#Adliya_xabari

📣 Adliya vaziri o‘rinbosari Sh. Rabiyev tashrif davomida Ichki ishlar vazirligi Ekspert-kriminalistika Bosh markazining Samarqand viloyat hududiy bo‘limi faoliyati bilan tanishdi.

✅ Ichki ishlar vazirligi Ekspert-kriminalistika Bosh markazining Samarqand viloyati bo'limining ekspertlik yo’nalishlarini tegishli minimal talablarga mos ravishda zarur asbob-uskuna va boshqa jihozlar bilan ta’minlanganlik holati o'rganildi.

Mutaxassislar bu sohalarda strategik qarorlarni samarali amalga oshirish, tizimli yondashuvni ta’minlash hamda amaliyotdagi muhim jihatlarni kuchaytirish uchun barcha tegishli tuzilmalar o‘zaro hamkorlikda faoliyat yuritishi zarurligini ta’kidladilar.

Telegram | Instagram | Facebook | YouTube | Bot

“E-huquqshunos” elektron tizimida yanada takomillashtirilmoqda.

Xususan xizmat koʻrsatilayotgan tashkilotlar tomonidan loyihalar yaratishda “Kompozit” tarzda yuborish imkoniyati test rejimida ishga tushirilmoqda. Bunda xodimning arizasidan boshlab hujjat qabul qilinguniga qadar boʻlgan jarayonlar toʻliq “E-huquqshunos” elektron tizimi orqali amalga oshiriladi hamda xodimning “portfeli” modeli yaratiladi.

Bundan tashqari, Yuridik xizmat ko‘rsatish markazi xodimlari uchun bir martalik majburiy muqaddam o‘zi ishlagan va yaqin qarindoshlari ishlaydigan tashkilotlarni belgilash orqali ushbu tashkilotlardan hujjat kelib tushishini cheklash imkoniyati yaratildi. Shuningdek bir martalik majburiy tanlovdan so‘ng, xodim tomonidan ixtiyoriy vaqtda tanlangan tashkilotni o‘chirish va yangi tashkilot qo‘shish imkoniyati qo‘shildi.

“E-huquqshunos” elektron tizimi foydalanuvchilar takliflari asosida doimiy ravishda yangilanib borilmoqda

Telegram | Instagram | Facebook | YouTube | Bot

🤝 Hamkorlik Memorandumi imzolandi!

🏛 Yuridik kadrlarni qayta tayyorlash va malakasini oshirish instituti hamda Squire Patton Boggs xalqaro yuridik firmasi o‘rtasida hamkorlik memorandumi imzolandi.

📌 Memorandumga ko‘ra tomonlar:
– stajirovka va malaka oshirish dasturlarini joriy etish;
– qo‘shma konferensiya, seminar va o‘quv mashg‘ulotlarini tashkil etish;
– tadqiqot natijalari va manbalardan birgalikda foydalanish;
– boshqa qo‘shma tashabbuslarni amalga oshirishni ko‘zda tutmoqda.

🔰 Ushbu hamkorlik ilmiy-tadqiqot ishlarining samaradorligini oshirish, professor-o‘qituvchilar va xodimlar uchun yangi imkoniyatlar yaratish, akademik almashinuvni rivojlantirish hamda birgalikda o‘quv va ilmiy adabiyotlar yaratishga xizmat qiladi.

minjusttraining.uz | Facebook | Instagram | Telegram

📌 Prezident Farmoni va Hukumat qarori ijrosi yuzasidan hududlarda o‘rganish ishlari olib borilmoqda.

✅O‘zbekiston Respublikasi Prezidentining 2025-yil 8-sentabrdagi PF–157-son Farmoni hamda Vazirlar Mahkamasining 2025-yil 18-sentabrdagi 594-son qarori ijrosini ta’minlash maqsadida Adliya vazirligi ishchi guruhlari tomonidan Qibray, Toshkent, Yangiyo‘l tumanlari va Yangiyo‘l shahridagi tuman (shahar) hokimliklari, tibbiyot birlashmasi, mudofaa bo‘limi, qishloq xo’jaligi bo’limi, maktabgacha va maktab ta’limi bo‘limi hamda Davlat xizmatlari markazlarida keng qamrovli o‘rganish ishlari olib borilmoqda

❗️O‘rganishlar quyidagi asosiy yo‘nalishlarni qamrab olmoqda:
• nikohlanayotgan shaxslarni tibbiy ko‘rikdan o‘tkazish tartibotlari va elektron ma’lumot almashish holati;
• mudofaa bo‘limlari faoliyatida ma’lumotlarni yig‘ish va “Raqamli hukumat” tizimi bilan integratsiya;
• davlat organlari va tashkilotlarida hujjat almashish jarayonlari hamda texnik imkoniyatlar;
• aholiga qulaylik yaratish maqsadida interaktiv infokiosklarning ishlashi;
• yer munosabatlari bo‘yicha yangi tartibotlarning amaliy ijrosi.

ℹ️ O‘rganishlar davomida mavjud muammolar aniqlanib, ularni bartaraf etish choralarini ko‘rish, shuningdek, xodimlar o‘rtasida tushuntirish-targ‘ibot ishlari olib borilishi belgilangan.

Telegram | Instagram | Facebook | YouTube | Bot

#Adliya_xabari

Sud-ekspertlik faoliyatida zamonaviy texnologiyalar: Samarqandda amaliy seminar

❗️Adliya vaziri o‘rinbosari Sh.Rabiyev Samarqand viloyatiga tashrifi davomida O‘zbekiston Respublikasi Prezidentining 2025-yil 8-sentabrdagi PQ–270-son “Sud-ekspertlik faoliyatini yanada takomillashtirish va sohaga zamonaviy texnologiyalarni keng joriy etish chora-tadbirlari to‘g‘risida” qarori mazmun-mohiyati yuzasidan seminar o‘tkazdi.

✅ Seminarda viloyatdagi huquqni muhofaza qiluvchi organlar - sud, prokuratura, Ichki ishlar organlari, tergov va surishtiruv organi xodimlari va boshqa manfaatdor tashkilotlar ishtirok etishdi.

Uchrashuv davomida “E-ekspertiza” axborot tizimi orqali elektron hujjat almashinuvini joriy etish tartibi, sud-ekspertiza jarayonlarini texnik va huquqiy jihatdan yangilash, ekspertizalarda raqamli texnologiyalar va sun'iy intellektdan foydalanishning afzalliklariga urg‘u berilib, ushbu qarorni to‘g‘ri va to‘liq tatbiq etishga doir vazifalar belgilab olindi.