#Adliya_xabari

“Samarqand mayizi” geografik ko'rsatkich sifatida davlat ro'yxatidan o'tkazildi.

Shuningdek, "Qo‘shrabot mayizi" tovar belgisi ham davlat  ro‘yxatidan o‘tkazildi va endi  Qo‘shrabot mayizlari ushbu brend ostida bozor rastalaridan joy oladi.

🟡Adliya vaziri Akbar Toshqulov Qo‘shrabotda bo‘lib o‘tgan mayiz festivalida viloyat va Qo‘shrabot tuman hokimiga  bu haqidagi hujjatlarni topshirdi.

🟡 Samarqand viloyat adliya boshqarmasi va "Intellektual mulk markazi" davlat muassasasining koʻmagi bilan “Samarqand mayizi” geografik koʻrsatkich sifatida,  "Qo‘shrabot mayizi" tovar belgisi Adliya vazirligi tomonidan davlat roʻyxatidan oʻtkazildi. 
   

Muhim: O'zbekistonning tuproq iqlim sharoitlari uzum yetishtirish uchun juda qulay bo'lib, ayniqsa Samarqand viloyati hududida yetishtirilgan uzumdan tayyorlangan mayiz nafaqat respublika bozorlarida, balki chet ellarda ham o'z xaridoriga ega.

🟡Viloyatning iqlim sharoiti uzum quritish uchun nihoyatda qulay. Issiq yozning davomiyligi, nisbiy namlikning past bo'lishi, a'lo sifatli mayiz va xo'raki uzum navlarining yetishtirilishi, xalqning an'anaviy tajribalari quyoshli ochiq havoda va soyada meva quritish usullaridan keng foydalanishga, kam mablag' sarflab, yuqori sifatli mahsulot olishga imkon beradi.

⚔️Eslatib o‘tamiz: Bundan avval “Samarqand noni”, "Samarqand no‘xat sho‘ragi" va "Samarqand qog‘ozi" geografik koʻrsatkich sifatida davlat roʻyxatidan oʻtkazilgandi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Turizm
#Taqdirlash

Turizm fidoyilari taqdirlandi

Joriy yilning 3-oktabr kuni turizm sohasini rivojlantirishga va ommalashtirishga munosib hissa qo‘shgan bir guruh davlat organlari xodimlari, jamoat tashkilotlari, tadbirkorlik subyektlari xodimlariga Turizmni agentligi tomonidan ta’sis etilgan “Turizm fidoyisi” ko‘krak nishoni tantanali ravishda topshirildi.

Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov ko‘krak nishonini o‘z egalariga topshirdi.

Adliya vazirligidan quyidagi xodimlar taqdirlandilar:

➡️Xamraqulov Shavkatjon – Inson resurslari boshqarmasi bo‘lim boshlig‘i;

➡️Nurmuhammedov Muslimbek – Huquqiy axborot boshqarmasi bosh maslahatchisi.

Ma’lumot uchun, “Turizm fidoiysi” ko‘krak nishoni O‘zbekiston Respublikasi Prezidentning 2019 yil 13 avgustdagi “O‘zbekiston Respublikasida turizm sohasini yanada rivojlantirish chora-tadbirlari to‘g‘risida”gi PF–5781-sonli Farmoni ijrosini ta’minlash maqsadida Vazirlar Mahkamasining 2020-yil 10-iyuldagi 433-sonli qarori bilan ta’sis etilgan.

Ushbu xodimlarni mazkur e’tirof bilan tabriklaymiz hamda kelgusi ishlariga yanada yangi muvaffaqiyatlar va mustahkam salomatlik tilaymiz.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot