Maktablarda huquqni qoʻllash amaliyotini toʻgʻri tashkil etish ishlari amalga oshirilmoqda.

Avval xabar berganimizdek Adliya vazirligi tashabbusi bilan “Namunaviy maktab” loyihasi amalga oshirilmoqda.

Loyiha doirasida ishchi guruh tomonidan Toshkent shahar Shayxontohur tuman 102-son maktabda huquqni qoʻllash amaliyotini toʻgʻri tashkil etish ishlari amalga oshirilmoqda.

Xususan, maktab faoliyatidagi ishlarni raqamlashtirish, bino va sinf xonalarga qoʻyilgan talablarni birxillashtirish, rahbar xodimlar va oʻqituvchilar malaka talablarini toʻgʻri tashkil etish hamda “BPR” usulidan foydalanish orqali taʼlim sifatini va boshqaruv samaradorligini oshirish boʻyicha takliflar ishlab chiqilmoqda.

Sohaviy mutaxassislar bilan birgalikda oʻrganish davomida aniqlangan holatlarni bartaraf qilishning aniq mexanizmlari belgilab olindi.

Kelgusida maktab faoliyatini har tomonlama huquqiy taʼminlash orqali namunaviy ish yuritish tizimi yoʻlga qoʻyiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

📣Adliya vaziri A.Tashkulovning GFR Adliya va iste’molchilar huquqlarini himoya qilish Federal vazirligi Parlament davlat kotibi Anette Kramme bilan uchrashuvi bo‘lib o‘tdi

🔹Uchrashuv davomida, A.Tashkulov vazirlik faoliyati haqida, norma ijodkorligi, Germaniya Federal Adliya vazirligi xuzuridagi Germaniya xalqaro huquqiy hamkorlik jamg‘armasi (IRZ) bilan yaqindan hamkorlik aloqalari yo‘lga qo‘yilganligi, Tartibga solish ta’sirini baholash (TSTB) yo‘nalishida birgalikda tajriba-sinov loyihasi amalga oshirilganligi hamda Yevropa Ittifoqining “TWINNING” loyihasi doirasida milliy qonunchilik bazasini tizimlashtirish yuzasidan keng ko‘lamli ishlar olib borilayotganini ta'kidlab o‘tdi.

🔸Bundan tashqari, uchrashuvda Germaniya bilan adliya va huquq sohasidagi ikki tomonlama hamkorlikni kuchaytirish maqsadida, Germaniyaning qonun ijodkorligi, qonunchilikka sun’iy intellekt texnologiyalarini joriy qilish, tartibga solish ta’sirini baholash siyosati, raqamlashtirish, huquqiy tizimda innovatsiyalar bo‘yicha tajribalarini o‘rganish, nemis tajribasi asosida davlat xizmatlari uchun mobil ilovalarni takomillashtirish bo‘yicha takliflar muhokama qilindi.

🤝🏻🖊️Uchrashuv davomida, Germaniya Federativ Respublikasi Adliya vazirligi bilan huquqiy hamkorlik to‘g‘risida Qo‘shma deklaratsiyasi imzolandi.

Deklaratsiyaning imzolanishi ikki vazirlik o‘rtasidagi ilk hamkorlik hujjati hisoblanib, kelgusida vazirliklar o‘rtasida 8 ta yo‘nalishda:
🔻inson huquqlari,
🔻norma ijodkorligi,
🔻raqamlashtirish,
🔻korrupsiyaga qarshi ekspertiza,
🔻yuvenal yustitsiya,
🔻intellektual mulk himoyasi,
🔻arbitraj,
🔻oilaviy va fuqarolik ishlarida huquqiy yordam to‘g‘ridan to‘g‘ri hamkorlik qilish imkonini beradi.

Telegram | Instagram | Facebook | YouTube | Bot

#Adliya_xabari

Oʻqituvchiga ehtirom!

Bu yilgi aksiya ana shunday nomlandi! Adliya vazirligi tomonidan eʼlon qilingan “Oʻqituvchiga ehtirom” aksiyasi doirasida 1-oktyabr “Oʻqituvchi va murabbiylar kuni” munosabati bilan Namangan shahrida joylashgan 1-sonli umumiy oʻrta taʼlim maktabida bir guruh taʼlim fidoyilari bilan uchrashuv oʻtkazildi.

Uchrashuvda Adliya boshqarmasi xodimlari tomonidan aksiyaning maqsad va vazifalari, bugungi kunda oʻqituvchilarga berilayotgan qonunchilikdagi imtiyozlar hamda “Pedagog maqomi toʻgʻridagi” Oʻzbekiston Respublikasi qonuni haqida maʼlumot berdilar.

Uchrashuv yakunida oʻzining yoshlarga berayotgan beminnat bilimlari, faolligi, jonkuyarligi bilan soha xodimlariga oʻrnak boʻlib kelayotgan bir guruh ustozlar Namangan viloyat adliya boshqarmasining esdalik sovgʻalari bilan taqdirlandilar.

Eslatib oʻtamiz! Ushbu aksiya doirasida tuman (shahar) adliya boʻlimlari tomonidan Namangan viloyatida faoliyat olib borayotgan oʻqituvchilarning muammolari oʻrganilib, ular oʻrtasida onlayn soʻrovnomalar oʻtkazilmoqda.

Telegram | Instagram | Facebook | YouTube | Bot