовдан ўтказилди.

Якуний имтиҳон икки босқичда, яъни тест ва суҳбат асосида оғзаки савол-жавоб тарзида ўтказилди.

Нодавлат суд эксперти сифатида касбий лаёқатини тасдиқловчи сертификат олиш бўйича қайта тайёрлаш курсларини ўтмасдан имтиҳонда қатнашиш учун жами 17 нафар номзодлар талабгор сифатида Ўзбекистон Республикаси Адлия вазирлиги ҳузуридаги Х.Сулаймонова номидаги Республика суд экспертизаси маркази Қабул комиссиясига ҳужжат топширди.

Имтиҳон натижасида Қорақалпоғистон Республикасидан 2 нафар, Самарқанд вилоятидан 2 нафар Тошкент шаҳридан 5 нафар талабгорларга нодавлат суд-экспертиза ташкилоти суд эксперти сифатида ишлаш учун касбий лаёқатни тасдиқловчи сертификатлар бериш ҳақида Комиссия қарори қабул қилинди. Жумладан,

▫️Қорақалпоғистон Республикаси:
1) Асанов Манас Асанович;
2) Андирбаев Сатназар Курбаниязович;
▫️Самарқанд вилояти:
1) Утепов Бахтияр;
2) Утепов Умид Бахтиярович;
▫️Тошкент шаҳри:
1) Мифтахова Албина Юьревна;
2) Мўминова Насиба Жабборовна;
3) Маршанская Олга Петровна;
4) Мамедова Екатерина Ахмедовна;
5) Хасиятова Алфия Хатмуллаевна;

Имтиҳон жараёнлари 2020 йил 16-17 сентябрь кунлари Ўзбекистон Республикаси Адлия вазирлиги ҳузуридаги Х.Сулаймонова номидаги Республика суд экспертизаси марказининг www.sudex.uz расмий веб-сайти орқали онлайн тарзда ёритиб борилди ҳамда имтиҳон жараёнлари ёзиб олинди.

Minjust.uz | Telegram | Twitter | Facebook | Instagram

✅ Каналга уланиш: https://t.me/joinchat/AAAAAFZCEkvVhtOzezh5Hw